Isaías 24:18 - Biblia Dc en Mixe de Quetzaltepec

¹⁸ Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Biblia Mixe de Quetzaltepec

¹⁸ Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Isaías 24:18 ပူးပေါင်းရင်းမြစ်များ

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

Génesis 7:11

Majkmokx mäjtsk ënety yë po'o y'äny yë mëmäjtskpë. Noé jä'ä ënety yë jyëmëjt tëtujk mëko'px. Jä'ä xëëw jä'ä jëmëjt ojts y'ëwa'atstë mëjëtypë jut, jap naaxpa'tkë'pë ma ja maykyomnëë pyëtsimyën. Ets näjyëtu'un jam tsajpwinm ojts kyupëjy yë komtuu.

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

Job 20:24

Ko tjakukä'äkëty tu'uk yë juunpujxn, yë tsuxkpujxn nëjkx nyaspaatëty.

Salmos 18:15

Tëë ja mejy nyitëtstu'uty mëti'ipë jap pa'tkë'pën; yaj'ijxnëp mëti'ipë ja naaxwiinyëtë tsyëëm'ijtypyën, mëët ko ja Wintsën të kyäjpxy ets ko mëk të tyajpojy.

Salmos 18:7

Ënet ojts yë naaxwiinyëtë mëk yu'kxy. Ojts yë tun kopk yu'kxtë, kopk ëjxypyaat; ojts yajwijtsyu'kxtë mëët ja Dios ja tsyip y'äkë.

Salmos 18:8

Ojts jok pyëtsimy ma jyëjpën, ets ma y'aawën jëën jap pëtsëëm mëti'ipë yaj'o'kpën. Ojts jëënpajk tka'tspëtsëmy y'aawjoty.

Eclesiastés 9:12

Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Isaías 13:13

Ëxëëk nëjkx ja tsajp jyäty kyëpety, ets ja naaxwiinyëtë wiinktsow nëjkx nyaskëyë mëët ko ënety yajxon të njoot'anpëkyës.

Isaías 2:19

Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Isaías 2:21

Jap muum tsaajutjoty, tsajpkëkjoty nëjkxëp ja ja'ay nyäy'atijëtë, jap nyäyu'utsëtëty ko ënety ja Wintsën ja ëyo'on tyajminy tyajkëtä'äky naaxwiiny naaxkëjxy.

Isaías 42:22

e ya'atë naax kajpn je'eyë xëmë të yajmeetsy, je'eyë xëmë të yajnitëkë ets ëxëëk të yajtuny yaj'ënëëmë, jap të yajpëjktakta'atë tsaatëjkjoty ets pujxn tëkoty. Jëtu'un të nyajxnë mä'tstaknën ets ka'ap pën të kyuwa'anyë; ko të yajmëke'eky, ka'ap pën të nyiwaantu'utyë.

Isaías 8:14

Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.

Jeremias 48:43

Paaty ëjts maas nWintsën'atyën n'ëna'any, ëjts mëti'ipë Wintsën'ajtpën: Yë Moab kajpn jëtu'un nëjkx myëtsip pyajëtityë tä ja'ay ujtsjëyujk tmatsa'anyën, ëkë tä tu'uk yë ujtsjëyujk muum kyënaxa'anyën o'këntujp mëti'ipë yu'utsyën.

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Lamentaciones 3:47

ëtsë'këtyëp, yaj'ookantëp, yajkutëkoyantëp ets xit ko'ow ëëts je'eyë të xytyuunta'atë, jëtu'unës njat të nkëpätë.

Ezequiel 11:8

¿Mtsë'këtyëp yë tsipë? Oy, tyamës yë tsip nyajmina'any ma miitsëtyën. Ëjts Wintsën, ëjts ënaanp.

Ezequiel 12:13

Ntukujëpijpë'ëkäämpyës yë ntsaayës ets yë'ë mëët nmatsa'anyës. Jam Babilonyë nyajnëjkxa'anyës, ma Caldeo ja'ayëtyën, ja naax kajpn mëti'ipë ka'ap nëjkx t'ixyën ets jam nëjkx y'ooky.

Ezequiel 15:7

Mëtsipës nänyikajpxa'anyë ma yë'ëjëtyën. Jyakukä'äktëp tu'kpëky ja jëën je'eyëp ko nän jëënjoty nëjkx kyukääkëtë. E koos ënety ëjts nänyikäjpxyë mëtsip ma yë'ëjëtyën jäänëm nëjkx xy'ixkaptës ko ëjts Wintsënajtp.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënety yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Amós 5:19

Jëtu'un nëjkx jää jyäty kyëpety tä ja'ay tkuke'ekyën yë kaa ets twinkuja'të yë osë, ëkë ko pën tyëkë tyëkoty ets jam kyëxajy ma tu'uk yë tsa'anyën ets tsyu'utsyë.