Isaías 28:18 - Biblia Dc en Mixe de Quetzaltepec

¹⁸ Nëjkxëp y'atëkoy ja mkäjpxytyu'unën mëët ja o'kën, mëti'ipë ënety mëët ja o'kën të xykyäjpxy'atën, ka'ap nëjkx y'ëktsoowpatnë. Minaanp ja ëyo'on jotmay, o'ktëy nëjkx mjatë mkëpätë.

Biblia Mixe de Quetzaltepec

¹⁸ Nëjkxëp y'atëkoy ja mkäjpxytyu'unën mëët ja o'kën, mëti'ipë ënäty mëët ja o'kën të xykyäjpxy'atën, ka'ap nëjkx y'ëktsoowpatnë. Minaanp ja ëyo'on jotmay, o'ktëy nëjkx mjatë mkëpätë.

Isaías 28:18 ပူးပေါင်းရင်းမြစ်များ

Isaías 7:7

E ja Wintsën, jëtu'un y'ënä'äny: Nëkoopë mnäwyin'ëënëtë. Ka'ap jëtu'un jyata'any kyëpäta'any tä mja'ëna'antën.

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Isaías 28:15

Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.

Isaías 28:3

Mëët ja tyeky tä'änëtita'any, mëti'ipë ënety amëj akëjxm yajpatpën, ma Efraín kajpnën mëti'ipë xëmë amu'ukyë yajpatpën.

Daniel 11:40

Ko ënety tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Apocalipsis 17:15

Ets ja tsajpjotmëtë kukäjpxy näjyëtu'un xynyëmaayës: Yë mejy mëti'ipë të xy'ixyën ma ku'into'oxy y'u'unyën, yë'ë tyijpy ja ja'ay mëti'ipë yajpatëpën maajaty ja naaxwiinyëtën, ma kanaakjëjpë ja aaw ayuk ja'ay tkajpxtën, ma ja naax kajpnën ets ma ja itjot naaxjotmën.

Apocalipsis 12:15

Ets ja mëj tsa'any mëj komnëë tyajpëtsëëmy y'aawjoty ets ja to'oxytyëjk tyajwinpajë'ëta'any,

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Jeremias 47:2

Ëjts Wintsën, jëtu'unës n'ëna'any: Jam anëkëjxmtsow tsyoona'any jëtu'un tä komnëë kyupëjyën, tä nëëkap jyënäkyën ets tyajnikoompety ja naax kajpn ets tëkokyë mëti'ipë jap ijtëp tsënaaytyëpën. Tääts ja ja'ayëty jyë'ëja'an ya'axa'antë mëët ja pëjkën ato'onën mëti'ipë jap tsënaaytyëpën.

Jeremias 44:28

Tim niwäänë nëjkx kyä'äktë tsipjoty ets nëjkx jap tsyoontë Egiptë ets myintëty Judá. Jëtu'un nëjkx nijawëtë pën ënety ja y'aaw y'ayuk atëëp, pën yë'ëjëty ëkë pën ëjts.

Isaías 8:8

Jëtu'un jam Judá jya'ta'any, tyimku'tëty jëtu'un yo'kntuuy. Ets nyäwya'kxa'anyë ets tyajwintujktaja'any ja mnaax mkam, Emanuel.

Isaías 2:15

tu'kë'ëyë mëti'ipë jëtu'un näjya'awëtëpën mëjpotsyën, këjääpë,

Isaías 5:5

E tyam ntuknijawëja'antë wi'ixës ja ntsatsym kam ntuna'anyën: njëpëkäämpyës yam ja nyikemy ets ja kam tyimkutëkoyëty; tyamës ja nyipotsy njijtë'ëkanë ets ja ja'ay jap tyëkëtëty ets tkutä'änta'atëty;

Jeremias 19:7

Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

Jeremias 2:37

Wintsëtyu'un jëjptsëtyu'un jatëkok jap Egiptë mwinpitëty jä'ä ko tëëjës ja naax kajpn n'ëxmajtsta'ay mëti'ipë ënety mmëkwinkajpxëyëpën; e oy jënu'un mëët oy mjanäjyawëtëty, ka'ap nitii xypyaata'any mëët yë'ëjëty.

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.

Ezequiel 13:11

Ënëëmëtë tääpë ja'ayëty mëti'ipë potsy poop nyikooytyëpën, ko këtawaanp tääpë potsy. Minaanp yë nëë tuu ets tëtsn tuu mëti'ipë tsaajën këxë'ëkaanpën ets mëkpoj tuupoj myina'any,

Nahúm 1:8

E ko pën yajjoot'anpëkyë jëtu'un ëxëëk y'ëti'itsy y'ënä'äny tä mëj nëëkomën; yë myëtsip jëtu'unyë tyajkukootsëja'any.