Isaías 26:18 - Biblia Dc en Mixe de Quetzaltepec

¹⁸ Ojts ëëtsëty ëxëëk njatë nkëpätë, ojts ja pëjkën ato'onën nmënax nyajnaxtës; jëtu'un ojts ëëts njatë tä tu'uk to'oxytyëjk y'u'unk'ixyën; e nëkoopë jëtu'un ojts n'ëyowtës jä'ä ko ka'ap nitii mpatës n'ijxtës. Ka'ap ëëts ja nnaax nkajpn të nyajnitso'oktë ets ka'ap pën ma tsyona'any mëti'ipë jeexyë ja naax kajpn tyuktsëna'ayëpën.

Biblia Mixe de Quetzaltepec

¹⁸ Ojts ëëtsëty ëxëëk njatë nkëpätë, ojts ja pëjkën ato'onën nmënax nyajnaxtës; jëtu'un ojts ëëts njatë tä tu'uk to'oxytyëjk y'u'unk'ixyën; e nëkoopë jëtu'un ojts n'ëyowtës jä'ä ko ka'ap nitii mpatës n'ijxtës. Ka'ap ëëts ja nnaax nkajpn të nyajnitso'oktë ets ka'ap pën ma tsyona'any mëti'ipë jeexyë ja naax kajpn tyuktsëna'ayëpën.

Isaías 26:18 ပူးပေါင်းရင်းမြစ်များ

2 Reyes 19:3

ets ja yajkutujkpë ja y'aaw y'ayuk tukmëtowa'antë: Tyam o'ktëy ëëts njatë nkëpätë, ja tëytyu'unën jä'äs yam nmënajx nyajnajxtëp ets jëtu'un ëëts näjyawëtë naaxkutij naaxkumatsëpë, tä tu'uk yë to'oxytyëjkën mëti'ipë tëë myëjaawkëxyën ets u'unk maay yajminäämpy naaxwiiny.

Salmos 17:14

Mëët yë mëk'ajtën, Wintsën, yajpëtsëëmkës jap ma yë'ëjëtyën. Wä'än yaa tyajpaatë naaxwiiny ma kyuma'ayën të yajmo'otën. Wä'än näyajkumeenytya'akëtë ets wä'än yë y'u'unk tkaytyë t'uuktë ku'uxyë koonëm pyëjwa'kxtëty ets jyaak natëkëty mëti'ipë y'ok'u'unk y'ok'ëna'k tyukjë'kxëpën.

Isaías 33:11

Mëti'ipë mwinma'ny'ajtëpën ets mëti'ipë mtuuntëpën jëtu'un tä pu'uxmën, tä aaykyëta'akën; jëtu'un nwinpiixëja'any tä ja'ay jëën twinpiixën ets patoyë kye'eky.

Isaías 37:3

ets t'ënëëmëtëty ko ja yajkutujkpë jëtu'un ënaanp: Mon tuk tyam nyajpatëmë, mëj këjää ja tëytyu'unën, ka'ap ja jot mëjaawnë, jëtu'un tä tu'uk to'oxytyëjk jyätyën mëti'ipë mëjaawkukëjxëpën ko y'u'unk myääy tyimminanë naaxwiiny.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Oseas 13:13

Tëë ja xëëw po'o tpaaty ma ja Israel myëxu'unk'ata'anyën, tsuu mony yë jyot wyinma'any, yë'ëpaat tkatukjaty wi'ix nyäpyëjkta'akëtëtyën ets myinëty naaxwiiny.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

1 Samuel 11:13

E ja Saúl ënätyë ojts tukkajpxë ets y'ënäny: Tyam ni pën mëpaat kya'ooky, jä'ä ko yë Wintsën yë'ë të tyajtso'oky yë Israel kajpn.

1 Samuel 14:45

Ënet ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Dios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.