Isaías 26:1 - Biblia Dc en Mixe de Quetzaltepec

¹ Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Biblia Mixe de Quetzaltepec

¹ Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Isaías 26:1 ပူးပေါင်းရင်းမြစ်များ

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Zacarías 2:5

E yë Wintsën yë'ë ënaanp: Ëjts jëtu'un wa'anaanp kajpnnapotsën jëënmëëtpë ma Jerusalén kajpn pa'ajën ets kajpn itkujky nyaj'ita'anyës yë nmëj'ajt n'oyajtënës.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Salmos 48:12

Na'ëwtitë yë Sión ets mëtyowtë naak yë potsy tmëëtëty;

Salmos 31:21

Nkënu'kxyjya'apës yë Wintsën ets ja tsyojkën jya'awën, mëët ko winë të tuny mëj këjää mëët ëjtskyëjxm maas ënety mon tuk nyajpaatyën.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 5:1

Jëtu'unës yam n'ëwa'any ijxtëm jeexyë ja nmëku'ukës y'iyën ma tkuuy'iyën ja tsatsymkyam mëti'ipë myëët'ajtypyën. Ja nmëku'ukës jam ijty tmëët'aty ka tsatsymkyam jë'kxynyaaxjotm.

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Esdras 3:11

Nimay ja ja'ay ënety twin'ëw twinya'axtë ja Wintsën ets nimay y'ëtsowtë: Kukajpxëtë ja'awëkyëta'aktë ja Wintsën, jä'ä ko yë tsyojkën jya'awën oy yë'ë ets xëmë y'ity. Tëkokyë ja naax kajpn aak xoontaktëp, jä'ä ko tëë ja tuunk tsyo'ontä'äky ma ja tsajptëjk yajkoj oyën.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Isaías 14:31

Jë'ëtë ya'axtë miitsëty filistejë ja'ayëty, më''ëna'antë yë mpëjk m'ato'onënëty, tsëtyuytyë mëët mëktsë'ëkë, jä'ä ko tam anëkëjxmtsow ja mmëtsip mniminyë tä yoots nëma'ajën, tä naaxwayën mëti'ipë myajkutëkoyanëpën ets ni pën kyajëjpkuwa'akëja'anyë.

Isaías 31:5

Jëtu'un tä tu'uk yë joontaak tnike'eky tkuke'ekyën yë y'u'unk ko tii jëyujk myatsa'anyë, jëtu'un ja Wintsën mëti'ipë maaytyääyëpën winë tkuwa'ana'any yë Jerusalén kajpn, kyuwa'anäämpy, yajtso'okäämpy, nyiwaantu'utäämpy, ets ëwaatsëtuuy tpëjkta'aka'any.

Isaías 31:9

Mëët ja tsë'ëkë jawë jëtu'unyë nëjkx kyäknë pyujtnë ja yajkutujkpë, ja mëti'ipë ënety kuwanëtëpën nëjkxëp ja y'ak tnajtsjëpijpëtya'atë. Ja Wintsën jëtu'un ënaanp, ko tam Jerusalén yajpaaty jëjp'ixy ja o'ktakn ma nyitoya'antën ja myëtsiptëjk.

Isaías 33:5

Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Isaías 62:10

Pëtsëmtë, pëtsëmtë tëjk ëkë'ëy, nipëjktaakëtë ja nyë'ë tyu'u ja nnaax nkajpnës. Oytyuntë yajxon ja në'ë aaw tu'u aaw ets xyjyëkoonta'atëty yë tsaa; Pëjkta'aktë tu'uk ijxpäjtën ets naax kajpn t'ixtëty.

Ezequiel 40:5

Jap ma tsajptëjk jëxkën tap tu'uk yë potsy nyäxy mëti'ipë na''ëwtijtëpën. Ja kepy mëti'ipë ja ja'ay myëët'ajtypyën mëti'ipë kijpxën'ajtpën jä'ä y'ayenyëty mäjtsk xajpk. Ënet ojts tkijpxy ja potsy ets jä'ä myäjpxyëty mäjtsk xajpk ets kyëjxmëty nän mäjtsk xajpk.

Salmos 48:4

Ojts yë yajkutujkpëtëjk may jyanämyukëtë ets tjanitso'ontë ja Jerusalén kajpn tääts tyajkutëkoya'antë;