Isaías 25:9 - Biblia Dc en Mixe de Quetzaltepec

⁹ Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Biblia Mixe de Quetzaltepec

⁹ Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Isaías 25:9 ပူးပေါင်းရင်းမြစ်များ

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Salmos 100:1

Kuuy'ëwtë yë Wintsën mëët ja akujk'ajt jotkujk'ajtën, miitsëty naaxwiinyëtë ja'ayëty.

Salmos 20:5

Jëtu'un nixëëwtu'unmëty ko të mëtä'äky, ets nyajwa'kujkëmëty yë wit wintëy, mëët yë Dios yë xyëëw mëti'ipë n'ëwtajtëmën. Dios mo'ojëtëp mëti'ipë të xy'amëtoyën.

Salmos 21:1

Wintsën, yë yajkutujkpë jotkujk nyäjyawëty ko të xymyo'oy yë mëjaaw mëk'ajtën. Jotkujk nyäjyawëty ko të xyajmëtä'äky tsipjoty.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 33:20

Ëëtsëty yë'ëjës yë Wintsën ntukjotkujk'ajtëp; yë'ëjës xypyutëjkëtyëp ets xykyuwantëp.

Salmos 33:21

Yë njot nwinma'anyëtyës xoontä'äky yajpaaty ma Wintsënën, paaty ëëtsëty yë'ë ntuk'ijxpätës yë kyënu'kxy myëjxëëw mëti'ipë wa'atsën.

Salmos 40:17

E ëjts maas nyajpaatyën mon tuk, këtiis xyjyä'äytyëkoyëty, Wintsën. Mijtsës xypyutëjkëp etsës xyaj'ëwaatsëpëtsëmy; Wintsën këtii mpo'oxy, tsojkyë min.

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

Salmos 95:1

Mintë ni'ëmukë, tsojk nwin'ë'ëw nwinyaxëm yë Wintsën mëët yë xoontakën; tsojk nja'amyäjtsëmë ets ntukxoontakëmë mëti'ipë xykyëwent'ajtëmën ets xyajnitsokëmën.

Isaías 33:2

Wintsën, pa'ëyoow najts'ëyo'owëtëk ëëtsëty, ëëtsëty jamës ja winma'any npëjkta'aktë ma mijtsën. Mijts ëëts xypyëtëkëtëp winjopy, mijts ëëts xyaj'ëwaatsëpëtsëmtëp ko ntsippaatëtyës.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 35:1

Wä'än txoontä'äky ja itjot, të'ëts it të'ëts naaxpë; wä'än tjam'aty ja xoontakën, ja jotkujk'ajtën ets yaj'ixëty pëjyjyotypë ujtsjotypë,

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 35:4

ënëëmëtë ja mëti'ipë xëmë tsëyuuypyën: Jotmëk it, këtii mtsë'ëkë. Tyaa ja mTiosëty mëti'ipë myajtso'okanëtëpën, mëti'ipë tyiytyunäämpyën ja mëtsiptëjk ijxtëm pyaat'atyën.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Dios mëti'ipë miits mTiosajtëpën.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Isaías 65:18

Akujk jotkujk xëmë myajpaatëty, koos winë nyajkoja'any, nyajkojäämpyës yë Jerusalén kajpn oypyë ma ja ja'ay jotkujk jyuuky'atëtyën.

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Zacarías 10:7

Yë Efraín jëtu'un tä tsiptuunpën nyaxa'any. Jotkujk yë jyot wyinma'any tjawëja'any tä jeexyë tsatym nyëë t'uukyën ets ko ënety ja y'u'unk y'ëna'k y'ixyë tääts näjyëtu'un jotkujk yajpaata'antë. Jotkujk yë jyot wyinma'any tjawëja'antë jä'ä ko yë Wintsën tsyokyë jyawëty.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Filipenses 3:1

Jëtu'un mëku'uktëjkëty, tukxoonta'aktë ja Wintsën. Ka'apës näy'atsipë njawë oyës yam jatëkok nja'ay mëti'ipës të n'ëkjääpyën, jä'ä ko mtuna'anxëtëp yë'ë.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

1 Pedro 1:6

Paatykyëjxm miits akujk jotkujk mnäjyawëtëty, oy tyam ja ëyo'on jotmay xy'ëkyajnaxtë.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

2 Pedro 3:12

Tsojk njëjp'ijxëm ja xëëw ma ja Dios myina'anyën ets tuntë wi'ix tsojk myinëtyën. Jä'ä xëëw nëjkx ja tsajp wyintëkoy mëët ja jëën; ets mëti'ipë ënety jää'ajtpën, tu'kë'ëyë jyiiywya'kxta'aja'any ko mëk tyoyëty.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Apocalipsis 22:20

Mëti'ipë ya'atë nyikäjpxypën, jëtu'un y'ënä'äny: Tsojk mminëty. Min Wintsën Jesús, tsojk min.