Isaías 28:1 - Biblia Dc en Mixe de Quetzaltepec

¹ Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Biblia Mixe de Quetzaltepec

¹ Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Isaías 28:1 ပူးပေါင်းရင်းမြစ်များ

Oseas 7:5

Ko ojts ja nkutujkpë'ajtëm yajtukujeny ja kyujän, ojts ja wintsëntëjk yajpa'ampätëtë tsatym nyëë mëti'ipë tëë nyimaanaxyën, jä'ä ko y'anëty. Ets të tputëkë ja mëti'ipë tukxik tuk'ëwë'këpën.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Amós 6:6

mëjatyëty yë m'a'ukën xy'ixtë mëti'ipë mtuk'ukëtyëpën, aakjä'ä mnätyukja'axëtëp ja oyëtypë ja tsooy xyuukyën, ka'ap xymyëmay xymyëtajtë oy wi'ix yë naax kajpn jyatëty.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Amós 2:12

Miitsëty ojts xy'atsip'atë ja nazareo ja'ay ets y'uukëty myu'ukëtëty ets xy'akajpxtujktë ets këtiipë yë käjpxynyajxpë tnimëtya'akëty ja n'ayukës.

Amós 2:8

Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Oseas 6:10

Jam Israel, jamës të n'ixy wi'ix ja'ay ëxëëk y'ëtë'ëtstë y'ëna'antën: Yë Efraín jëtu'un yë'ë tä tu'uk yë to'oxytyëjkën mëti'ipë tyo'knëp yajknëp yë jyot nyini'kx, yë Israel tëë nyäyaj'ëxëëkëty.

Oseas 5:5

Ko yë Israel amëj akëjxm nyäjyawëty ni'ikyë nyäyaj'ëxëëkëkëty; yë Efraín je'eyë nyäyajkëtay nyäyajkëpipyë ko ëxëëk winë tuny tkäjpxy, jëtu'un tä yë'ëjën, yë'ëpaat yë Judá y'anäpëja'any.

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

Isaías 9:9

tëkokyë ja Efraín ja jyä'äy mëti'ipë jam tsënaaytyëpën Samaria, tëë tmëtoowta'atë. Amëj akëjxm y'ëna'antë:

Isaías 8:4

Jä'ä ko ka'anëm ënety kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënety jap kajpnjoty yajpatpën, ja Sirië yajkutujkpë nëjkx tmënëjkxta'ay.

Isaías 5:22

Janty mon janty tuk miitsëty myajpaatë, jä'ä ko je'eyë m'uuktë mjë'kxtë ets jëtu'un mnäyjyawëtë mëtaktëp yowë, tëë xyjyajnëtë wi'ix xyëpintëtyën ja uuky ets ka'ap pën m'ëkmëëpatënëtë.

Isaías 5:11

Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

Proverbios 23:29

¿Pën ëyoop jotëkoopy? ¿Pën ka'ap jyotkujk'aty? ¿Pën je'eyë xëmë tsiptuump ets ënät ok tmëkjawë? ¿Pën näjya'awëyëp tëë yowë tsyëtyujta'ay wyintëkooytyä'äy ets ka'ap pën wi'ix tyunyë? ¿Pën je'eyë wyiin tsapts yaj'ijxp?

2 Crónicas 28:6

Jam ijty tu'uk yë ja'ay yajpaaty, jä'ä xyëëwajtyp Pécah, jä'ä ojts yë Judá ja'ay tyaj'ooky mëko'px ja i'px mil, aakjä'ä ja mëti'ipë mëj'äämpy ijtëpën jam Judá. Jëtu'un tkëpäjtë mëët ko ënety ka'ap ja Wintsën të tmëj'ixtën, mëti'ipë y'aptëjk y'ëwtajtën.

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

Oseas 5:9

Ëjts yam nikäjpxyp ma Israel ja'ayëtyën mëti'ipë kopkpëky tunan jatanëpën ma yë'ëjëtyën: Yë Efraín anë'ëk tëëtsë'ëk nëjkx y'awinpity ma ënety yajtëytyunyën.

Isaías 9:8

Tëë ja Wintsën tnikäjpxykyäxë yë Israel kajpn, ets Jacob yë kyajpn;

Isaías 9:11

Yë Wintsën të tuknipëjktaakë ets mmëtsip ëxëëk mtunëtëty ets myaj'ook myajtëkoyëtëty.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 6:4

Jotkujk jam mma'atë mpo'kxtë ma maapäjnëtyën mëti'ipë oytyunyën mëët yë elefantë tëts pajk ets mnäy'ënëënta'akëtë; je'eyë xyaj'ooktë yë kupixyny ets tsajpkaa ets mkaytyë mtsu'utstë;

Amós 6:8

Yë Wintsën, Dios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.