Isaías 24:8 - Biblia Dc en Mixe de Quetzaltepec

⁸ Tëë kyixy ja xoontakën ma ja ja'ay të xyu'uxtën ets të y'ëwtën, tëë myoonkëtä'äky ma ja ja'ay të myuktën ets të xyoonta'aktën.

Biblia Mixe de Quetzaltepec

⁸ Tëë kyixy ja xoontakën ma ja ja'ay të xyu'uxtën ets të y'ëwtën, tëë myoonkëtä'äky ma ja ja'ay të myuktën ets të xyoonta'aktën.

Isaías 24:8 ပူးပေါင်းရင်းမြစ်များ

Job 3:7

Nikë oy'ajt ko jeexyë jä'ä xëëw, ka'ap pën myëxu'unk'ajty, nikë oy jeexyë jää pën kyaxoontäky.

Job 30:31

Yë ëëpë koopë ets xuxën wojpën, jë'ëyën yaxën të y'awinpijnë maas ëjtsën.

Salmos 137:2

Ma ja kepyxye'entyën mëti'ipë jam kajpnjotm yajpatpën, jam ijty nkutë'ëyëmë ja nkowajtëmë.

Isaías 16:10

Ja xoontakën ets ja xikën ëwë'kën jam jyëjpkëxa'any kamjotm tu'ujotm; ka'ap ja jotkujk'ajtën y'ëkyajpaatanë kamjotm tu'ujotm tä të y'ityën, ka'ap ja tsatym y'ëkyajpëkanë tä të pya'tkë'p'atyën. Ja yaxën jojkën nëjkxëp jyëjpkëjxnë.

Isaías 5:12

Xuxpë wojpë, ëëwpë koowpë mëët mxëëwtuntë, ka'ap ja ka'ayën ukën y'ëmaaytyä'äky ma kaaypyäjnën; je'eyëp ko tëë xyjyä'äytyëkooynyëtë mëti'ipë Dios të tunyën, ka'ap xy'ëkja'amyäjtsnëtë mëti'ipë të tyajkojyën.

Isaías 5:14

Jëtu'un tä kaa tni'ëwë'ëkyën yë jyi'kxy, jëtu'un ja naaxwiinyëtë y'ëwa'atsa'any, ets ja naax kajpn jap kyuka'anaxa'any mëët ja y'ënä'ämpëtëjk, jä'ä ja ja'ayëty jëtu'un jatantëp mëti'ipë ja wit meeny ka'ap ëmaay tjawëtën ets xëmë xyëëwtuntë.

Jeremias 16:9

jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënety mjuuky'atën ets nëjkxëp kë'ëm xy'ixtë.

Jeremias 25:10

Ëjts ka'apës n'ëwa'atsa'any nijëna'a ets jam jatëkok yë ja'ay xyi'ik y'ëwë'ëkëty ëkë y'ëwëty ya'axëty akujk jotkujk, ka'ap nëjkx pëjkpë ukpë y'ëknänyikaayënë, ka'ap nëjkx ja'ay y'ëkyajmëtoownë tsaa tukjëtsy ets yë'ëpaat nëjkx ka'ap yë kutë'kxn y'ëktë'kx y'ëkjajnë.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Lamentaciones 5:14

Ka'ap maa ja mëjja'aytyëjkëtynyë mëti'ipë jam ma tëjkëtyaknën yajpatëpën; ka'ap y'ëkyajmëtoownë ëna'ktëjkëty y'ëk'ëëw y'ëkyaxnëtë.

Ezequiel 26:13

Jëtu'unës nyajjëjptuka'any ja m'ëy myä'äxy ets ka'ap y'ëkyajmëtowanë yë mkow.

Ezequiel 28:13

Jam ënety Edén myajpaaty ma ja Dios tmëëtëtyën yë y'ujts tsa'am kam, mëti'ipë myëët'ajtypyën oyëtypë tsaa, tsapts tsaa, të'kxy tsyaa; yëktsuxk tsaa, pu'ts tsaa, uky tsyapts tsaa; tsu'unk tsaa, tsuxk uky tsyaa, uky tsyaa ets tsuxktsaa; yë mnantsëm ets mtatsktëy aakyë'ë pu'ts pujxn, mëti'ipë myajtuknikojëyën ma ënety ka'anëm mkojynyëmën.

Oseas 2:11

Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.

Amós 6:7

Mijts nëjkx jëyëjp mnëjkxtë tsumy matsy wiink naax wiink kajpn, jää nëjkx kyixy nyäxy ko je'eyë të mxëëwtuntë.

Apocalipsis 18:22

Nijëna'a mkajpnjotm kya'ëkyajmëtoownëty ja xuxpë koopë, ni ma tii tka'ëktuunëtëty, nimaa kya'ëkyajmëtoownëty ja jëjtsën tu'unën.