Isaías 3:10 - Biblia Dc en Mixe de Quetzaltepec

¹⁰ Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Biblia Mixe de Quetzaltepec

¹⁰ Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Isaías 3:10 ပူးပေါင်းရင်းမြစ်များ

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Sofonías 2:3

Yë'ë Wintsën ixta'atë, miitsëty ninu'un yu'unk naxym mjuuky'atën ets ninu'un xymyëmëtowtën yë y'ënä'ämën kyutujkën. Tëyajtën winë xytyuntëty ets yu'unk naxym, wä'änxyëp yë tsoktakn xypyaatëty ko ënety ja Wintsën jyoot'anpëky.

Jeremias 15:11

Atëwaanp maas të xypyoktën, pën ka'ap oy të nmëtuny ets pën ka'apës të nijëëytyä'äky të ninu'kxtä'äky yë nmëtsipës ma ënety ëxëëk jyatën kyëpätën.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Éxodo 1:20

Jëtu'un'äämpy ojts yë Israel ja'ay yë nyaax kyajpn myëjë kyëjääjë ets yajxon nyimayëtë ets myëktaktë. E näjyëtu'un ënät ja to'oxytyëjktëjkëty mëti'ipë ja'axtëpën mëëtkyëjxm ko ojts ja Dios tsë'ëkëtë, ojts ja Dios mëj këjää kyënu'kxëtë jyëkyäpëtë ets nimay ja u'unk ëna'k näjyëtu'un myooyëtë.

Deuteronomio 12:25

Këtii yë ne'pyny xyjyë'kxtëty ets jotkujk mjuuky'atëty, näjyëtu'un yë m'u'unk m'ëna'këty mëët ko ënety ja Wintsën ja y'aaw y'ayuk xypyatuunëtë.

Salmos 58:11

Ënet ja käjpxy y'ëna'ana'any: Nik oy'ajtp ko oy winë ntu'unmëty. Jä'ä ko tää tu'uk yë Dios mëti'ipë winë nyipaye'epyën.

Proverbios 12:14

Tu'uktu'uk yë ja'ay jëtu'un tii tpaaty ijxtëm tii tnimëtyä'äkyën; ets jëtu'un yajmëjuy ijxtëm tii tunyën.

Proverbios 13:21

Yë pokyjyä'äytyëjkëty jëtu'un yë ëxëëkpë tyimpajëtitëtë. E yë wa'ats ja'aytyëjk yë'ë kyuma'ayën'atantëp yë oyajtën.

Proverbios 18:21

Yë aaw ayuk yaj'o'kp ëkë yajjuuky'ajtp yë'ë; mëti'ipë ja'ay ku'awakën ëxëëk jyäty kyëpety.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Jeremias 22:15

¿Jëtu'un mmay mtajyë ko tu'uk yajkutujkpë ajë kepynyawopy mëpaat y'ëne'emyë? Yë mteety oy ojts jyuuky'äty jä'äkyëjxm ko oy ojts winë tnipaye'ey ets mëtëy win tuuny, paatykyëjxm jotkujk jyuuky'äjty.

Ezequiel 18:20

Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Miqueas 7:13

Yë naaxwiinyëtë, aanë'ëk tëëtsë'ëk y'awinpita'any mëët ko të tyëkoytyë yë naaxwiinyëtë ja'ay, jëtu'un wyinpëtsëma'any ja y'ëxëëktu'un y'ëxëëk kajpxënëty.

Proverbios 10:6

Ma oyjyä'äyën, mëj këjää yë kënu'kxën jam kyëtä'äky; e ma ja ëxëëk ja'ayën, jëtu'unyë yajkumon yajkutukëty ja ëxëëk jot ëxëëk winma'any.

Lucas 19:19

Näyjyëtu'un ya'atë yaj'ëtsooy: Mëkoxk ja kajpn xy'ënä'ämëty.