Isaías 25:12 - Biblia Dc en Mixe de Quetzaltepec

¹² Yë Wintsën nëjkxëp tkujijnajxta'ay yë pyoty ta'tspëkpyë ets nëjkxëp tjijtë'ëky ets tyajnaaxkukëtawë.

Biblia Mixe de Quetzaltepec

¹² Yë Wintsën nëjkxëp tkujijnajxta'ay yë pyoty ta'tspëkpyë ets nëjkxëp tjijtë'ëky ets tyajnaaxkukëtawë.

Isaías 25:12 ပူးပေါင်းရင်းမြစ်များ

Apocalipsis 18:21

Ënet tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

Isaías 26:5

Yë'ë yajkuka'anajxyp yë ja'ay mëti'ipë amëj akëjxm ja'ay'ajtëpën, yajnaxymyëp ja kajpn mëti'ipë mëj'äämpy näyajnajxëpën,

Hebreos 11:30

Mëët ko myëpëjktë, ojts ja Jericó kajpn napotsypë kyëtäy ko ja Israel ja'ayëty wëxtujk xëëw ja kajpn tna'ëwtijtë.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Jeremias 51:58

Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Isaías 15:1

Jä'ä tsu'um ma Ar kajpn kyutëkooyën, o'ktëy ojts jyäty kyëpety yë Moab; jä'ä tsu'um ma Quir kajpn kyutëkooyën o'ktëy, jyäjty kyëpejty yë Moab.

Isaías 14:23

Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

Isaías 2:15

tu'kë'ëyë mëti'ipë jëtu'un näjya'awëtëpën mëjpotsyën, këjääpë,

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Jeremias 48:1

Yë Wintsën, mëti'ipë maaytyääyëpën winë, mëti'ipë ja Israel ja'ay Tyios'ajtëpën, tëë tnikäjpxy wi'ix jyata'antën yë Moab ja'ayëty: Janty mon janty tuk yajpaaty yë Nebo kajpn ko të kyutëkooynyë. Yë Quiriataim kajpn o'ktëy të jyäty të kyëpety, yë nyaax kyajpn mëti'ipë ënety ta'tspëkyën ets këwent'atyën, tëë jyijtë'kta'ay ja pyotsy.

Ezequiel 28:17

Mëët ko ënety m'oyëty mtsujëty yë'ë ojts amëj akëjxm myaj'awinpityë ets ko ënety mëj jaanty mnäjyawëty ënät ojts tyëkooytyä'äy ja m'ixpëkyajtën. Ojts njaamteeny nnaaxteeny ets nëxi'iky tukxi'iky ojts nyajwë'ëmy ma wiinkëtypë yajkutujkpëtëjkën.