Isaías 27:12 - Biblia Dc en Mixe de Quetzaltepec

¹² Jä'ä xëëw ja Wintsën nëjkx ja myëj'ajtën tyaj'ixyë, tyimtso'ontä'äky jam Éufrates ets tyimja'ty jam Egiptë. Jëtu'un tuna'any tä ja'ay tsajpmok tyajpajk'atyën; je'eyëp ko miitsëty Israel ja'ayëty tu'ukjaty nëjkx myajwinwoptë.

Biblia Mixe de Quetzaltepec

¹² Jä'ä xëëw ja Wintsën nëjkx ja myëj'ajtën tyaj'ixyë, tyimtso'ontä'äky jam Éufrates ets tyimja'ty jam Egiptë. Jëtu'un tuna'any tä ja'ay tsajpmok tyajpajk'atyën; je'eyëp ko miitsëty Israel ja'ayëty tu'ukjaty nëjkx myajwinwoptë.

Isaías 27:12 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënety nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

Salmos 68:22

Jëtu'un yë Wintsën të y'ënä'äny: Nyajtsoonäämpy jam Basán; njuutäämpy jam ma ëxëëk mjaty mkëpetyën,

Salmos 72:8

Wä'än yë'ë t'ënä'ämta'ay yë naaxwiinyëtë ja'ay mapaat yë mëjnëëmejy nyäxyën ets mapaat jyä'tyën, tsyo'onta'akëty jam ma Éufrates mëjnëëjën ets jampaat ma naaxwiinyëtë jyëjpkëxyën.

Isaías 17:6

je'eyë jyaak yaja'amyetsy; jëtu'unyë jyaak yaj'ixy je'eyë tä tu'uk mäjtsk jyaakwë'ëmyën muum ujtstëëm ko yajwinxity, ëkë taxk mëkoxk je'eyë muum jyaakkëxë'ëky kepykyëjxm. Jëtu'un y'ënä'äny ja Israel ja Wyintsën Dios.

Isaías 49:5

Tëës yë nkuma'ayën xymyo'oy yë Wintsën, jä'ä ko yë'ëjës të xymyëjaawmo'oy. Dios ojts xyajkojyës jap ntaakës jyootjoty etsës nmëtunëty ets ja Israel ja'ayëty, ja Jacob ja y'u'unk y'okëty wyimpitëty ets tpuwa'akëtëty yë Wintsën.

Isaías 56:8

Ëjts nëjkx nyajmujkta'ay ja ja'ay mëti'ipë ënety jam muum yajpatëpën wiink naax wiink kajpn tsumy matsy. Wintsën jëtu'un ënaanp, mëti'ipë të tuknipëjktaakën ets ja Israel ja'ayëty tyu'ukmujkta'atëty mëti'ipë të yajpaatën axit ako'owë.

Jeremias 3:14

Jëtu'un yë Wintsën y'ënä'äny: Wimpijta'atë miitsëty u'unk ëna'këty mëti'ipë käjpxy kyumëtoownajxtëpën, ëjts miitsëty xyWyintsën'ajtëp. Tu'ukës nwin'ixa'any ja'ay maajaty yë kajpnën ets nimäjtsk ma tu'uk tëjkën mëti'ipës nyajwinpitäämpyën jatëkok jam Sión.

Jeremias 44:28

Tim niwäänë nëjkx kyä'äktë tsipjoty ets nëjkx jap tsyoontë Egiptë ets myintëty Judá. Jëtu'un nëjkx nijawëtë pën ënety ja y'aaw y'ayuk atëëp, pën yë'ëjëty ëkë pën ëjts.

Ezequiel 20:34

Nwoowmujkta'ajantëp miitsëty ma ënety myajpaatën wiink kë'ëy wiink kajpn ets nyajkëta'aka'anyës ja ëyo'on jotmay ma miitsëtyën ets ntëytyuna'antë mëët ja ntsip n'äkës.

Ezequiel 20:41

Ko ënety nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Ezequiel 47:19

E yë ëpa'tkë'ëytsyowpë jam tsyo'onta'akëty ma Tamar y'itjotmën, nyajxë'ëkëty jam Meriba-cades ets nyaxëty ma Egiptë wokën ets tyimja'tëty ma Mejyën Naax'akujkpyë.

Amós 9:9

Ni'ënä'ämëjäämpyës yë Israel ja'ayëty ets yaj'anaxtëty tä yë tsajpmok yaj'anaxyën axijtënjoty ets nitu'uk kyaka'ay yë tsajpmok naaxkëjxy.

Zacarías 8:7

Nyaj'ëwaatsëpëtsëmäämpyës yë nnaax nkajpn ma ënety yajpaatën tsumy matsy jamtsow ma xëëw pyëtsimyën ets jamtsow ma xëëw kyëtä'äkyën,

Lucas 15:4

Pën myëët'ajtyp nimëko'px yë tsajppax ets tu'uk pyutëkoy, ¿këtii jëtää t'ëxmatsy ja majkta'px majkmokx majktaxkpë jam kamjotm ets nëjkx t'ixta'ay ja mëti'ipë tëkoy'ijtpën koonëm tpaatyë?

Juan 10:16

Tääs ja kupixyny wiinkpë nmëëtëty mëti'ipë ijtëpën ma wiinkpë kemyën; nyajminäämpyës ja näjyëtu'un yaa. Xymyëmëtowantëpës yë'ëjëty ets tu'ukyë y'ita'antë yaa ma tu'ukpë ja kupixyny këwent'ajtpën.

Juan 6:37

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Josue 15:4

Ja tsëpa'an mëti'ipë jam najxë'kpën jëtu'un ijty tyimnëjkxy ets jyä'ty ma txëëwatyën Asmón ets jam tukpëtsëmy ja wokjot mëti'ipë tso'onpën Egiptë ets jyëjpkëxy ma ja mejyën naax'akujkpë. Ya'atë të yajnikäjpxyën yë'ë ijty tsëpa'an ëpa'tkë'ëmtsowpë.