Isaías 29:24 - Biblia Dc en Mixe de Quetzaltepec

²⁴ Mëti'ipë ënety ka'ap tii oy tja'akyukëtën nëjkxëp wyijytya'aktë; ets mëti'ipë ënety ka'ap tii oy tmëpëktën, nëjkxëp y'ijxpëktë.

Biblia Mixe de Quetzaltepec

²⁴ Mëti'ipë ënäty ka'ap tii oy tja'akyukëtën nëjkxëp wyijytya'aktë; ets mëti'ipë ënäty ka'ap tii oy tmëpëktën, nëjkxëp y'ijxpëktë.

Isaías 29:24 ပူးပေါင်းရင်းမြစ်များ

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Hechos 2:37

Ko jëtu'un tmëtoowtë, tää jyotmaytyëjkëtyë ets tyajtëëwtë ja Pedro ets ja wiink ijxpëjkpëtëjk: Mëku'ukëty, ¿tiijës ntuntëp?

Lucas 7:47

Paaty mijts nnëëmë, ko yë to'oxytyëjk mëti'ipë ijty mëjpokymyëëtën, tëë yajkpokymye'kxy, jä'ä ko mëj ja tsojkën ja'awën tmëëtëty. Mëti'ipë wäänë yajkpokymyä'kxpën, wäänë ja tsojkën ja'awën tmëëtëty.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Isaías 41:20

ets tëkokyë yë ja'ay nijawëtëty, tmëmay tmëtajtëty ets tja'akyukëtëty, ko Dios winë të tyajkojy, mëti'ipë jam yajpatpën ma Israel ja'ayëtyën ets yë'ë winë të tpëjktä'äky.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Isaías 32:4

Jëyëjp nëjkx winë tmëmay tmëtajtë, täänëm winë tuntëty. Ja aaw ayuk mëti'ipë ënety kyajpxtëpën, nëjkxëp oy yajja'akyukë.

Isaías 54:13

Nëjkxëp yë m'u'unk m'ëna'k nyaj'ijxpëjkta'atës ets aak jotkujk nëjkx y'itë.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.