Isaías 26:14 - Biblia Dc en Mixe de Quetzaltepec

¹⁴ Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.

Biblia Mixe de Quetzaltepec

¹⁴ Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.

Isaías 26:14 ပူးပေါင်းရင်းမြစ်များ

Job 18:17

Nëjkxëp y'atëkooytyä'äy mëti'ipë jeexyë yajtukja'amyäjtspën naaxwiiny naaxkëjxy ets ka'ap nëjkx ni pën tkajpxpaaty yë xyëëw.

Job 24:20

Yë'ëpaat yë tyaak jyä'äytyëkooyënë; yë tënë'k tsu'tstaayëp ets ka'ap pën y'ëkja'amyäjtsënë. Yë ëxëëk ja'ay jëtu'un jyata'any tä yë kepy kyëtäyën ko yajpujxë'ëky.

Job 7:9

Tä yootsën mëti'ipë poj'am tëkoopyën, jëtu'un yë ja'ay nyäxy mëti'ipë yajkukë'ëyëpën o'kpëjutjoty. Ko jap jyëjptä'äky, ka'ap nijëna'a y'ëkwinpijnë ets ka'ap nijëna'a yë jyiiky myëku'uk y'ëk'ijxënë.

Salmos 106:28

Tä ojts tmëtuntë ja wiink tios mëti'ipë tyijtëpën Baal-peor, ets tkaaynyëtë tjë'kxnëtë ja ka'ayën ukën mëti'ipë të yajtukwintsë'ëkën ja tios ka'apë jyuukyëtyën.

Salmos 109:13

Wä'än timkyixy timnyäxy yë y'aptëjk, ets wä'än timy'atëkoy yë xyëëw.

Salmos 135:17

Jyamëët'ajtyp yë tyatsk, ka'ap myëtoy ets ka'ap jyuukyëty.

Salmos 36:12

Ixtë wi'ix jyatën kyëpätën yë ëxëëkja'aytyëjk. Ko kyëtawtë ka'ap y'ëkpëtë'knëtë.

Salmos 59:5

Mijts Wintsën, Dios mëti'ipë maaytyääyëpën winë, yë Israel yë Tyios, ëkma'aypyëtë'ëk ets tukumëtow tääpë ja'ayëty mëti'ipë oynatii y'ëwtajtëpën; këtii xypya'ëyoy tääpë ëxëëkja'aytyëjk mëti'ipë jyiiky myëku'uk kyë'ëyajktëpën.

Salmos 9:6

Tëë ja mëtsip y'ooky, tëë ja nyaax kyajpn mëët y'ooky; mijts të xyaj'atëkoy ets nitii të kyawë'ëmy mëti'ipë jeexyë yajtukja'amyäjtspën.

Éxodo 14:30

Jëtu'un ja Dios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

Eclesiastés 9:5

Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Isaías 37:19

ets ko tëë tnino'ktaayëtë tsyaamëxanëty, y'awinaxëty, mëti'ipë ënety tyijtëpën tios, jä'ä ko ka'ap tyiosëty; naaxpotsy, tsaa ets kepy të y'itë mëti'ipë naaxwiinyëtë ja'ay kë'ëm të tyaj'oyën. Paatykyëjxm të tjantyyajkutëkoytyë.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Mateo 2:20

Pëtë'ëk, nëjkx jam Israel y'itjotm. Mëët yë mëxu'unk ets tyaak. Tëë y'o'knëtë ja ja'ayëty mëti'ipë ënety yaj'ookantëpën ja mëxu'unk.

Deuteronomio 4:28

Jam nëjkx ja wiink wintsën xymyëtuntë, mëti'ipë yë naaxwiinyëtë ja'ay kë'ëm yajkojtëpën; tä yë kepy tsyetsyën, tsaatsetsyën, mëti'ipë ka'ap y'ixy myëtoyën; ka'apë kyäy y'uukyën ets ka'apë xyejyën.

Apocalipsis 20:5

E ja wiinkpë ja o'kpëty, ka'ap ojts y'ëkjuukpyëjknëtë, jëtu'un nyäjxy tu'uk mil jëmëjt. Yë'ë ya'atë ma më''ëka'any ja o'kpë jyuukpyëktën.