Isaías 25:1 - Biblia Dc en Mixe de Quetzaltepec

¹ Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Biblia Mixe de Quetzaltepec

¹ Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 25:1 ပူးပေါင်းရင်းမြစ်များ

Salmos 111:4

Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

Salmos 118:28

Tyam nmo'oy ja kukkajpxën ja'awëkyëtakkën ets ntukxoontäkpyës mijts yë mmëjajtën, jä'ä ko mijts jëtu'un nTios'ajtyp.

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Salmos 146:2

Nmëjpëjkta'akäämpyës yë Wintsën mapaatës njuuky'ätyën, nkuuy'ëwäämpyës yë Dios mëti'ipës nTios'ajtypyën, maas tyam njuuky'ätyën.

Salmos 31:15

Yë njuukyajtënës mijts yë mkë'ë'am'ajtyp; yaj'ëwaatsëpëtsëëmkës maas yë nmëtsiptëjk xy'ixjëtit xypyajëtitën.

Salmos 40:5

Wintsën mëti'ipës nTios'ajtypyën, mëj këjää winë të xytyuny të xykyäjpxy ma ëëtsëtyën koos xyajmëj'atë. Ni pën kyajëtu'unëty tä mijtsën. Ëjts njanikajpxäämpyës tëkokyë mëti'ipë të xytyunyën, je'eyëp ko may oy, ka'apës xymyäyëty nikajpxta'ajëty.

Salmos 40:6

Mijts ka'ap xytyukjotkëtä'äky ko ja jëyujk ooky myajtukwintsë'ëkë, ëkë ko ja aaypyajk ujtspajk myajtukwinkupëkë; ni yë'ë të xykya''amëtoy wintsë'kën ets tii myajtukmëyoxëty. Mijts ni'ikyës yë nkopk ntatsk të xyaj'ëwatsë.

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

Salmos 75:2

Jëtu'un yë Wintsën y'ënä'äny: Nwin'ixäämpyës tu'uk yë xëëw jëmëjt maas nipaye'eyä'änyën tëkokyë yë nëë poky, ijxtëm yajxon tyiyajtënëtyën.

Salmos 78:4

Ka'ap ntukwinkuyu'utsa'anëm ja n'u'unk'ajt n'ok'ajtëm. Mëët ja pi'k ëna'këty mëti'ipë juuky'atantëpnëm, yë'ë mëët ntukxoontakmëty ja Wintsën ets nikajpx nnimëtyakmëty ja kyutujkën ets myëj'ajtën.

Salmos 89:1

Wintsën, xëmës n'ëna'ana'any n'ëyjyotyës ko mijts janty'oy yë jot winma'any xymyëëtëty, janaam jatsojkës nikajpxa'any nnimëtya'aka'any ko mijts aak'oy winë xytyuny.

Salmos 98:1

Tukwin'ëwtë ja Wintsën ja ëy yä'äxy jempyë, jä'ä ko mëj këjää myëj'ajtën të tyaj'ixyë. Tëë myëtä'äky jam tsipjotm mëët ja myëk'ajtën ets ja kyutujkën wa'atspë.

Salmos 99:5

Mëjjaw kënu'kxyjyawëtë yë Wintsën, mëti'ipë nTios'ajtëmën; yë'ë wiinkoxtänëtë ets ëwtatë. Yë Dios, wa'ats yë'ë.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 26:13

Wintsën mëti'ipës nTios'ajtëpën, wiink ja'ay ëëts të nwintsën'atë, tyam myaj'ijxkajp ko mijts mWintsënëty.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 28:29

Näyjyëtu'un të tuknipëjktaakë yë Wintsën mëti'ipë maaytyääyëpën winë. Yë'ë janty oyëty winë të tuknipëjktakëtyä'äy ets tyuunpy mëti'ipë të tuknipëjktaakën.

Isaías 40:27

Israel, Jacob yë nyaax kyajpn, ¿wi'ix ko mijts m'aak'ëxëëkja'ap winë? ¿Wi'ix ko m'ëna'any: Yë Wintsën ka'ap t'ixy wi'ixës njaty nkëpetyën, yë Dios tii tkëwentëty oyës wi'ix njatëty nkëpätëty?

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënety ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Isaías 46:11

Tëës tu'uk ja'ay nikäxë jamtsow ma xëëw pyëtsimyën, jëtu'un myina'any tä tu'uk joonën mëti'ipë jëtu'un winë tyunäämpyën tääjës nmay ntajyën. Ijxtëmës të nikäjpxyën jëtu'unës ntuna'any, tëëjës yajxon nwinmay nwintajy mëti'ipës ntunäämpyën ets ntuunta'ajäämpyës mëti'ipëjaty nwinma'any'äjtypyënës.

Isaías 49:4

Ëjts jëtu'unës ënety nmay ntajy: Natëkës të njuuky'äty, nëkoopës ja njot nmëjaaw të nyajma'aty. Tim mëtëypyë yë Dios yë'ëjës xynyipaye'eyaanp, ets mëti'ipës nkuma'ayën'ajtypyën tam ja Dios tmëëtëty.

Isaías 49:5

Tëës yë nkuma'ayën xymyo'oy yë Wintsën, jä'ä ko yë'ëjës të xymyëjaawmo'oy. Dios ojts xyajkojyës jap ntaakës jyootjoty etsës nmëtunëty ets ja Israel ja'ayëty, ja Jacob ja y'u'unk y'okëty wyimpitëty ets tpuwa'akëtëty yë Wintsën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.

Joel 2:26

Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Apocalipsis 7:12

ets y'ëna'antë: Tëy jëtu'un. Ja mëjja'awën jaanty ja'awën, ja wijyajtën kejyajtën, ja mëj'ajtën jaanty'ajtën, ja kukajpxën, ja wintsë'kën, ja mëk'ajtën ets ja mëjaaw, yë'ë tu'kë'ëyë yajmooytya'ajëp xëmëkyëjxm ja nTios'ajtëmë. Jëtu'un y'itëty