Isaías 28:26 - Biblia Dc en Mixe de Quetzaltepec

²⁶ Yë Dios yë'ë tukni''ijxëyëp wi'ix tii tunëtyën:

Biblia Mixe de Quetzaltepec

²⁶ Yë Tios yë'ë tukni''ijxëyëp wi'ix tii tunëtyën:

Isaías 28:26 ပူးပေါင်းရင်းမြစ်များ

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Salmos 144:1

Mëjjaw kënu'kxyjyawë yë Dios yë xyëëw y'ity mëti'ipës xykyuwaanpën. Yë'ëjës xytyukjajtp wi'ixës ntsiptunëtyën.

Job 39:17

Jä'ä ko ka'apës yë wijyajtën kujk'ajtën të nmo'oy; ojtsës ntukwintuk'ooky ma yë'ëjën yë oypyë jot winma'any.

Job 35:11

mëti'ipë xyaj'ijxpëjkëmën ets winë xytyukjajtëmë mëët yë aayjëyujk ujtsjëyujk ets joon jëyujk.

Éxodo 28:3

Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Salmos 94:10

¿Wä'än jëtää ka'ap tyiytyunyë mëti'ipë naax kajpn tyukumëtoopyën ko tii tuuntëkoyë? ¿Wä'än jëtää ka'ap jyä'äkyukë mëti'ipë naax kajpn winë tyuk'ijxpëjkpyënë?

Isaías 28:9

Xynyimëtyaktëpës ets y'ëna'antë: ¿Pën minaanp ets xyaj'ijxpëka'anëmë? ¿Pën minaanp ets xytyuknijawëja'anëmë mëti'ipë ja Dios të tnikäjpxyën?

Isaías 28:25

Ko ja nyaax tëë yajxon t'oytyuunta'ay, yë'ë jëyëjp nyipy yë eneldo ëkë cominë, tääts tni'ipy ok yë tsajpmok, ëpëky tnitajë, e jam kampë'am tukpa'aniipë yë cebadë ets centeno.

Isaías 28:27

Jä'ä ko yë eneldo ka'ap yajwinteeny, ets cominë ka'ap tjëkyepy yajwintäänëty mëët yë kepy wintëkäämpë; yë eneldo, kepy mëët yajwinwopy; yë cominë mats mëët yajwinwopy.

Job 32:8

Oy jyayajnijawë ko tu'kë'ëyë ja'ay aak myëët'ajtyp ja jot winma'any, jä'ä ko yë mëti'ipë maaytyääyëpën winë tëë tmo'oy nitu'ukjaty yë ja'ay wi'ixjaty myäyëty tyajëtyën.