Isaías 27:13 - Biblia Dc en Mixe de Quetzaltepec

¹³ Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Biblia Mixe de Quetzaltepec

¹³ Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 27:13 ပူးပေါင်းရင်းမြစ်များ

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Zacarías 14:16

Ko ënety jëtu'un kyixy nyäxy, ja mëti'ipë juukyën të jyaakwë'ëmtën ma ja naax kajpnën, mëti'ipë ja Jerusalén kajpn nyipëtë'ktën, nän yë'ë nëjkx jatëkok myintë ets min t'ëwtatë ja yajkutujkpë, ja Wintsën mëti'ipë maaytyääyëpën winë ets tnixëëwtuntëty ja Tëjkxo'omy.

Isaías 11:16

Ko ënety ja Wintsën ja nyaax kyajpn jyajtmujkta'ay ets ko ënety tëë tsyo'ontaaynyëtë jam Asiria, mëjwiin ëwaatsë nëjkx në'ë tu'u tpaatë jëtu'un tä ijty tëëyëpën ko jap Egiptë tsyo'ontë.

1 Crónicas 15:24

E ja teetytyëjkëty Sebanías, Josafat, Natanael, Amasai, Zacarías, Benaías ets Eliézer, jä'ä nëjkxtëp jëjp'am xuxpë mëët ja pyujxn xuxnëty, ma jam yajmëye'eyën ja Wintsën ja kyaaxë. Yë Ebed-edom ets Jehías yë'ë y'ijx'ijtëp ja kaaxë.

Apocalipsis 10:7

Ko ënety ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Dios ënety yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Apocalipsis 9:14

Ets t'ënëmaay ja mëtëtujkpë ja tsajpjotmëtë kukäjpxy mëti'ipë ja pujxnxuxn myëët'ajtypyën: Mëkajë yë nimajktaxkpë ja tsajpjotmëtë kukäjpxy mëti'ipë kuwëënyëtyën ma ja Éufrates mëjnëëjën.

Apocalipsis 8:6

Ja niwëxtujkpë ja tsajpjotmëtë kukäjpxy mëti'ipë këëktu'uk myëët'ajtëpën ja pujxnxuxn, ënät nyänyipëjktakëtyë.

Apocalipsis 8:2

Etsës n'ijxy niwëxtujk ja tsajpjotmëtë kukäjpxy jam tyänëtë Dios wintum, mëti'ipë yajmooytyën këëktu'uk ja xuxn.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kuttujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Dios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

Romanos 10:18

E nyajtëëpyës yam: ¿Wä'än jëtää ka'ap ja ja'ay të tmëtowtë ja Dios ja y'aaw y'ayukë? Myëtoowtë jä'ä. Jä'ä ko jëtu'un kuja'ay myiny: Tëë yajmëtoy ja y'ayuk mapaat yë naaxwiinyëtën yajpaatyën ets të yajnijawë mapaat yë naaxwiinyëtë jyëjpkukëxën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Oseas 11:11

Tä joonën tsyoona'antë jap Egiptë ets myina'antë maas ëjtsën mëët ja; tä pakën tsyona'antë jam Asiria; ets nyajtsëënëja'antës jatëkok ma jyëën tyëjkëtyën. Ëjts, mëti'ipë Wintsën'ajtpën, ëjts yam jëtu'un ënaanpës.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Jeremias 44:28

Tim niwäänë nëjkx kyä'äktë tsipjoty ets nëjkx jap tsyoontë Egiptë ets myintëty Judá. Jëtu'un nëjkx nijawëtë pën ënety ja y'aaw y'ayuk atëëp, pën yë'ëjëty ëkë pën ëjts.

Jeremias 43:7

Ojts ja Wintsën tkäjpxykyutëjtë, ni'ëmukë nyëjkxtaaytyë jap Egiptë ets jyajtë jam ma tu'uk kajpn txëëwatyën Tafnes.

Isaías 56:8

Ëjts nëjkx nyajmujkta'ay ja ja'ay mëti'ipë ënety jam muum yajpatëpën wiink naax wiink kajpn tsumy matsy. Wintsën jëtu'un ënaanp, mëti'ipë të tuknipëjktaakën ets ja Israel ja'ayëty tyu'ukmujkta'atëty mëti'ipë të yajpaatën axit ako'owë.

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Isaías 18:3

Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënety tyuna'anyë.

Isaías 11:12

Tääts tpëjkta'aka'any tu'uk yë ijxpäjtën ma ja naax kajpnën ets tyajtu'ukmujkta'aja'any ja ja'ay mëti'ipë ënety ja myëtsip të yajnëjkxyën wiink naax wiink kajpn tsumy matsy; tyajmujkta'aja'any naaxwiinyëtë apëtsëmy ja Judá ja'ay mëti'ipë xit ko'ow yajpatëpën wiink it wiink naaxwiinyëtë.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Dios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Salmos 89:15

Wintsën, janty jotkujk yajpaaty yë naax kajpn mëti'ipë nyija'apën wi'ix akujk jotkujk myajwin'ëy myajwinyä'äxyën ets nyëye'ey tyu'uye'ey kutë'kxy mëët yë mtë'kxën mjajën.

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Salmos 47:5

Yë Dios mëti'ipë Wintsën'ajtpën tëë yë y'ënyääytyakn tpëky ma jam yajkutukëtyën mëët yë xuxpë wojpë ets mëët yë xoontakën mëjpë këjääpë.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Isaías 19:22

Oy nëjkx ja Wintsën t'ëkyajtsëtyuty ja Egiptë kajpn, nyijootwinpitäämpy jatëkok, pya'ëyoowäämpy ets yajtso'okäämpy.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 66:23

Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Ezequiel 20:34

Nwoowmujkta'ajantëp miitsëty ma ënety myajpaatën wiink kë'ëy wiink kajpn ets nyajkëta'aka'anyës ja ëyo'on jotmay ma miitsëtyën ets ntëytyuna'antë mëët ja ntsip n'äkës.

Ezequiel 20:41

Ko ënety nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Daniel 11:45

Jam nëjkx nyäpyëjktä'äkyë itkujky ma ja mejyën mëët nyäpyäätyë ja kopk wa'atspë ets oypyë tsujpë. Je'eyëp ko tëë ënety tyukja'tyë ja xëëw jëmëjt ma y'ookanën ets jämyë nëjkx y'ooky ets ka'ap ni pën maa y'ëknimëtyakënë.

Zacarías 8:7

Nyaj'ëwaatsëpëtsëmäämpyës yë nnaax nkajpn ma ënety yajpaatën tsumy matsy jamtsow ma xëëw pyëtsimyën ets jamtsow ma xëëw kyëtä'äkyën,

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 43:6

Etsës n'ënëëmëja'antë ja anëkëjxmtsowpë: Yajwinpitë jatëkok, ja ëpa'tkë'ëytsyowpë n'ënëëmëja'antës: Ka'ap miits xyjyä'ä'atë, ëxmatstë. Yajmintë ja nnëëxës ets ja nmaankës mëti'ipë jëkäm ijtëpën, mëti'ipë wiink naax wiink kajpn yajpatëpën,

Jeremias 31:6

Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.