Isaías 25:8 - Biblia Dc en Mixe de Quetzaltepec

⁸ Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Biblia Mixe de Quetzaltepec

⁸ Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 25:8 ပူးပေါင်းရင်းမြစ်များ

Salmos 116:8

tëës xyajpëtsëmy jam o'këntum, etsës të xymyo'oy ja jotkujk'ajtën maas ënety një'ëyën nyä'äxyën ets maas ënety këtaw këpip nyajpaatyën.

Salmos 69:9

Mëët yë'ë koos niku'ëwa'an'aty yë mtsajptëjk, wiinkës nnäjyawëty ko pën ëxëëkjaty tnikäjpxy tnimëtyä'äky, janty ëjtsës ntimjya'ap xytyimpatp ko pën ëxaty y'ënä'äny.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 37:3

ets t'ënëëmëtëty ko ja yajkutujkpë jëtu'un ënaanp: Mon tuk tyam nyajpatëmë, mëj këjää ja tëytyu'unën, ka'ap ja jot mëjaawnë, jëtu'un tä tu'uk to'oxytyëjk jyätyën mëti'ipë mëjaawkukëjxëpën ko y'u'unk myääy tyimminanë naaxwiiny.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënety të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënety ëxëëk të mjaty të mkëpety ko mku'o'kë,

Isaías 60:15

Ka'ap nëjkx naspëk nastunë m'ëk ijnë ets ka'ap nëjkx pën m'ëk ëxëëk'ijxënë; nän ka'ap nëjkx nätyu'uk m'ëkmoon m'ëktujknë, ëjts mijts nyaj'itäämpy xëmë, tsuj xoontä'äky ets jotkujk nëjkx y'itë ja m'u'unk m'ok.

Isaías 61:7

E mëët ko miitsëty ni'ik të m'ëyowtë, näjyëtu'un nëjkx ni'ik myajmo'otë ja näypyutëkë ets näpya'ëyowë, jëtu'unts akujk jotkujk xëmëkyëjxm mjuuky'ata'antë.

Isaías 65:19

Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Jeremias 31:16

E ja Wintsën jëtu'un y'ënë'ëmxëty: Raquel, këtii nëkoo mjë'ëy myä'äxy; këtii nëkoo mwiinnëë xytyemy xyjye'etsy, mijts tëë m'ëyo'onpaaty, mpatäämpy jatëkok ja jotkujk'ajtën: yë m'u'unk m'ëna'k tsoonantëp jam ma ja mëtsip ja nyaax kyajpnën. Ëjts Wintsën, ëjts ënaanp.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Lucas 1:25

Paatyës ja Wintsën të xypya'ëyoy etsës ja ja'ay ka'ap xypyäxëty.

1 Corintios 15:26

Ok nëjkx tjaak mëmëtä'äky ja o'kën.

1 Corintios 15:54

Ko nëjkx ja nni'kx'ajt nkopk'ajtëm y'awinpity ijxtëm ja mëti'ipë ka'ap wyintëkoyën ets ko y'awinpitëty tä mëti'ipë ka'ap y'ookyën, jä'ä ënety yajkuuytyuunp ja Dios ja y'aaw y'ayuk mëti'ipë ënaanpën: Tëë ja o'kën yajmëmëtä'äky.

2 Timoteo 1:10

Tëë ja Dios tyam tyaj'ixyë mëjwiin këjää ja tsyojkën ko të myiny ja Jesukristë Yajknitsokpë, mëti'ipë myëmëtakën ja o'kën ja kyutujkën, ets të tyajnikëxë'ëky ja juukyajtën xëmëkyëjxmëpë.

1 Pedro 4:14

Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

Apocalipsis 20:14

Ënet jap yajkujëpijpëy jëënjoty, nëëmejyënpë kyëxë'ëkyën. Ya'atë jëën, nëë mejypyën kyëxë'ëkyën, yë'ë ja mëmäjtskpë ja o'kën.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Dios tu'kë'ëyë ja wyiin nëë pyo'ta'aja'anëtë.