Isaías 28:19 - Biblia Dc en Mixe de Quetzaltepec

¹⁹ Ko myinëty tääts mpajëtuta'anëtë. Jopyëp myina'any, xëëny koots. Je'eyë xymyëtoowpaatëty ko tää myiny tääts ënätyë mtsë'ëkëja'antë.

Biblia Mixe de Quetzaltepec

¹⁹ Ko myinëty tääts mpajëtuta'anëtë. Jopyëp myina'any, xëëny koots. Je'eyë xymyëtoowpaatëty ko tää myiny tääts ënätyë mtsë'ëkëja'antë.

Isaías 28:19 ပူးပေါင်းရင်းမြစ်များ

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Daniel 8:27

Ëjts Daniel, jëtu'unës të näjyawëty xejy tyujkpës yowë ets kanaak xëëwës të nmëko'knë pa'am mëët. Okës të niwijy ets jatëkok të ntuuntëkës ma ja yajkutujkpë ja kyutujktaknën. Je'eyëp mëk nmëmay nmëtajyës ja nkuma'ayës mëti'ipës ënety të nwin'ixyën, jä'ä ko ka'apës ënety oy nwinjawë wi'ixës jyaniwija'anyën.

Daniel 7:28

Jëtu'un jyëjpkëxy ja nyimëtyä'äky. E ëjts Daniel, mëkës të nmëmay të nmëtajy, poopëmës je'eyë të njajta'ay; je'eyëp ko tyaapë ni pënës të nkatuknijawë.

Jeremias 19:3

Jëtu'un xy'ënëëmëty: Judá yajkutujkpëtëjk ets miitsëty Jerusalén ja'ayëty, mëtoow'itë ya'atë Wintsën yë y'aaw y'ayuk, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Mëk ëyo'onës nkäxäämpy ma ya'atë kajpnën; ko ënety pën tnijawë'aty, je'eyë nëjkx myony tyuk,

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Isaías 37:3

ets t'ënëëmëtëty ko ja yajkutujkpë jëtu'un ënaanp: Mon tuk tyam nyajpatëmë, mëj këjää ja tëytyu'unën, ka'ap ja jot mëjaawnë, jëtu'un tä tu'uk to'oxytyëjk jyätyën mëti'ipë mëjaawkukëjxëpën ko y'u'unk myääy tyimminanë naaxwiiny.

Isaías 36:22

Ënet ja Eliaquim mëti'ipë akëëpy kujkëëpyën ma ja yajkutujkpën ets ja Sebná mëti'ipë kujääpyën ets ja Joah mëti'ipë ja yajkutujkpë jyääpyë'ajtypyën, tkë'tstaaytyë ja wyit tyujkxy ets ojts tninëjkxtë ja Ezequías ets tukmëmëtya'aka'antë wi'ix ënety ja Asiria ja'ay të y'ënä'änyën, mëti'ipë tsiptuunpëtëjk nyiwintsën'ajtypyën.

Isaías 33:7

Mëtoow'it wi'ix ya'axtën jyoktën ja jotmëkja'aytyëjk jap tu'u akë'p ets wi'ix jyë'ëtën ya'axtën ja ja'ayëty mëti'ipë aaw ayuk myënëjkxtëpën ets jeexyë ja tsip yajkajpx'oyë.

2 Reyes 24:2

E ja Wintsën yë'ë tyuknikäjx ja Joaquim ja mä'tspëty mëti'ipë Caldeo ja'ayëtyën, sirië ja'ayëty, Moab ja'ayëty ets Amón ja'ayëty jam Judá ets ja naax kajpn tyajkutëkoytyëty jëtu'un tä ënety ja Wintsën të t'akäjpxyën mëët ja tyuunpëtëjk.

Job 18:11

Oy maatsow jyanëjkxy je'eyëm ëyo'on pyaata'anyë; jëtu'un xëmë nyäjyawëty yaj'ixjëtijtp yajpaajëtijtp yowë.

2 Reyes 21:12

ëjts, mëti'ipë Wintsën'ajtpën, mëti'ipë yë Israel y'ëwtajtëpën, tyamës nikäjpxy ja n'aaw n'ayuk: Nyajminäämpyës ja ëyo'on jotmay ma ja Jerusalén kajpnën ets ma ja Judá kajpnën; ja ja'ay mëti'ipë nëjkx tmëtowtën wi'ix ënety ja naax kajpn jyäty kyëpetyën mëk nëjkx tjawëtë.

2 Reyes 18:13

Ma ënety majkmajkts jëmëjt yajkutukyën yë Ezequías, jää ojts yë Senaquerib, Asiria yajkutujkpë, tukja'ty yë Judá nyaax kyajpn mëti'ipë yaj'ijtëpën ta'tspëky ets këwent'aty ets tjä'äpëjktaay.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

1 Samuel 3:11

Ets ja Wintsën y'ënäny: Ëjts yë'ëjës yam nikajpxäämpy mëti'ipës ntunäämpyën ma Israel kajpnën, mëk ja aaw ayuk yajmëtoy mëti'ipës nikajpxäämpyën.

Job 6:4

Mëti'ipë maaytyääyëpën winë, jëtu'unës të xytyuny ijxtëm jeexyë të xytyukmoxmëkumën yë xyëwät ets të tukye'eyëtyä'äy yë njot nini'kxës. Tëës yë Dios xytyuktu'u'ëtujkta'ay yë ëyo'on jotmay.

Job 24:17

Yë xëënyajtën koots tyajnaxtë; yë'ë tsyojktëp yë kootsajtën.

Salmos 55:4

Mëpaatëpës yë njuuky pyëtsëëmnë; yë tsë'ëkë mëti'ipë yaj'o'kpën yë'ëjës të xytyukkëtä'äky.

Salmos 88:15

Yë jëtu'unpë jää ojts tsyo'ontä'äky koos n'ëna'k'ajty ets jëtu'un tyampaat tyu'uye'ey, mon tukës nyajpaaty, o'kën jëjp'amës näjyawëty; tëës yë këjääjëtypë ëyo'on jotmay nyajnaxy mëti'ipës të xytyuknikexyën, e maas tyam ja ëyo'on npaatyën ka'apës n'ëkmëmëta'akanë.

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Lamentaciones 2:22

Xii yaa muum të xyajtsoony atsë'ëk ajawëpë, jëtu'un tä jeexyë myintën xëëw'ijxpë; Wintsën ko xyaj'ity yë ëyo'on ni pën të kyamayë kyä'äkëty. Mëti'ipës ojts nyaj'ijxpëkyën yë mëtsip të tyaj'o'kta'ay.

Job 41:9

Yë Leviatán je'eyë yaj'ixy tääts ntsë'këmëty.

Jeremias 4:5

Nikajpx nimëtya'aktë jam Jerusalén ets jam Judá, tukxu'uxtë yë pujxnxuxn ma tu'kë'ëyë naax kajpnën, jëtu'un mëk mya'axtëty mjoktëty: Ja'amtë. Tsojk ntu'ukmujkëmë. Ja'amta'ayëm ma ja naax kajpnën mëti'ipë ta'tspëky yajpatpën ets këwent'aty, ijtpën.

Jeremias 4:9

Jëtu'un yë Wintsën y'ënä'äny: Ko ënety jëtu'unpë xëëw jëmëjt tukja'ty, yë yajkutujkpëtëjk ets kopktëjkëty nëjkxëp tsyë'këtya'aktë, yë teetytyëjkëty ets käjpxynyajxpëtëjkëty nëjkxëp tsyëtyuuypyëjkta'atë.