Isaías 27:11 - Biblia Dc en Mixe de Quetzaltepec

¹¹ Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Biblia Mixe de Quetzaltepec

¹¹ Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 27:11 ပူးပေါင်းရင်းမြစ်များ

Salmos 106:40

Yajxon yë Wintsën ojts ja kyajpn tukjoot'anpëky, paaty ojts ka'ap tmo'oy mëti'ipë ënety ja patëtëpën,

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Isaías 18:5

Ko ënety ja tsatym të pyëjktä'äky ets ënety të myëjaawnë, ka'anëm ënety ja pëjktä'äky pyëti'ikynyëm, wa'ats nëjkx yajxe'enty pyujxta'ay tsatym, ets nëjkx jam kajpnpë'am yanitsëëmpety.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Isaías 44:2

Ëjts jëtu'un Wintsënajtp, mëti'ipë ojts myajkojyën, mëti'ipë ojts m'oytyunyën ka'anëm ënety mëxu'unk'atynyëm ets mëti'ipë mputëjkëyëpën. Këtii mtsë'ëkëty mijts Jesurún, mëti'ipës të nwin'ixyën.

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Isaías 5:13

Paatykyëjxm, mëët yë'ë ko ja naax kajpn ka'ap jyä'äkyukë, ni'amukë mnëjkxta'aja'antë wiink naax wiink kajpn tsumy matsy. Tëkokyë ja ja'ayëty mëët ja kyutuunk yuu'o'kta'aja'antë.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Jeremias 11:16

Yë Wintsën jä'ä ojts mjatijyë olivë kepy kuxe'entypë, mëti'ipë tëëmpäjtpën. E ko ojts ja y'ënääw tyaj'ëna'any tääts mtukëtakë ets mtooypyijky, tääts tyooytyääy ja m'aay mxe'enty.

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Jeremias 16:5

Ojtsës näjyëtu'un yë Wintsën xy'ënëëmë: Këtii jap tëkoty mtëkëty ma ja o'kpë tnijë'ë tniya'axtën, këtii näjyëtu'un xynyiyaxpëty ets xymyëkja'apëty mëti'ipë të y'ookyën, jä'ä ko tëëjës nyajjëwä'äky ja n'oyajtën, ja ntsojkën nja'awën ets npa'ëyo'owënës ma ja naax kajpnën. Ëjts Wintsën, ëjts ënaanp.

Jeremias 25:37

Mëët yë'ëkyëjxm ko yë Wintsën të jyoot'anpëky, paaty të tyajkutëkooytyääy ja kam tu'u oyëtypë.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Jeremias 8:7

Yë'ëpaat yë wojny wa'ats nijawë jëna'a kyääkjëtitëtyën. Yë kuuk, yë yo'ktuk joon ets pix nyija'awëtyëp jëna'a muum nyëjkxtëtyën. E mijts naax kajpn mëti'ipës nnaax'ajtyp nkajpn'ajtypyën, ka'ap xynyijawëtë ja n'ënä'äm ntëyajtënës.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Ezequiel 20:47

ets xy'ënëëmëty: Jëtu'un yë Wintsën y'ënä'äny: Nyajmëjëjäämpyës yë jëën ma mijtsën mëti'ipë nyo'ktëkoyäämpyën yë m'aay mkepy, tsuxkpë, të'ëtspë; ya'atë jëën toyaanp ets ka'ap pyi'itsa'any, nyo'kta'ajäämpy yë wyiin jyëjp ja ja'ay mëti'ipë jam tsënaaytyëpën anëkëjxmtsow ets ëpa'tkë'ëytsyow.

Ezequiel 9:10

Paaty ka'ap mpa'ëyowa'anyës, ni'ikyës yam n'amëtoowta'aja'antë tiijaty tyuuntëp kyajpxtëpën.

Oseas 4:14

Ëjts ka'apës ntëytyuna'any yë mnëëx ko jyot nyini'kx tooky tyäky ets mxäkxytyëjk ko tyajtëkoy yë pëjkën ukën wyintsë'kën, jä'ä ko miitsëty ye'etyëjktëjk nän mninëjkxtë yë to'oxytyëjk mëti'ipë jyot nyini'kx tyo'ktëpën; ets miitsëty ko yë wintsë'kën xyaktë, myajmiintëp yë to'oxytyëjk mëti'ipë jyot nyini'kx tyo'kpy yäjkpyën. Jëtu'un ja naax kajpn nyätyunyë mëti'ipë ka'ap wyijyëtyën.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 3:10

Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 1:31

ka'ap jyä'äkyukëja'antë, ka'ap ja y'ayuk tpatuntë, ka'ap pën t'oyjyawëtë, ka'ap nyimyä'kxtë, ka'ap ja pa'ëyo'owën tmëët'atë.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.