Isaías 3:12 - Biblia Dc en Mixe de Quetzaltepec

¹² Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Biblia Mixe de Quetzaltepec

¹² Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Isaías 3:12 ပူးပေါင်းရင်းမြစ်များ

2 Reyes 11:1

Ko yë Atalía, ja Ocozías ja tyaak, tnija'awëy ko tëë ja myaank y'ooky, ënät ojts nyijkxy jam ma ja yajkutujkpë ja jyiiky myëku'ukën ets tyaj'o'ktaay jënu'un tpatyën.

Job 30:13

Xyajtu'u'ëtujktëpës, etsës xyaj'atëkoya'antë, ni pën tka''akajpxtuky këtiipë jeexyë jëtu'un y'ëtë'ëtstë.

Proverbios 28:16

Ko tsuuja'ay yë'ë yajkutuky ma tu'uk yë naax kajpnën ni'ikyë kyëjääjë ëyo'on jotmay; e yë ja'ay mëti'ipë ka'ap tii t'atsokyën, pyatäämpy yenyjyuukyajtën.

Eclesiastés 10:16

Janty mon janty tuk yajpaaty yë kajpn mëti'ipë kyutujkpë'ajtypyën tu'uk pi'k ëna'k ets mëti'ipë yë myëjja'aytyëjkëty ëmu'ukyëpë kyuxëënyëtën ma xyëëwtun xyëëwkajpxtën.

Isaías 19:14

Yë Wintsën të txëpiintaayë yë Egiptë ja'ay yë jyot wyinma'any ets jëtu'un ja Egiptë kajpn nyë'ëtëkoy tyu'utëkoyëty, jëtu'un jyata'an tä tu'uk ëmu'ukyë ja'ayën mëti'ipë ni'ikyë kumukpëjkëpën ko tyëkë ë'tspë.

Isaías 3:4

Ets tpëjkta'aka'any yë ëna'ktëjk ets yë'ë yajkutuktëty; pi'k ëna'k nëjkx y'ëne'emy.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Miqueas 3:5

Ja nnaax nkajpnës jä'ä pyaye'epy ja në'ë tu'u ka'apë myëtëyëtyën jä'ä ko yë'ë win'ë'ënëtëp yë käjpxynyajxpëtëjkëty, mëti'ipë tyukwinwa'anëtyëpën ja jotkujk'ajtën ko pën yajkayëtë ets tsyipwinkajpxëtyëp ko pën tii kyamo'ojëtë. Jëtu'un yë Wintsën t'ënëmaay tääpë käjpxynyajxpëtëjkëty:

Nahúm 3:13

Yë mtsiptuunpëtëjk jëtu'un yaj'ixy aak to'oxytyëjk yowë; ma kajpn yajnitëkën ëwa'ats yajpaaty oy yë mëtsip jap tyëkëjanëtëty; jä'ä ko yë nyi'akaj tëë nyëtooytyä'äy mëët yë jëën.

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.