Isaías 27:4 - Biblia Dc en Mixe de Quetzaltepec

⁴ Ka'apës n'ekyë mëët yë'ë. Ko jeexyë tmëët'aty yë äpny ëkë ëxëëk ujts, pojënës jeexyë nitsoony etsës jeexyë ënätyë nino'kta'ay.

Biblia Mixe de Quetzaltepec

⁴ Ka'apës n'ekyë mëët yë'ë. Ko jeexyë tmëët'aty yë äpny ëkë ëxëëk ujts, pojënës jeexyë nitsoony etsës jeexyë ënätyë nino'kta'ay.

Isaías 27:4 ပူးပေါင်းရင်းမြစ်များ

2 Samuel 23:6

E yë'ë tëy yë ëxëëkja'aytyëjk, jëtu'un nëjkx jyatë tä ja'ay äpny t'ixpëkyën, ka'ap myëëtëty yë kë'ë yajmatsy.

2 Samuel 23:7

Jëtu'un tä yë äpnyën yë'ë mëët yajmatsy yë pujxn ëkë kepy, ko yajjëënkupëky ets jap tyooytya'akëty.

Salmos 103:9

Yë'ë ka'ap xëmë xy'ojmëty, ets y'ëwa'an'ajtën ka'ap jeky y'ity;

Salmos 85:3

tëë mjotxeemy jatëkok ets tëë mjoot'an xyajnaxy.

Isaías 10:17

Ja Dios kënu'kxypyë, mëti'ipë të'kxpën jajpën jam Israel, jëtu'un y'awinpita'any jëënyä'änkën, ets tu'kxëëyë tyatooytyëkoyä'äny ja aayjyot pejyjot ets ja äpnyjyot.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 33:12

Kuyjyaamën nëjkx ja naax kajpn y'awinpity; tä äpny muum nyitoyën jëtu'un nëjkx nyitoytyë.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

Malaquías 4:3

Jä'ä xëëw ma ënety tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Hebreos 6:8

E pën aak äpny aak ëxëëk ujts mujxp, ka'ap tsyowpaaty, kajpxpoky ja Dios yaj'itëtë ets ok yajnino'oktë.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.