Isaías 29:10 - Biblia Dc en Mixe de Quetzaltepec

¹⁰ Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Biblia Mixe de Quetzaltepec

¹⁰ Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Isaías 29:10 ပူးပေါင်းရင်းမြစ်များ

Romanos 11:8

ijxtëm y'ënä'änyën ja jaaypyetypë myinyën: Dios ojts jëtu'un pyëjkta'akëtë ets ka'ap tii tjawëtëty, ets jëtu'un tyampaat je'eyëm jyatë; jya'ijxtëp ets ka'ap t'ijxpaatë, jyamëtoowtëp ets ka'ap tja'akyyukëtë.

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

1 Samuel 9:9

Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Miqueas 3:6

Miitsëty ka'ap xy'ëkmëët'atanëtë ja tsuu kuma'ay koots ets ka'ap nëjkx m'ëk'maayënëtë wi'ix tii xy'akajpxtëtyën. Nëjkxëp ja xëëw jää jyäjy tyi'kxy ma tääpë käjpxynyajxpëtëjkëtyën ets ko xyiiny'atëty nëjkxëp jää kyootsë,

Ezequiel 14:9

E ko tu'uk yë käjpxynyajxpë tëkatsy winë tkajpxnaxëty, ëjts Wintsën, ëjts ënety të nwin'ëëny tääpë käjpxynyajxpë; nëjkxëpës nixajë'ëky ets ntëytyunyës ets njo'otsa'anyës maas yë nnaax nkajpnën, Israel kajpn.

Salmos 69:23

Mijts myajwiintsëtya'ajëp ets ko ye'eya'antëty je'eyë yë tyeky tsyëyuuypyëktëty.

1 Samuel 26:12

Tä ja David yi'iyë ojts tkäpy ja ku'umën ets ja nyëë'a'ukën ja Saúl jampë ënety tyaj'ityën kyëpäjky ets ojts nyëjkxtë. Ni pën ojts kya'ixëtë ets kyamëtowëtë, ni pën ojts kyawijy ma ënety jam të yajpaatën, jä'ä ko aak maatëp ënety ja ja'ayëty; yë Wintsën yë'ë ojts kë'ëm t'ëwa'atsy ets ja ja'ayëty myaatëkooytya'atëty.

Miqueas 3:1

Mëtoow'itë miits tyam, Israel yajkutujkpëty ets Israel wintsëntëjkëty, ¿Këtii jëtää mpaatëtë miitsëty xynyijawëtëty ja mëtëypyë ets ja jaantypë nipaye'eyënë?

Isaías 29:14

E paatykyëjxmës të ntuknipëjktaakë koos nyaj'ixa'anyë ja nmëj'ajtën etsës tääpë naax kajpn jëtu'unyë amonyë nyajwë'ëma'any. Ja wyijy'ajtën ets ja kyëpetyajtënëty ja wyijyjyä'äytyëjkëty, jëtu'unyë nëjkx tyëkooytyä'äy.

Isaías 43:27

Ja m'ap m'ok tyuuntë ja nëë poky, ja mya'ijxpëjkpëtëjkëty ojts xykyäjpxy kyumëtoownaxtë,

Jeremias 4:9

Jëtu'un yë Wintsën y'ënä'äny: Ko ënety jëtu'unpë xëëw jëmëjt tukja'ty, yë yajkutujkpëtëjk ets kopktëjkëty nëjkxëp tsyë'këtya'aktë, yë teetytyëjkëty ets käjpxynyajxpëtëjkëty nëjkxëp tsyëtyuuypyëjkta'atë.

Lamentaciones 4:14

Jëtu'un nyäpyëjkta'akëtë ko nyaxtë tyëkëtë ka'ap yowë tii t'ixtë; ëxëëk ja jyot wyinma'any yajpaatë, ni pën kyawinkuwa'akëja'anëtë.

Miqueas 2:6

Ëëtsëty ka'apës yam yë'ë ntsoktë ets tii xytyukmëmëtya'aktëtyës yë käjpxynyajxpëtëjkëty, jëtu'un y'ëna'antë. Yë ëyo'on ka'ap xypyaata'anëmë.