Isaías 28:4 - Biblia Dc en Mixe de Quetzaltepec

⁴ Ets tääpë pëjy oypyë yaj'ixyën mëti'ipë të xyo'tsnë, mëti'ipë jam yajpatpën joyjotm ma winë y'ity wyintëyën, jëtu'un nëjkx jyäty tä tsatym tsya'amën mëti'ipë tsaamë'kpën: ko yaj'ijxpaaty tim nayajnëtujkp ets yajjë'kxy.

Biblia Mixe de Quetzaltepec

⁴ Ets tääpë pëjy oypyë yaj'ixyën mëti'ipë të xyo'tsnë, mëti'ipë jam yajpatpën joyjotm ma winë y'ity wyintëyën, jëtu'un nëjkx jyäty tä tsatym tsya'amën mëti'ipë tsaamë'kpën: ko yaj'ijxpaaty tim nayajnëtujkp ets yajjë'kxy.

Isaías 28:4 ပူးပေါင်းရင်းမြစ်များ

Isaías 28:1

Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Isaías 8:4

Jä'ä ko ka'anëm ënety kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënety jap kajpnjoty yajpatpën, ja Sirië yajkutujkpë nëjkx tmënëjkxta'ay.

Oseas 13:1

Ko ijty kyäjpxy yë Efraín, yë Israel ja'ayëty je'eyë wyinta'ak nyaaxkowtë; e yë Efraín jää ojts y'o'knë ma ënety të t'ëwtatyën yë Baal.

Oseas 13:15

Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Oseas 9:16

Tëë yë Efraín tsyëtyuty, tä tu'uk yë kepyën mëti'ipë të tyi'itsyën yë tyikts ets ka'ap y'ëktëëmpäjnë. Oy tjamëët'atë y'u'unk, nyaj'ookanëpës yë y'u'unk myääy.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Nahúm 3:12

Tëkokyë yë mkëwent'ajtakn jëtu'un yajpaaty tä tu'uk yë higo kepyën mëti'ipë tyëëmën u'unkjatyëty ets ko yajwinxity poj'am nyëka'ata'ay ets jap kyuka'ajë y'aawjoty ma mëti'ipë jë'kxanëpën.

Apocalipsis 6:13

ets ja mëtsa'a kya'ataaytyë naaxkëjxy ijxtëm ja mëkpoj ja higo tëëm tyajkatska'ayën.