Isaías 3:1 - Biblia Dc en Mixe de Quetzaltepec

¹ Ja'aykyukëtë yajxon. Yë Wintsën jyëpëjkäämpy, ja ka'ayën ukën jam Judá ets jam Jerusalén, näjyëtu'un ja nëë tuu ets tëkokyë ja jë'kxy pëky.

Biblia Mixe de Quetzaltepec

¹ Ja'aykyukëtë yajxon. Yë Wintsën jyëpëjkäämpy, ja ka'ayën ukën jam Judá ets jam Jerusalén, näjyëtu'un ja nëë tuu ets tëkokyë ja jë'kxy pëky.

Isaías 3:1 ပူးပေါင်းရင်းမြစ်များ

2 Reyes 25:3

Ma tyaxtujk anyën ja mëmajktaxk po'opë, tääpë jëmëjt, ni'ik ojts ja yuu xëëw myëktaknë jam kajpnjotm, ja ja'ayëty ka'ap t'ëkmëët'ajnëtë tii jyë'kxtëp pyëktëpën.

Salmos 105:16

Ojts tyaj'ity yë yuu xëëw ma tääpë it naaxwiinyëtën, ets tjëpëjktaay tëkokyë yë jë'kxy pëky.

Isaías 1:24

Paaty y'ënä'äny yë Wintsën mëti'ipë maaytyääyëpën winë: Ja kutujkënmëëtpë yajpaatyën jam Israel, jëtu'un tnikäjpxy: Wä'än jäpaat jëtu'un tuunkojy tjajtkojyë. Ëjts ntukumëtowäämpyës yë nmëtsipës. Ëxëëkës yam ntuna'any.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Isaías 3:16

Näyjyëtu'un yë Wintsën y'ënä'äny: Ja to'oxytyëjkëty mëti'ipë jam Sión kukajpnajtëpën, ja amëj akëjxmëpë jyuuky'atën; ja në'ix pa'at'ijxpë jyä'äy'atën, ja wiinkonjatypë nyajtswa'akëtën ets mëti'ipë yaj'ënantëpën ja tyekytsyum,

Isaías 36:12

E ja Asiria ja'ay, ja tsyiptuunpë wintsën, tyaa y'ëtsooy: Ëjts ka'apës myiitsëty të nnimintë ets ka'apës yë'ëjëty të nniminy yë mwintsënëty ets ya'atë ayuk ntukmëtowëtyës mëti'ipës yë yajkutujkpë të xytyukmëkäxënës. Ëjts yë'ëjës të nyajtuknikexy yë tampë ja'ayëty potsykyëjxmëpë kyu'ijxnaxtën ets nijawëtëty ko kyë'ëmtë'ëny jyë'kxantëp ets kyë'ëmta'aty y'uukantëp.

Isaías 5:13

Paatykyëjxm, mëët yë'ë ko ja naax kajpn ka'ap jyä'äkyukë, ni'amukë mnëjkxta'aja'antë wiink naax wiink kajpn tsumy matsy. Tëkokyë ja ja'ayëty mëët ja kyutuunk yuu'o'kta'aja'antë.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 9:20

Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Jeremias 37:21

Ënet ja Sedequías yajkutujkpë ojts tni'ënä'ämë ets ja Jeremías jam tsumy y'itëty ma ja këwent'ajtpë y'itën ets tmo'otëty ja kyääky winjëpom, mëti'ipë tso'onpën ma yajtijyën Tu'u Jot Ma Ja Tsajpkääky Kyojyën. Jäpaat jyëtu'un'ajty mapaat jyaak jam'ajtyën ja kääky uuky jam Jerusalén. Yë Jeremías jam ojts y'ity tsumy matsy ma ja këwent'ajtpë y'itën.

Jeremias 38:9

Wintsën, mëti'ipë tääpë ja'ay të tuntën, mëjpoky yë'ë. Tääpë Jeremías yuu'ookëp ënät jap nëëjutjoty, jä'ä ko ka'ap maanë yë jë'kxy yaa kajpnjoty.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Jeremias 52:6

Ma taxtujk y'änyën, ja mëmajktaxk po'opë, jää ojts ja ja'ay mëk tja'awënëtë ja yuu nëëtëëtsë jap kajpnjoty, ka'ap maa tiinë tii ja'ay jyë'kxtëpën.

Lamentaciones 5:4

Njuuynyëtëpës mëti'ipës ëëts nnëë'ajtëpën; njuuynyëtëpës mëti'ipës ëëts nja'axy'ajtëpën.

Ezequiel 14:13

Ko tu'uk yë naax kajpn xymyëtëkoyëtyës ets wintsë'kën tyajtëkoyëty ma ëjtsën, nixajë'ëkäämpyës ets ntëytyunäämpyës ko npëjkëtyës yë jyi'kxy pyiky; nkäxäämpyës yë yuu xëëw ma yë'ëjën ets y'ooktëty yë jëyujk ets ja'ay.

Amós 4:6

Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Miqueas 4:9

E tyam, ¿tii ko myä'äxy mjoky, tä tu'uk yë to'oxytyëjkën mëti'ipë u'unk maay pyaatäämpy y'ixäämpyën? ¿Jä'ä ko ka'ap pën ja'ay mëti'ipë yajkutukëpënë? ¿ëkë jä'ä ko të y'o'kta'atë mëti'ipë ijty mwinma'anymyooyëpënë?