Isaías 26:21 - Biblia Dc en Mixe de Quetzaltepec

²¹ Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënety të y'ookyën.

Biblia Mixe de Quetzaltepec

²¹ Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënäty të y'ookyën.

Isaías 26:21 ပူးပေါင်းရင်းမြစ်များ

Isaías 18:4

Ëjts jëtu'unës yë Wintsën të xy'ënëëmë: Ëjts wa'atsës n'ixy ntuny winë jam maas nyajpaatyën, jëtu'un tä jëënën ko pyotm'aty, jëtu'un tä myaanikyën ko xyëkopk'aty, ma ja pëjktä'äky pyëti'ikyën.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Job 16:18

Mëët ijxtëmës yam o'ktëy njaty nkëpetyën, yë'ëjës n'amëtoopy etsës nyajnipaye'eyëty; naax, këtii jëtu'unyë xyajnitukëty yë një'ëyënës nyaxënës.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Lucas 11:50

Paaty ja Dios tpaye'etya'aja'any ma ja ja'ayëtyën, ja jyot nye'pnyëty ja käjpxynyajxpëtëjk mëti'ipë të tyemy të jye'etsyën ko ja naaxwiinyëtë tsyo'ontäky,

Lucas 11:40

Winma'anytyukëty. ¿Këtii xynyijawëtë ko ojts yaj'oytyuny ja oypyë näjyëtu'un yaj'oytyuuny ja jootjotypë?

Ezequiel 8:6

Etsës të xy'ënëëmë: ¿M'ijxyp wi'ix ëxëëk y'ëtë'ëtstë y'ëna'antën yë Israel ja'ayëty, mëti'ipës yë ntsajptëjk xytyukmëjëkämkäktëpënë? Ets tyam wiinkpë xy'ixëty mëti'ipë ni'ik ëxëëkën.

Apocalipsis 18:24

Jam ma tääpë kajpnën, tam yajpaaty temy yoky ja Dios ja kyäjpxynyajxpë nye'pynyëty ets ja Dios mëpëjkpë nye'pynyëty ets ni'ëmukë nye'pyny mëti'ipë tëë ja ja'ay yaj'ookëtën naaxwiiny.

Job 20:27

Tsajp nëjkx yë nyëë pyoky nyikajpxëty ets naax yë'ë nëjkx nyi'ëënëty.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

Isaías 65:6

E tyaapë tyunyë jyätyën aak këxja'ay myiny maas ëjtsën, ëjts ka'apës jëtu'unyë nyajninaxa'any ëkë je'eyë nnäkyë'ëmëkitanënës. Ëjts ëxëëkës yam ntuna'any tääpë ja'ayëty,

Isaías 65:7

mëti'ipë të yajja'ay'ooktën ets ja tyeety tyaakëty ma näjyëtu'un të yajja'ay'ooktën. Yë'ëjëty tim no'k tim xaamtëp ijty jam tunkëjxm kopkëjxm ets ni'ikyë xyajjoot'anpëktës. Paatyës ntuknipëjktakënë ko yam winë npaye'eyä'änyës, ets ntukumëtowa'antës ijxtëm pyaat'atëtën. Yë Wintsën jëtu'un ënaanp.

Isaías 66:6

Tääpë mëto'owën kajpnjotypë tsyoonyën, tääpë nä'ämpë tsajptëkotypë yajmëtoyën, yë'ë yë Wintsën yajmëtoowëp yë myëk'ajtën ets ëxëëk tyajjata'any tyajkëpäta'any yë myëtsip.