Isaías 28:7 - Biblia Dc en Mixe de Quetzaltepec

⁷ Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Biblia Mixe de Quetzaltepec

⁷ Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Isaías 28:7 ပူးပေါင်းရင်းမြစ်များ

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Isaías 19:14

Yë Wintsën të txëpiintaayë yë Egiptë ja'ay yë jyot wyinma'any ets jëtu'un ja Egiptë kajpn nyë'ëtëkoy tyu'utëkoyëty, jëtu'un jyata'an tä tu'uk ëmu'ukyë ja'ayën mëti'ipë ni'ikyë kumukpëjkëpën ko tyëkë ë'tspë.

Eclesiastés 10:17

Oy tsuj yë naax kajpn yajpaaty mëti'ipë yë kyutujkpë oy winë tyuunpyën ets mëti'ipë yë wyintsëntëjk kaaytyëpën uktëpën ma nyikutukyëtyën ets paatykyëjxm kyäytyë ko yuu'ookëtë ets ka'ap yë'ëkyëjxmëty ko nyäyajmu'uka'anëtë.

Proverbios 20:1

Yë nëë mëti'ipë mukpën yajtëkooyëp yë ja'ay; yë nëë mëkpë ëxëëk yë ja'ay tyaj'ëtë'ëtsy tyaj'ëna'any;; ko ja'ay myu'ukyë tëkoopy yë jot winma'any ets ka'ap tii oy tuny.

Miqueas 2:11

Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

Isaías 3:12

Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Salmos 107:27

Jëtu'un kyunëjkx kyukëta'awëtyë tä ëmu'ukyë ja'ayën; ka'ap nimaa tyuuny oy winë tjajajt tjanija'awëtë.

Efesios 5:28

Jëtu'unts ja ye'etyëjk tsoktëty ja tyo'oxytyëjk ijxtëm kë'ëm ja nyi'kx kyopk tsokyën. Pën tsyojkpy ja tyo'oxytyëjk, kë'ëm ënety nyätsyokyë.

Ezequiel 44:21

Nitu'uk mëpaat yë teety yë tsatym nyëë tka'uuky tëëpë nyimaanaxyën ko jap yajpaatëty ma ja tsajptëjk tëja'awën.

Ezequiel 13:7

Ja wiinkëma'ay mëti'ipë miitsëty mëët'ajtëpën ka'ap tyiyajtënëty. Mëti'ipë m'akajxtëpën ka'ap myëtëyëty. Jëtu'un m'ëna'antë koos yë n'aaw n'ayuk mnikajpxëtëp, e ëjts ka'apës tii të nikäjpxy.

Lamentaciones 2:4

Yë Wintsën jëtu'un tä tu'uk yë mëtsipën, të two'ontë yë tyi'pxn, mëk yë kyë'ë të tpëjktä'äky; jëtu'un tä mëtsipën jëtu'un të tyajkutëkooytyä'äy mëti'ipëjaty ënety y'oy'ijxypyën; tä jëënën të tyajnaxy yë tsyip y'äkë ma Sión kajpn tyaj'ityën yë tsyiptuunpëtëjk.

Jeremias 23:13

Tëës n'ixy wi'ix yë käjpxynyajxpëtëjk mëti'ipë Samaria kukajpnajtëpën xymyëtëkoytyës: ko të kyäjpxynyaxtë Baal të tukajpxpätë ets nnaax nkajpnës, Israel kajpn të nyë'ëtëkoy të tyu'utëkoytyë.

Isaías 29:11

Tu'kë'ëyë mëti'ipë jeexyë ja käjpxynyajxpë nyikäjpxypën, jëtu'un tä jeexyë muum këxja'ay y'ityën ets pëjkë'ëky ets ku'ëtsa'ay. E oy pën ja myëku'uk tja'ënëëmëty mëti'ipë nokykyajpxpën: Tyaa tyaapë noky ënät ëk kajpx, yë'ë je'eyë y'ëtsowa'any: Ka'ap tjëkyepy nkajpxëtyës, jä'ä ko ku'ëtsa'ay tääpë noky.

Isaías 24:2

Tu'knax tpaata'antë ja ëyo'on jotmay, wä'än tpënëty: teety, naax kajpn, yajmëtuunpë, mëtuunpë, wintaj, wintsën, juupyë këpäjtpë, ato'k ayajkpë, yajnu'kxpë ets mëti'ipë nu'kxpën, mëti'ipë kakëpäjtpën ets mëti'ipë kayajmëkëpäjtpën.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Isaías 5:22

Janty mon janty tuk miitsëty myajpaatë, jä'ä ko je'eyë m'uuktë mjë'kxtë ets jëtu'un mnäyjyawëtë mëtaktëp yowë, tëë xyjyajnëtë wi'ix xyëpintëtyën ja uuky ets ka'ap pën m'ëkmëëpatënëtë.

Isaías 5:11

Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

Proverbios 23:30

Yë'ë mëti'ipë je'eyë ukp mukëpën, janaam jatsojkpë t'ukmatsyën yë nëë mëti'ipë jempyëtsëmën, mëti'ipë mukpën.

Isaías 24:20

Tä ëmu'ukyë ja'ayën, jëtu'un y'ëtëtsta'aka'any, tä mëëytyëjkën mëti'ipë nyixeny pejyën jëtu'un pyojyu'kxa'any. Yajxon ja nyëë pyoky jye'emty'ajnëtë, ka'ap t'ëkjëkyäjpnë wi'ix tmëpëtë'ëktëtyën.

Isaías 28:1

Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Isaías 43:27

Ja m'ap m'ok tyuuntë ja nëë poky, ja mya'ijxpëjkpëtëjkëty ojts xykyäjpxy kyumëtoownaxtë,

Oseas 7:5

Ko ojts ja nkutujkpë'ajtëm yajtukujeny ja kyujän, ojts ja wintsëntëjk yajpa'ampätëtë tsatym nyëë mëti'ipë tëë nyimaanaxyën, jä'ä ko y'anëty. Ets të tputëkë ja mëti'ipë tukxik tuk'ëwë'këpën.

Habacuc 2:15

Janty mon janty tuk mijts myajpaaty, jä'ä ko yë'ë mtuk'a'ukëp yë mëj jëën mëtëjk yë nëë mëti'ipë xëpinyën mëët yë tsooy mëti'ipë yajwinma'anytyëkoopyën ets xynyëxi'ika'any xytyukxi'ika'any ko ënety niwa'ats ëxwa'ats yajpaaty.

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.

Isaías 5:23

Mnimeenypyëjktëp ets ja ëxëëk ja'ay ka'ap pyokytyëkëty, ets ka'ap xypyaye'eytyë ja wa'ats ja'ay ijxtëm pyäätyën.