Isaías 26:2 - Biblia Dc en Mixe de Quetzaltepec

² Yaj'ëwa'atstë ja tëjk'aaw, wä'än tnaxtë ja naax kajpn mëti'ipë mëtëy winë tyuuntëpën ets mëti'ipë ka'ap pën nyätyukwin'ëënëtën.

Biblia Mixe de Quetzaltepec

² Yaj'ëwa'atstë ja tëjk'aaw, wä'än tnaxtë ja naax kajpn mëti'ipë mëtëy winë tyuuntëpën ets mëti'ipë ka'ap pën nyätyukwin'ëënëtën.

Isaías 26:2 ပူးပေါင်းရင်းမြစ်များ

Salmos 106:5

etsës n'ixëty wi'ix ënety jyuuky'atën ja mja'ay mëti'ipë të xywyin'ixyën, etsës jotkujk nnäjyawëtëty ets ntukxoonta'akëtyës ja naax kajpn mëti'ipë mijts mjä'ä'ajtypyën.

Salmos 118:19

Yaj'ëwa'atstë yë tsajptëjk, japës ntëkëja'any, kukkajpxën ja'awëkyëtakkën nyajnaxäämpyës.

Salmos 118:20

Yaa yajnitëkë Dios yë jyëën tyëjk, yaa tyëkëja'antë ja'ayëty mëti'ipë oy mëtuunëpën.

Salmos 24:7

Ëwa'ats itë mijts tëjk'aaw xëmëkyëjxm. Jëtu'un wë'ëmtë ëwa'ats nitu'ukjaty, ets tyëkëty ja yajkutujkpë mëti'ipë myëët'ajtypyën ja mëj'ajt oyajtën.

Éxodo 19:6

Miitsëty aakjëtu'un nëjkx mja'ay'atë tä yë teetytyëjkëtyën ma Wintsën yë kyutujktaknën, jëtu'un nëjkx njawëtë tä tu'uk yë kajpnën mëti'ipës të natyuknikënu'kxëtyën. Tukmëmëtyakta'a ya'atë aaw ayuk yë Israel ja'ayëty.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Isaías 58:8

Jëtu'un nëjkx ja mjuukyajtën xëmë yaj'ixy të'kxp jajp yowë ets ja mtsëtyut tsojk tsyo'oka'any. Ko ënety tii mëtëy xytyuny xykyäjpxy, jä'ä mwinwowëtëp, ets nmëj'ajt n'oyajtënës xëmë mpaye'eyä'änyë.

Isaías 60:11

Ëwa'ats xëmë mtëjk'aaw y'ita'any, jëtu'un y'ita'any xëëny koots ets tyëkëtëty yë ja'ayëty mëti'ipë myëmiintëpën yë näypyutëkë ets nyaxtëty yë yajkutujkpëtëjk mëët yë jyä'äy.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Isaías 62:10

Pëtsëmtë, pëtsëmtë tëjk ëkë'ëy, nipëjktaakëtë ja nyë'ë tyu'u ja nnaax nkajpnës. Oytyuntë yajxon ja në'ë aaw tu'u aaw ets xyjyëkoonta'atëty yë tsaa; Pëjkta'aktë tu'uk ijxpäjtën ets naax kajpn t'ixtëty.

Isaías 62:2

Nëjkxëp ja naax kajpn t'ixtë ko ënety të mnitso'oky, nitëkokyë yë yajkutujkpëtëjk y'ixantëp yë mmëj'ajt m'oyajtën. Ënet nëjkx jempyë mxëëw xypyiky mëti'ipë Wintsën kë'ëm mmo'ojanëpën.

Zacarías 8:20

Jëtu'un yë Wintsën y'ënä'äny mëti'ipë maaytyääyëpën winë: Jaakminaanp yë ja'ayëty mëti'ipë wiink naax wiink kajpn tsoonantëpën.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.

Apocalipsis 21:24

Näy yë'ë kutë'kx kujajëtëp ja naaxwiinyëtë ja'ay ets ja naaxwiinyëtë yajkutujkpëtëjk tkë'ëyaktë jam ja wyit myeenyëty.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.