Isaías 28:15 - Biblia Dc en Mixe de Quetzaltepec

¹⁵ Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.

Biblia Mixe de Quetzaltepec

¹⁵ Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.

Isaías 28:15 ပူးပေါင်းရင်းမြစ်များ

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Oseas 2:18

Jä'ä xëëw nëjkx tu'uk yë käjpxytyu'unën ntunyës mëët yë aayjëyujk ujts jëyujkëty mëët ko yë Israel ntsoky njawës ets nëjkxëp mëët ntunyës käjpxytyu'unën yë joonëty ets tsa'anyëty; ntuktëjëtya'ajäämpyës yë ti'pxn, yë tëypyujxn ets ka'apës yë tsip n'ëkupëkanë, jëtu'unës yë nnaax nkajpn jotkujk yajpaatëty.

Daniel 11:22

Yajkutëkooytya'ajäämpy ja kuttujkën mëti'ipë ënety ëwa'ktujkëpën ets yaj'ookäämpy ja mëti'ipë ja käjpxytyu'unën nyikopk'ajtypyën.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Isaías 28:18

Nëjkxëp y'atëkoy ja mkäjpxytyu'unën mëët ja o'kën, mëti'ipë ënety mëët ja o'kën të xykyäjpxy'atën, ka'ap nëjkx y'ëktsoowpatnë. Minaanp ja ëyo'on jotmay, o'ktëy nëjkx mjatë mkëpätë.

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Ezequiel 13:16

tääpë käjpxynyajxpëtëjkëty mëti'ipë ijty tëkatsy winë nyikajpxtëpën ma Israel ja'ayëtyën ets ma Jerusalén ja'ayëtyën ets ijty y'ëna'antë ko oy yë naax kajpn yajpaaty ets ka'ap jyëtu'unëty. Ëjts Wintsën, ëjts ënaanp.

Ezequiel 8:12

Etsës të xy'ënëëmë: ¿Ix wi'ix y'ëtë'ëtstën yë Israel mëjja'aytyëjk yu'utsy me'ty?, aaktam yë y'awinaxëty nitu'ukjaty. Yë'ë jëtu'un yë myäytyë tyajtë ko ëjts ka'apës yowë tii n'ixy, ko tëëjës yë kajpn nja'atyëkooynyë.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 14:13

Ënätës n'ëtsooy: Wintsën, ¿wi'ixën ko jëtu'un m'ëna'any? Yë käjpxynyajxpëtëjkëty jëtu'un y'ëna'antë ko ka'ap jyää'ata'any yë tsip ets yuu, ko mijts myakäämpy ja jotkujk'ajtën mëti'ipë winë xëëw winë kyëjxm ijtpën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Isaías 30:28

Ko xyejy jëtu'un yajmëtoy nëëkomën; tä nëëkomën mëti'ipë yo'kntuuy ku'utpën. Yë'ë nyimiinp yë naax kajpn ets tyajnëjkxa'any ëyo'ontum tä ja'ay tsajpkaa tkepymyëtsumën mëti'ipë tyukyuupyën, Yë'ë nyimiinp ja naax kajpn ets tyaj'ëmona'any jëtu'un tä ja'ay yë jëyujk t'ajäänë'ëkyën ets twoowtëkoy.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Isaías 29:15

Janty mon janty tuk yajpaatë ja'ayëty mëti'ipë yu'tstëpën ja tyëko'oyënëty ma Wintsënën, mëti'ipë koots tuuntëkooytyëpën ets y'ëna'antë: Ka'ap pën xy'ijxëmë, ka'ap pën nijawë.

Isaías 28:2

Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Eclesiastés 8:8

Ni pën ja'ay tkamëët'aty yë kuttujkën ma juukyajtënën ets ni pën ja'ay tkamëtaty mëk'ajtën ets tyajtu'uwë'ëmëty ets ni pën ja'ay näjyëtu'un tkamëët'aty yë mëk'ajtën ma o'kënën. Ka'ap tjëkyepy nkukäkmëty ya'atë tsiptuunk, oy jënu'un ëxëëk ja'ay ëxëëk y'ëtë'ëts y'ëna'anëty ka'ap yë'ëkyëjxmëty tsyo'oka'any.

Job 5:23

Ka'ap nëjkx yë tsaa m'atsipyë ma mkam mtu'ujën, yë jëyujk ëwa'anëtypë oy nëjkx mëët mnäjyawëty.

Isaías 3:12

Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Isaías 30:9

Ya'atë naax kajpn je'eyë kyäjpxykyutëjy, ka'ap wyintsë'ëkë, ka'ap nijënu'un tmëtowa'any ja Wintsën ja y'ijxpëjkën.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Isaías 59:3

Miitsëty ujts ja mkë'ë m'aawëty mëët ja jot ne'pyny ja mkë'ëwa'axyëty tëë yajja'ay'ooktë; aak je'eyë mwin'ëëntë, aakjä'ä mnikajpx mnimëtyaktëp wi'ix tii xytyuuntëkoytyën.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Amós 6:13

Nëkoopë nyanatëkë'aty ko mxoonta'aktë ets m'ëna'antë: Mëët ko ja jot mëjaaw të n'ijxëmë paaty ja ënä'ämën kuttujkën të mpatëmë.

Génesis 37:20

Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Isaías 30:12

Paaty ja Dios Wa'atspë mëti'ipë jam ma Israel kajpnën, y'ënä'äny: Miitsëty wiink xyjyawëtë ko tii mjyajtuk'ëwaanëtë, yi'iyë tsip käjpxy mtuk'ijxpäjtëp ets ja ëxëëk tuunk ëxëëk käjpxy, jam mnäkyëxwa'anëtë,

Jeremias 5:12

Yë Israel ja'ayëty ets Judá ja'ayëty jëkäm jëxkë'ëm ja Wintsën të tpëjkta'aktë; jëtu'un të y'ëna'antë: Dios ka'ap tii tuny. Ka'ap tii xyjyajtmëty, ka'ap tsip ets yuu y'ita'any.

Jeremias 13:25

Mijts Israel jëtu'un mjata'any mkëpäta'any, mnitëjkëyëp jëtu'un mjatëty. Ëjts Wintsën, ëjts ënaanp. Mijts ojtsës xyjyä'äytyëkoy, ja awinax mëti'ipë ka'ap myëtëyëtyën yë'ë të xytyuk'ijxpety.

Ezequiel 22:28

Yë käjpxynyajxpëtëjkëty yu'tstëp ja tëyajtën, jëtu'un tä ja'ay poop twinkukoyën yë potsy; jëtu'un y'ëna'antë ko tëë Wintsën tyuk'ixëtë winë ets ka'ap myëtëyëty. Jëtu'un y'ëna'antë ko yë'ë nyikajpxtëp mëti'ipës të ntuknipëktën ets ka'apës wi'ix n'ënëëmëtë.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënety ja ëxëëkajtën tyuuntëkoopyën.