Isaías 26:19 - Biblia Dc en Mixe de Quetzaltepec

¹⁹ E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Biblia Mixe de Quetzaltepec

¹⁹ E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Isaías 26:19 ပူးပေါင်းရင်းမြစ်များ

Job 14:8

Oy jënu'un yë tyikts të myëjaawnë ets tëë jya'ixpu'tutnë,

Job 29:19

Jëtu'unës ëjts tä tu'uk yë kepyën nëë ëkë'ëypyë tyänën, mëti'ipë tu'ktsu'um yajxo'këpën yë maanik.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Salmos 71:20

Oyës të xy'ëktuk'ixy yë ëyo'on jotmay etsës të një'ëy të nyä'äxy, nija'apës wa'ats koos jatëkok xyajjuuky'ata'any, ets koos jatëkok jap xyajpëtsëma'any ëyoowtaknjoty maas ënety jap ëxëëk njatyën nkëpetyën.

Salmos 88:11

¿Wä'än jëtää jap pën tkajpx tmëtya'akëty yë mtëyajtën ets ja mtsojkën mja'awën jap jutjotyë, ma ja o'kën y'ëne'emyënë?

Isaías 18:4

Ëjts jëtu'unës yë Wintsën të xy'ënëëmë: Ëjts wa'atsës n'ixy ntuny winë jam maas nyajpaatyën, jëtu'un tä jëënën ko pyotm'aty, jëtu'un tä myaanikyën ko xyëkopk'aty, ma ja pëjktä'äky pyëti'ikyën.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Oseas 14:5

Jëtu'unës yam ëjts naxy ma Israel kajpnën tä myaanikyën ets lirië ujts myäypyëjtë. Mëti'ipë ta'tspëky yë tyiktsën tä jamën ma Líbano kopkën;

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Zacarías 8:12

Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënety të jyaakwë'ëmtën.

Mateo 27:52

ëwatstë ja o'kpë jut, ojts ja ja'ay nyixuukpyëktë mëti'ipë ënety tëëyëp o'ktëpën mëti'ipë ja Dios myëtuuntën.

Mateo 27:58

Tëë ënety ja José ojts t'amëtoy ja Pilato ets ja Jesús ja jyot nyini'kx tyajjënajkëty jam kruutskëjxm. Ënet ja Pilato ojts tni'ënä'ämë ets ja José yajmo'ojëty ja Jesús ja nyi'kx kyopk,

Hechos 24:15

Nmëpëjkpyës ja Dios näjyëtu'un ijxtëm yë'ë tmëpëktën, ko ja Dios ja o'kpë jatëkok tyajjuukpyiky, mëti'ipë oy ka'oy të jyuuky'atën.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Deuteronomio 32:2

Jëtu'unës yam ya'atë aaw ayuk najtsmatsëja'any, tä tyu'uy pyojyën, ets jya'tëty jap ma jot winma'anyën, tä yë maanikën, tä yë tuu kyëtä'äkyën naaxkëjxy ets tä yë maanik tyajxookyën yë mëëynyak.

Deuteronomio 33:13

Ënet ojts tkënu'kxy yë José mëët ya'atë aaw ayuk: Yë Wintsën yë'ë kyënu'kxëp yë mkam mtu'u, ets tyajkëta'akëty yë nëë tuu, mëti'ipë jok yoots jam myëtso'ompyën nëëjoty wokjoty.

Deuteronomio 33:28

Yë Israel nitii tkamëmayä'äny tkamëtajja'any, xëmë nëjkx jotkujk jyuuky'äty, yë'ë ets y'u'unk y'ok. Ma kyam tyu'ujën, ma tsyajpmokamën ets tsatym kyamën tyajyony tyajjiitsyën, yajxon nëjkx wyintë'ëwxëty, ja nëë tuu mëti'ipë tso'onpën jam tsajpjotm, ka'ap y'ëmaaytya'aka'any.

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.