Isaías 29:20 - Biblia Dc en Mixe de Quetzaltepec

²⁰ Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,

Biblia Mixe de Quetzaltepec

²⁰ Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,

Isaías 29:20 ပူးပေါင်းရင်းမြစ်များ

Miqueas 2:1

Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kuttujkën mëk'ajtën.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 29:5

E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Isaías 13:3

Tëës nmëkajpxmuky ja njotmëktëjkës, tëëjës ja ntsiptuunpëtëjk nmo'oy ja ënä'ämën, mëti'ipë tyukxoontaktëpën koos nmëtä'äky, ets tyajnaxtëty ja tëytyu'unën.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Lucas 23:35

Tam ja mayjyä'äy t'ixtë, kutuunkpaat ja Jesús nëxiktë tukxiktë ets y'ëna'antë: Tëë yë wiinkpë tyajtso'oky, wa'an ënät tyam kë'ëm näyajtso'okyë; pën yë'ë janty Kristë, mëti'ipë Dios të wyin'ixyën.

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Lucas 6:7

ja tsajptëkotyëtë yaj'ijxpëjkpëtëjk ets ja fariseë ja'ayëty je'eyë tpa'ix tpawoontë ja Jesús, yë'ë y'ixantëp pën y'ëkyajktsokpy ja pa'amja'ay po'kxënxëëwjoty, jëtu'unts tni'ëënëja'antë.

Daniel 7:7

Ja mëmajktaxkpë ja mëj jëyujk atsë'ëk ajawë yaj'ixy ets nëkooyë myëk'ajnë. Yë'ë tyëts'ajtyp yë pujxn; aak tyimtsu'tstääpy tii tyimpatyp ets tnaxmëtäänë mëti'ipë natëjkëpën. Tëkatsy tääpë ja mëj jëyujk y'ixëty, ka'ap jyëtu'un'atë ja mëti'ipës ënety mëjëyëjp të n'ixyën, tam tmëëtëty majk yë wyaj ma kyëpajkën.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënety të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënety të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënety muum wi'ix jyata'antë.

Salmos 10:18

Nipaye'ey yë ku'ooky u'unk ets mëti'ipë ëxëëk yajtuunp yaj'ënëmääpyën: Yë naaxwiinyëtë ja'ay mëti'ipë naaxën, ka'ap mëpaat y'atsë'ëk y'ajawë.

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Miqueas 2:3

Paaty yë Wintsën y'ënä'äny: Ëjts nmëët'ajtypyës ja jot winma'any wi'ixës ntëytyuna'anyën mëti'ipë tuuntëkooypyën. Ntuknikäxantëpës yë ëyo'on jotmay ma ka'ap nëjkx tjëkyepyën wi'ix nyäjyuutëtëtyën ets ka'ap nëjkx amëj akëjxm y'ëkye'ey y'ëknajxnëtë jä'ä ko ja ëyo'on jotmay ënety ijtp.