Isaías 26:11 - Biblia Dc en Mixe de Quetzaltepec

¹¹ Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Biblia Mixe de Quetzaltepec

¹¹ Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënäty t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 26:11 ပူးပေါင်းရင်းမြစ်များ

Hebreos 10:27

yi'iyë ja ëyo'on njëjp'ijxënëp ets ja tëytyu'unën ets mëj jëën ma y'ëyowtëtyën mëti'ipë ja Dios myëtsip'ajtëpën.

Miqueas 5:9

Jëtu'un xynyipëtë'ëka'any mijts Wintsën ets xyajkutëkoyä'äny tu'kë'ëyë ja mmëtsiptëjk.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Hechos 28:27

Jä'ä ko ya'atë ja'ay yë jyot wyinma'anyëty juun yajpaatë, ëtuky yë tyatskëty, ets pi'its yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë wyimpitëty ma ëjtsën, ets jëtu'un ka'apës nyajtso'oktëty.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Jeremias 44:28

Tim niwäänë nëjkx kyä'äktë tsipjoty ets nëjkx jap tsyoontë Egiptë ets myintëty Judá. Jëtu'un nëjkx nijawëtë pën ënety ja y'aaw y'ayuk atëëp, pën yë'ëjëty ëkë pën ëjts.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

Isaías 44:9

Ja'ay mëti'ipë yajkojpyën yë awinax ka'ap nijënu'un tsyowpaaty ets ja awinax mëti'ipë yajkojtëpën nijënu'un mëj'ajtën tkamëët'aty. Mëti'ipë ja'ay awinax y'ëwtajtëpën tsuu ets winma'anytyuk jëtu'unëty, nëxi'iky tukxi'iky wyë'ëma'antë.

Isaías 18:3

Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënety tyuna'anyë.

Isaías 11:13

Ka'ap nëjkx ja Efraín ja tsyip y'äkë t'ëkmëët'ajnë, ja Judá nëjkxëp ja jyoot'an xyä'ämnë; Efraín ka'ap nëjkx t'ëktukjoot'anpëjknë yë Judá, e yë Judá ka'ap nëjkx t'ëk'ëxëëk'ijxnë yë Efraín.

Salmos 86:17

Yak tu'uk yë ijxpäjtën mëti'ipë yajtuk'ixëpën ko oy mTios'aty, e ko jëtu'un yaj'ixëty, tääts nëjkx tsyëyu'unpaatë ja'ayëty mëti'ipës xy'ëxëëk'ijxtëpën. Mijts Wintsën, mijtsës xymyoopy yë putëjk pupäjtën, ets mijtsës näjyëtu'un xymyoopy yë jotkujk'ajtën.

Salmos 21:8

Yë mkutujkën myëmëtakta'ajäämpy yë mëtsiptëjk; ets mëët ja m'ënä'ämën mkutujkën xyajkutëkoyä'äny tëkokyë mëti'ipë m'ëxëëk'ijxëpën,

Salmos 10:12

Pëtë'ëk Wintsën, xajë'ëk yë mkë'ë. Këtii xyjyä'äytyëkoyëty mëti'ipë jëëpy yaxpën.

Job 34:27

jä'ä ko ka'ap të tmëmëtowtë ets ka'ap të tpatuntë ijxtëm ja y'ënä'ämën tyiyajtën jyaminyën.

1 Samuel 6:9

Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Dios ënety o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënety jëtu'un të tyimmiimpë.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Lucas 16:23

Jap ënety y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

Salmos 78:63

Ja ëna'ktëjkëty jëënjoty ojts y'o'kta'atë; ja pëjkpëty ukpëty ka'ap ojts y'ëkyajwin'ëëwnëtë.

Isaías 1:31

Ja ja'ay mëti'ipë mëk näjya'awëyëpën, aaykyëta'akën y'awinpita'any; ja tyuunk jëënpixkën jyata'any; nimäjtsk tyoya'antë tu'knax ets ni pën nëjkx kyayajkupi'itsëty.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Isaías 9:19

Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Isaías 10:17

Ja Dios kënu'kxypyë, mëti'ipë të'kxpën jajpën jam Israel, jëtu'un y'awinpita'any jëënyä'änkën, ets tu'kxëëyë tyatooytyëkoyä'äny ja aayjyot pejyjot ets ja äpnyjyot.

Isaías 37:32

nëjkxëp jam wyë'ëmtë Jerusalén, jam ma Sión kopkën jam'atantëp ja mëti'ipë juuky wë'ëmantëpën. Ya'atë jëtu'un tyunäämpy ja tsyojkën jya'awën mëjpë këjääpë ja Wintsën mëti'ipë maaytyääyëpën winë.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Isaías 66:15

Jä'ä ko yë Wintsën jëënjotypyën të myiny të jyä'ty, yë kyepy wintëkäämpë jëënyä'änkën kyëxë'ëky; jëtu'un tyajnaaxkëta'aka'any yë y'oyajtën tä jëënpajkën ets tëytyuna'any ja myëtsip.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënety nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Miqueas 7:16

Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënety tnijawëtë ja mmëkajtën. Wä'än uum ets nat twë'ëmtë.

Salmos 28:5

Jä'ä ko yë'ëjëty ka'ap tmëj'ix tmëjpëjkta'aktë mëti'ipë ja Wintsën të tyajkojyën. Nëjkxëp yajkutëkoyëtë ets ka'ap nëjkx nijëna'a y'ëkpëtë'knëtë.

Isaías 10:16

Paaty ja Wintsën mëti'ipë maaytyääyëpën winë, yajmëjaawkukëxëjäämpy ja ja'ay mëti'ipë mëk näjya'awëyëpën, yë'ë yajminäämpy mëk jëënpa'am ets toopyëm ja jyot nyini'kx tjawëtëty.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.