Isaías 29:8 - Biblia Dc en Mixe de Quetzaltepec

⁸ Jëtu'un tä tu'uk ja'ay yuu'ookyën ets wyinkuma'ay ko kyäy, ko wyijy je'eyëm ja myox'ak tukwa'ats; ëkë tä tu'uk ja'ay tyëëtsën ets wyinkuma'ay ko nyëë'uuky, ets ko myä'äywyijy nëkooyë y'aaw të tyëtsmujknë mëët ja tëëtsë. Jëtu'un jyata'antë ja naax kajpn mëti'ipë Sión kajpn nyipëtë'ktëpën.

Biblia Mixe de Quetzaltepec

⁸ Jëtu'un tä tu'uk ja'ay yuu'ookyën ets wyinkuma'ay ko kyäy, ko wyijy je'eyëm ja myox'ak tukwa'ats; ëkë tä tu'uk ja'ay tyëëtsën ets wyinkuma'ay ko nyëë'uuky, ets ko myä'äywyijy nëkooyë y'aaw të tyëtsmujknë mëët ja tëëtsë. Jëtu'un jyata'antë ja naax kajpn mëti'ipë Sión kajpn nyipëtë'ktëpën.

Isaías 29:8 ပူးပေါင်းရင်းမြစ်များ

2 Crónicas 32:21

Ënet ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënety tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

Salmos 129:5

Wä'än tsëtyu'unmëët twë'ëmta'atë ets wä'än tkä'äktë mëti'ipë myëtsip'ajtëpën yë Jerusalén kajpn.

Salmos 73:20

Ko ënety mijts mpëtë'ëky, Wintsën, jëtu'un tä ja'ay myä'äypyëti'ikyën, ënät nëjkx ka'ap ninu'un xy'ixa'any tääpë ja'ayëty mëti'ipë tëkatsy ja jyot wyinma'anyëtyën.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.

Isaías 41:12

Nëjkxëp ja mmëtsip xyjya'ijxta'ay, ka'ap maa xypyaata'any; mëti'ipë tsiptunaanpën mëët mijts jëtu'un nëjkx nyäxy ijxtëm jeexyë tii kyatimkyä'tyën.

Isaías 44:12

Tsojk n'ëknimëtyakëm wi'ix ja ja'ay tyunyën mëti'ipë pujxn tyuunk'ajtypyën: jëyëjp pyajn tkoonë'ëky ets tyaj'aanpëky ja pyujxn, tsapts këwiiwnë tyajjaty ets ënät tyëkë pujxnka'tspë. Yajxon myëjaaw tjanty'ixy ma kyë'ëjën. Pën ja pujxnka'tspë ka'ap kyäy y'uuky tsojk myëjaawkëxëty, ets pën ka'ap nyëë uuky pojën y'ënu'kxëja'any.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Nahúm 2:1

Nínive, tää mniminyë mëti'ipë myajkutëkoyanëpën. Pëjkta'ak yë mkëwent'ajtpë ma këwent'ajtaknën. Kwent'at yë tu'u. Nätyukmoxwëënët yë mtëypyujxn. Yajmujkta'a yë mtsiptuunpëtëjk.