Isaías 28:21 - Biblia Dc en Mixe de Quetzaltepec

²¹ Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Biblia Mixe de Quetzaltepec

²¹ Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Isaías 28:21 ပူးပေါင်းရင်းမြစ်များ

1 Crónicas 14:11

Tä ja David jam pya'tëjkëy ma tu'uk ja itjot txëëwatyën Baal-perasim, jam ojts mëët tsyiptuntë ets ka'ap tyajmëtäky ja filistejë ja'ayëty. Paatykyëjxm jam y'ënäny: Jëtu'unës yë Wintsën yë nnë'ë ntu'u të tyaj'ëwa'atsy maas yë nmëtsipën tä jeexyë muum mëj nëëkomjoty të nnaxyën të'ëts wa'ats. Paatykyëjxm tampë it tyajxëëwpäjtë Baal-perasim.

2 Samuel 5:20

Tä ja David jam jyä'äjty Baal-perasin, jam mëët yajxon tsyiptuuny ja filistejë ja'ayëty, ma ojts ka'ap tyajmëtä'äkyën. Paaty jam y'ënäny: Jëtu'un tä yë mëj nëëkom muum nyäxyën, jëtu'unës yë Wintsën yë nnë'ë ntu'u të xy'ëwatsë maas yë nmëtsiptëjkën, paatykyëjxm tampë ja it txëëwmooy Baal-perasim.

Josue 10:12

Ko yë Wintsën tkë'ëyäjky yë Amor ja'ayëty ma Israel ja'ayëtyën, ojts yë Josué yë Wintsën tmëkäjpxy jam ma ja mayjyä'äy yajpaatën ets t'ënëmaay: Yë xëëw wä'än twë'ëmy jam Gabaón; Yë po'o wä'än twë'ëmy jam Aialón.

Josue 10:10

Wintsën ojts kë'ëm tuknipëjktaakë ets nëkooyë yajtsë'ëkëtëty ja Israel ja'ayëty, e jëtu'un'äämpy ja Josué may ja ja'ay tyaj'o'ky jam Gabaón. Ojts ja Amor ja'ayëty jyakäknëtë, e ja Josué ojts ënätyë tpatsoony, jampaat tpaja'ajty Bet-horón ets jënu'un tim pyäätyën aak yaj'o'k, tyimpanëjkx jampaat ma ja it naaxwiinyëtë txëëwatyën Azecá ets Maquedá.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

1 Crónicas 14:16

David jëtu'un ojts tjantytyuny, ojts ëxëëk tuntë ja filistejë ja'ayëty, mëti'ipë tsip'ixyëtyën, ëxëëk ojts tuntë; timpyatso'ontë jam ma txëëwatyën Gabaón ets timpyaja'ajtë jam Guézer,

2 Samuel 5:25

David ojts jëtu'un tuny tä ënety ja Wintsën të tyuk'ëne'emyën ets ka'ap ja filistejë ja'ayëty tyajmëtäky, tpatso'ony jam Gabaón ets tyimja'ajty jam Guézer.

Isaías 29:14

E paatykyëjxmës të ntuknipëjktaakë koos nyaj'ixa'anyë ja nmëj'ajtën etsës tääpë naax kajpn jëtu'unyë amonyë nyajwë'ëma'any. Ja wyijy'ajtën ets ja kyëpetyajtënëty ja wyijyjyä'äytyëjkëty, jëtu'unyë nëjkx tyëkooytyä'äy.

Isaías 28:19

Ko myinëty tääts mpajëtuta'anëtë. Jopyëp myina'any, xëëny koots. Je'eyë xymyëtoowpaatëty ko tää myiny tääts ënätyë mtsë'ëkëja'antë.

Jeremias 30:14

Ja ye'etyëjktëjk mëti'ipë ënety mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Ezequiel 33:21

Ma myëkoxk anyën ja mëmajkpo'opë, ma majkmäjtsk jëmëjt kyä'pxyën ma ënety tsumy matsy të nyajmënëjkxëmën wiink naax wiink kajpn, jääjës tu'uk yë ja'ay xynyimiiny jam tsyoony Jerusalén ets xytyukmëmëtyäkyës ko tëë ënety ja mëtsip tnitëkë ja naax kajpn.

Lamentaciones 3:33

Yë'ë ka'ap t'oyjyawë ko yë naaxwiinyëtë ja'ay y'ëyoy jyotëkoy ets ka'ap jëtu'un jyawinmay tyaj'ëyowa'any yë naaxwiinyëtë ja'ay.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?

Isaías 65:7

mëti'ipë të yajja'ay'ooktën ets ja tyeety tyaakëty ma näjyëtu'un të yajja'ay'ooktën. Yë'ëjëty tim no'k tim xaamtëp ijty jam tunkëjxm kopkëjxm ets ni'ikyë xyajjoot'anpëktës. Paatyës ntuknipëjktakënë ko yam winë npaye'eyä'änyës, ets ntukumëtowa'antës ijxtëm pyaat'atëtën. Yë Wintsën jëtu'un ënaanp.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Isaías 29:23

Ko ënety ja y'u'unk y'ok t'ixtë wi'ixës winë të ntunyën ma ja nyaax kyajpnëtyën, ënät nëjkx t'ijxpaatë ja nwa'ats'ajtënës ets nëjkxëpës xywyinkutsë'ëkëtë, maas ëjts nxëëwatyën Dios mëti'ipë Israel ja'ayëty kyënu'kxyjya'awëtëpën.

Isaías 64:2

ets naax kajpn xyajtooytya'ajëty jëtu'un tä yë mats wyintooykyëtä'äkyën ëkë jëtu'un tä yë nëë y'ë'tskëtä'äkyën. Ënet ja mmëtsiptëjk m'ixkapëtëty ets ja naax kajpn mwinkutsë'ëkëtëty.

Habacuc 1:5

Ixtë ja naax kajpn mëti'ipë mëët mnäpyaatëtën; ixtë wi'ix jyatë kyëpätë ets mtsë'ëkëtëty. Ëjts mëjës winë ntuna'any ets ka'ap nëjkx xymyëpëktë ko pën mjatukmëmëtya'akëtëty.