Isaías 26:15 - Biblia Dc en Mixe de Quetzaltepec

¹⁵ Mijts Wintsën, mijts ja naax kajpn të xyajyeeky; tëë xyajmëjë ets yë'ë tyajnikëxë'ëkëty ja mmëj'ajt m'oyajtën, tëë xyajkëjääjëtyä'äy nitëkokyë ja naax kajpn ja nyaax tsyëpa'an.

Biblia Mixe de Quetzaltepec

¹⁵ Mijts Wintsën, mijts ja naax kajpn të xyajyeeky; tëë xyajmëjë ets yë'ë tyajnikëxë'ëkëty ja mmëj'ajt m'oyajtën, tëë xyajkëjääjëtyä'äy nitëkokyë ja naax kajpn ja nyaax tsyëpa'an.

Isaías 26:15 ပူးပေါင်းရင်းမြစ်များ

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

1 Reyes 8:46

Ko ënety pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

Nehemías 9:23

Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënety ja y'aptëjk të xytyukwinwanën.

Job 12:23

Yë'ë yajmëjëp ets yajmutskëp yë naax kajpn, yë'ë yajwä'kxyp ets yë'ë yajmujkpy.

Isaías 10:22

Oy jëtu'un tä jinën jyanimay'atë ja Israel ja'ayëty, niwäänë y'ita'antë mëti'ipë winpitantëpën. Tëë yajtuknipëjktaakë ko jyää'ata'any ja ëyo'on ko ënety ja nipaye'eyën y'ity.

Isaías 33:17

Nëjkxëp jatëkok ja yajkutujkpë ja myëj'ajtën xy'ijxë; ja naax tsëpa'an jëkämpaat nëjkx nyäxy.

Isaías 40:5

Jëtu'un ja Wintsën tyaj'ixa'anyë ja myëj'ajt y'oyajtën, ets tu'kë'ëyë ja'ay t'ijxta'aja'antë. Wintsën kë'ëm të tnikäjpxy.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 6:12

ko ënety ja kunaax kukajpn të yajmënëjkxta'atë wiink naax wiink kajpn tsumy matsy, ets ko ënety ja kajpn tukwa'ats të wyi'imy.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 9:3

Wintsën, mijts të xyajminy të xyajkëtä'äky ja jotkujk'ajtën; mëj këjää ja jotkujk'ajtën tyam yajmëët'aty, janty jotkujk tyam ja ja'ay nyäyjyawëtë, jëtu'un tä jyää'atyën ja xoontakën ko ja pëjktä'äky y'ity wyintëy, ijxtëm xyoonta'aktën ja ja'ayëty ko ja wit meeny nyätyuknikääkëtë.

Jeremias 30:19

Jap nëjkx ja'ay tkukajpxëtë tja'awëkyëta'aktë ets nëjkx xyi'iktë xyontë. Yë ja'ay niwäänëpë, ni'ikyës nyajnimayëja'antë. Ëjts ka'apës ni pën n'ixtija'any, ni'ikyës ntsoka'an njawëja'antë.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Juan 15:8

Jëtu'un ënety xyajnikëxë'ëktë ja nTeetyës ja myëj'ajt y'oyajtë ko mtëëmpätëty may ets tjëkyäpëty wi'ix myajtijtëtyën ko miits n'ijxpëjkpë'atë.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Deuteronomio 10:22

Ko ja m'ap m'okëty jap jyajtë Egiptë, je'eyë ënätyëty nitëkë'px majk. E yë Wintsën yë'ë të tuknipëjktaakë ets mnimayëtëty. Miitsëty nimay myajpatnëtë, jëtu'un tä yë may myatsa'a kyëxë'ëkyën tsajpjotm.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 28:64

Yë Wintsën jëtu'unyë nëjkx mwojpwa'kxëtë naaxwiinyëtë apëtsëmy. Jam wiink naax wiink kajpn wiink tios nëjkx xy'ëwtajnëtë. Jä'ä ja awinax mëti'ipë tsaa ets kepy mëët y'oytyunyëtyën; mëti'ipë ja m'ap m'ok ka'ap nijëna'a t'ixyajtën.