Isaías 29:5 - Biblia Dc en Mixe de Quetzaltepec

^5-6 E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Biblia Mixe de Quetzaltepec

^5-6 E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Isaías 29:5 ပူးပေါင်းရင်းမြစ်များ

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 31:3

Yë Egiptë ja'ayëty, ja'ay yë näjyëtu'unëty, ets ka'ap tyios'atë; yë këwaayëty, jëyujk yë'ëjëty ets ka'ap pyoj'atë. Yë Wintsën nipëtë'ëkanëtëp yë'ëjëty ets tyiytyuna'anëtë, tu'ukyë ëxëëk jyata'an kyëpäta'antë, jëtu'un ja mëti'ipë kuwaanpën ets mëti'ipë yajkuwaanpën.

Isaías 25:5

Ëkë tä tyäty anpëxikyën të'ëts naaxjoty. Mijts myajyu'unkëp yë mëtsip yë jyot wyinma'any ma ya'axtë jyoktën, jëtu'un tä xy'apëjktukyën yë xëëw'an mëët yë yoots nëma'a. Mijts atsip xyaj'ëmony yë ëxëëkja'aytyëjk.

Salmos 35:5

Wä'än jëtu'un tjatë tkëpätë tä pu'uxm wyimpapojyën, mëti'ipë yë tsajpjotmëtë kukäjpxy të t'ëxkexyën.

Salmos 1:4

E yë ëxëëkja'aytyëjkëty ka'ap jyëtu'un'atë, jä'ä ko jëtu'un yë'ëjëty tä aaykyëta'akën mëti'ipë winpapojpën.

Job 21:18

¿Jëna'a të y'ëkwa'kxtëpë jëtu'un tä yë pu'uxm pyojwä'kxyën ko pojxujtyky nyäxy?

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Isaías 25:3

Paaty ja naax kajpn mwinkutsë'ëkëty mëti'ipë ta'tspëky yajpatpën, mtsë'këyëp yë jotmëk kajpn.

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Isaías 29:20

Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,

Isaías 40:15

Yë'ë, jëtu'un yë mëj naax mëj kajpn t'ixy tä nëë tu'ktsunyën, tä tu'uk naaxwayën jap kijpxënjoty; yë kajpn mëti'ipë nëë'itkujky yajpatëpën jëtu'un t'ixy tä tu'uk yë jinën.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.

Isaías 41:15

Jëtu'un mijts nyajtuna'any tä tu'uk kepyën mëti'ipë tsajpmok wyinjëjtypyën, jemypyë ets mëti'ipë oy yë tyëtsën; mwinjëtsäämpy ja tun kopk, way way xytyuunta'aja'any, tä tsajpmok akën xyaj'awinpita'any ja tun kopk.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 47:11

Je'eyëp ko minaanp ja ëyo'on jotmay ma mijtsën, oy jënu'un tii xyjyatunëty ma mpatoy mpano'okyën, ka'ap tii xytyunëty. Ja ëyo'on jotmay mëti'ipë mtukëtakëpën, ka'ap tjëkyepy xykyukä'äkëty; ka'ap ënety tii xy'aawëty xyjyotëty ko ja amay jotmay mtukja'tëtëty.

Isaías 48:3

Ojts tëëyëp ntuk'ëwaanë wi'ix tii tsyo'onë'ky tsyo'ontäkyën; ëjts ojts kë'ëm nnikäjpxy. Ajotkumonës ojts winë ntuny ets tyuunë jyajtë.