Isaías 28:2 - Biblia Dc en Mixe de Quetzaltepec

² Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Biblia Mixe de Quetzaltepec

² Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Isaías 28:2 ပူးပေါင်းရင်းမြစ်များ

Job 22:16

Yë'ëjëty jëtu'un të y'o'kta'atë tä jeexyë të nyëënikoompätën ko yë mëjnëë të kyomy.

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 30:28

Ko xyejy jëtu'un yajmëtoy nëëkomën; tä nëëkomën mëti'ipë yo'kntuuy ku'utpën. Yë'ë nyimiinp yë naax kajpn ets tyajnëjkxa'any ëyo'ontum tä ja'ay tsajpkaa tkepymyëtsumën mëti'ipë tyukyuupyën, Yë'ë nyimiinp ja naax kajpn ets tyaj'ëmona'any jëtu'un tä ja'ay yë jëyujk t'ajäänë'ëkyën ets twoowtëkoy.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Isaías 32:19

oy ënety muum ja ja'ay tëë ja tun kopk twinpujxtutaaynyëtë ets aanë'ëk tëëtsë'ëk ja naax kajpn yajpatnë.

Isaías 40:10

Mëët yë mëk'ajtën ja Wintsën myiny, yë'ë winë të tmëmëtakta'ay mëët ja myëk'ajtën ets mëët ja kyë'ë. Ja nyaax kyajpn jä'ä yajmiimpy mëti'ipë të tyaj'ëwaatsëpëtsëmyën, mëti'ipë jeky të y'ityën wojpë'ëky käjpë'ëky.

Isaías 8:6

Mëët ko ja naax kajpn ka'ap ja nëë të tkupëky mëti'ipë jam najxpën Siloé, mëti'ipë ja kajpn tyukye'eynyäjxypyën, jä'ä të t'oyjyawë ja Rezin ets ja myaank ja Remalías.

Ezequiel 13:11

Ënëëmëtë tääpë ja'ayëty mëti'ipë potsy poop nyikooytyëpën, ko këtawaanp tääpë potsy. Minaanp yë nëë tuu ets tëtsn tuu mëti'ipë tsaajën këxë'ëkaanpën ets mëkpoj tuupoj myina'any,

Ezequiel 38:9

Jëtu'un nëjkx mja'ty tä yëk yootsën ets xyajwintukëty yë kyajpn ets nëjkx xytyukja'ty tääpë kajpn tä tu'uk mëktuupojën mëët tu'kë'ëyë ja mtsiptuunpëtëjk ets ja naax kajpn mëti'ipë ënety mëët të mnäyjä'äypyikyën.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Nahúm 1:8

E ko pën yajjoot'anpëkyë jëtu'un ëxëëk y'ëti'itsy y'ënä'äny tä mëj nëëkomën; yë myëtsip jëtu'unyë tyajkukootsëja'any.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.