Isaías 24:5 - Biblia Dc en Mixe de Quetzaltepec

⁵ Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

Biblia Mixe de Quetzaltepec

⁵ Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

Isaías 24:5 ပူးပေါင်းရင်းမြစ်များ

2 Samuel 23:5

Paatykyëjxmës ja n'u'unk n'okës amëk jotmëk yajpaatë ets akujk jotkujk yajpaatë ma Wintsënën, yë'ë ojts mëët tuny tu'uk ja ëëwtu'un käjpxytyu'unën mëët ëjts xëmëkyëjxm, tuknima'kxë yajxon y'ijty, kopkpëky ets oytyuny. Yë'ë xëmë të xyajmëtä'äkyës ets jëtu'un winë tyajtuny tyajjatyë tääjës ntimy tsyokyën.

2 Reyes 21:12

ëjts, mëti'ipë Wintsën'ajtpën, mëti'ipë yë Israel y'ëwtajtëpën, tyamës nikäjpxy ja n'aaw n'ayuk: Nyajminäämpyës ja ëyo'on jotmay ma ja Jerusalén kajpnën ets ma ja Judá kajpnën; ja ja'ay mëti'ipë nëjkx tmëtowtën wi'ix ënety ja naax kajpn jyäty kyëpetyën mëk nëjkx tjawëtë.

2 Reyes 21:15

Jä'ä ko yë'ëjëty aak tëkatsy winë tuntë, aakyë'ë tyuuntëp mëti'ipës ka'ap n'oy ixy n'oyjyawën, jëtu'un timyajtso'ontaktë ko jap tsyo'ontë Egiptë ets tyampaat.

2 Crónicas 33:9

Je'eyëp ko ja Manasés ni'ikyë ojts tnajtstujë ja Judá ja'ayëty ets ja Jerusalén ja'ayëty ets ja ëxëëk tu'u tpanëjkxtëty ets wäänëni'ik o'ktëy winë tuntëty këtiinëm ja naax kajpn mëti'ipë ojts ja Wintsën tyajkutëkoyën ko ja Israel ja'ayëty jam jyajtë.

Salmos 105:10

ets ojts tyajwë'ëmy tä tu'uk yë ënä'ämënën ma Jacob, tä tu'uk käjpxytyu'unën xëmëpë y'ityën ma Israel ja'ayëtyën,

Salmos 55:5

Tëës yë mëktsë'ëkë xytyuktëkë ets janty tsëyuuypyës mëët yë tsë'ëkë.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Isaías 30:9

Ya'atë naax kajpn je'eyë kyäjpxykyutëjy, ka'ap wyintsë'ëkë, ka'ap nijënu'un tmëtowa'any ja Wintsën ja y'ijxpëjkën.

Isaías 33:8

Aanë'ëk tëëtsë'ëk ja në'ë tu'u yajpaaty, nimaa pën kyanaxy kyatëkë. Ja aaw ayuk mëti'ipë ja naax kajpn tëë tjakäjpxy'ätyën ets ka'ap ja tsip tyunëtëty, ni pën tkayajtuny ets ni pën tkawinkutsë'ëkë.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Jeremias 11:10

Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

Ezequiel 16:59

Ëjts Wintsën, jëtu'unës n'ëna'any: Ko nmo'ojäämpy yam ja tëytyu'unën ijxtëm mnitëkëtyën, jä'ä ko ka'ap të xypyatuny ja m'aaw m'ayuk mëti'ipë käjpxytyu'unën'ajtpën.

Ezequiel 20:13

E yë'ëjëty ojts jam të'ëts'itjotm xykyäjpxy kumëtoownaxtës, ka'ap tpatuuntë ja n'ënä'ämënës ntëyajtënës; ojts tninajxnëtë ja n'ënä'ämënës ntëyajtënës mëti'ipës ënety të nmo'otën ets tëëjës ënety n'ënëëmëtë ko tpatuntëty nëjkxëp jyuuky'atë, e yë'ëjëty ni'ikyë ojts tyaj'ëxëëktëjkënëtë ja npo'kxënxëëwës. Ënätës ojts njamay njatajy ko ni'ik oy ko ntimy yajkutëkoytyëtyës ma ënety jam të'ëts'itjotm yajpaatën,

Ezequiel 20:24

jä'ä ko ka'ap tpatuuntë ja n'ënä'ämënës, y'ijxtijtë ja ntëyajtënës, yaj'ëxë'këtyë ja npo'kxën nxëëwës ets yi'iyë ojts tuk'ijxpätë ja awinax ka'apë tyiosëtyën mëti'ipë ja y'aptëjkëty y'ëwtajtën.

Ezequiel 37:26

Ntunäämpyës tu'uk yë käjpxytyu'unën mëët yë'ëjëty jekpyë y'itëtyën, jëtu'un akujk jotkujk jyuuky'atëty. Nëjkxëpës nyajnimayëtë ets xëmëkyëjxm nëjkx yajja'amyetsy yë ntsajptëjkës ma yë'ëjëtyën.

Daniel 7:25

Nëjkxëp ja Dios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Dios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Dios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënety yë'ë nyi'ënä'ämëpën.

Daniel 9:10

ets ka'ap mijts pën të mja'akyujkxëty ja m'aaw m'ayuk, Wintsën, mëti'ipës n'ëwtajtëpën ets ka'apës të mpatuntë ja m'ënä'ämën mtëyajtën mëti'ipë të xyjyatuk'ëwaanëtës ja mtuunpëtëjkëty käjpxynyajxpëtëjkëty.

Daniel 9:5

tëëjës njanty pyokytyuntë ets tëëjës ntuuntëkoytyë; ëxëëk winë të ntuntës; koos njuuky'atë ka'ap pën të mja'amyetsyë; tëë nja'atyëkoytyës ja m'ënä'ämën mtëyajtën ets ja m'aaw m'ayuk.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Miqueas 2:10

Pëtë'ëktë. Tu'uye'eytyë. Ya'atë ka'ap pyo'kxtaknëty; ma ya'atë kajpnën je'eyë ja'ay tnimeenykyonë ja ëyoopëja'aytyëjk ets ka'ap tpaye'ey tii mëtëy, paatykyëjxm kyutëkoyä'äny.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Hebreos 9:1

Ja mëjëwyiimpë ja käjpxytyu'unën myëët'ajtyp ijty ja ënä'ämën wi'ix ja Dios yajwintsë'ëkëtyën, je'eyëp ko jam ma tu'uk ja tsajptëjkën mëti'ipë yaa naaxwiinyëtën.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Josue 24:25

Jä'ä xëëw yë Josué ojts tuny tu'uk yë käjpxytyu'unën mëët ja naax kajpn jam Siquem, ojts tmo'oy ja aaw ayuk ets ja ënä'ämën tëyajtën tii mëpaat tuntën.