Isaías 26:13 - Biblia Dc en Mixe de Quetzaltepec

¹³ Wintsën mëti'ipës nTios'ajtëpën, wiink ja'ay ëëts të nwintsën'atë, tyam myaj'ijxkajp ko mijts mWintsënëty.

Biblia Mixe de Quetzaltepec

¹³ Wintsën mëti'ipës nTios'ajtëpën, wiink ja'ay ëëts të nwintsën'atë, tyam myaj'ijxkajp ko mijts mWintsënëty.

Isaías 26:13 ပူးပေါင်းရင်းမြစ်များ

2 Crónicas 12:8

je'eyëp tëy ko yë'ëjëty kopkpëky ko tmëmëtowtëty tääpë yajkutujkpë, jää nëjkx tnijawëtë wi'ix tyëkatsyëtyën, ko jeexyë ëjts xymyëtuntë ka'ap jeexyë jëtu'un jyatë.

Isaías 10:11

Jëtu'un ijxtëm ojts ëxëëk ntunyës ja Samaria kajpn jëtu'unës ntuna'any ja Jerusalén kajpn, mëët kanaak ja y'awinax mëti'ipë y'ëwtajtëpën.

Isaías 12:4

nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Isaías 2:8

May näjyëtu'un tmëët'atë ja awinax, ets ënät twinkoxtänëtë mëti'ipë kë'ëm të tyajkojtën mëët ja kyë'ë y'aawëty.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Isaías 64:5

Mijts m'oyjya'ap yë ja'ay mëti'ipë akujk jotkujk winë oy tyuunpyën, ets jyä'ämyejtsyp mëti'ipë mijts mtsojkpyën yajtunëty.

Amós 6:10

Nëkooyë nëjkx ja'ay tsyë'kënëtë jya'awënëtë, ko tu'uk yë ja'ay jap tyëkëty tëkoty ets ja myëku'uk tjuuta'anëty mëti'ipë ënety jap të y'ookyën, ënät nëjkx t'ënëëmë wiinkpë myëku'uk mëti'ipë ënety jap tëkoty yajpatpën: ¿Jap wiinkpë të xypyäätyë? Ka'ap, jëtu'un nëjkx y'ëtsoy. Ets nëjkx y'ënä'äny ja mëët tu'ukpë: Amonyë it, ko ajotkumonë Wintsën yë xyëëw xykyajpxpatëty.

Miqueas 4:5

Wiinkëtypë naax kajpn myëmëtoowtëp yë tyiosëty, e ëëtsajtëm yë'ë nmëmëtowa'anëmë yë Wintsën, mëti'ipë nTios'ajtëmën.

Juan 8:32

ets xynyijawëtëty ja tëypyë jaantypë ets ëwaatsëtum myajpaatëty.

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Dios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

1 Corintios 4:7

Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Dios ka'ap të mmo'oyën? ets pën Dios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.