Isaías 24:10 - Biblia Dc en Mixe de Quetzaltepec

¹⁰ Ja naax kajpn ma ijty ka'ap jyotkujk'atyën, axit ako'owë tyam yajpatnë, ka'ap ma ja tëjknë ma ja'ay tsyëënëtyën.

Biblia Mixe de Quetzaltepec

¹⁰ Ja naax kajpn ma ijty ka'ap jyotkujk'atyën, axit ako'owë tyam yajpatnë, ka'ap ma ja tëjknë ma ja'ay tsyëënëtyën.

Isaías 24:10 ပူးပေါင်းရင်းမြစ်များ

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Miqueas 2:13

Yë Dios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Jeremias 52:7

Ënet ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënety jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.

Jeremias 39:8

Yë Caldeo ja'ayëty ojts tjëënmo'otë ja kutujkëntëjk ets ja ja'ay ja jyëën tyëjkëty mëti'ipë jamën kajpnjotm, ojts tjijtë'kta'atë ja potsy mëti'ipë ja Jerusalén kajpn nyapots'ajtypyën.

Jeremias 39:4

Ko yë Sedequías yajkutujkpë ets tsyiptuunpëtëjk t'ijxtë tii tuunëp jajtëp, ënätyë pyëtsëëmtë kajpnjoty, koots ojts kyä'äktë, jamtsow nyajxtë ma ja pëjykyamjotmën mëti'ipë yajkutujkpë jyä'ä'ajtypyën, ma ja tëjk'aawën mëti'ipë potsy akujk yajpatpën ets tpëjktë ja tu'u mëti'ipë nëjkxpën ma Jordán joyjyotën.

Isaías 34:11

Yë'ë jam ju'k ets wääk'oo tsënaaytyaknpëkaanp, yë wëëky ets lut jam näpyä'änanëtëp. Jä'ä yë Wintsën tyaj'awinpita'any tääpë naaxwiinyëtë anë'ëk tëëtsë'ëk ets ni pën nëjkx jam kyatsëënë.

Isaías 32:14

Ja këmoontëjk tukwa'ats wyë'ëmta'aja'any; ja naax kajpn yajtuk'ye'eytyuta'ajaanp; ja itjot ma ja këwent'ajtpë y'itën ni pën jam kyapaata'any nijëna'a, yi'iyë nëjkx jam jyaak yajpaatë ëxëëkjëyujk, jëyujk, jëyujk tsajpkaa nëjkx jam jyaak jë'kxy jyaak pëktë.

Isaías 27:10

Ja naax kajpn mëti'ipë ënety ta'tspëkyën ets këwent'atyën, xit ko'ow të jyajta'ay, jëtu'un tä tu'uk yë tëjkën mëti'ipë ka'ap pën tuktsëënën, ijxtëm it naaxwiinyëtën mëti'ipë anë'ëk tëëtsë'ëkën ets ka'ap jam pën tsyëënë. Ma tääpë it naaxjotmën jëyujk tënaaytyakn nëjkx wyä'äny, jëyujk tsajpkaa nëjkx jam y'oktë.

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.

Isaías 24:12

Xit ko'ow ja kajpn të jyäty, ja tëjk akaj, kujy jëpipy të jyajta'ay.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

2 Reyes 25:4

Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

Génesis 11:9

Ma tääpë ja it naaxwiinyëtën ojts ja Dios tyajtëkajtsta'ay ja aaw ayuk mëti'ipë ënety ja ja'ay naaxwiinyëtë apëtsëmy kyajpxtëpën ets ye'eywya'kxtaaytyë. E paatykyëjxm ojts tampë ja kajpn xyëëpety Babel.

Isaías 32:19

oy ënety muum ja ja'ay tëë ja tun kopk twinpujxtutaaynyëtë ets aanë'ëk tëëtsë'ëk ja naax kajpn yajpatnë.

Isaías 26:5

Yë'ë yajkuka'anajxyp yë ja'ay mëti'ipë amëj akëjxm ja'ay'ajtëpën, yajnaxymyëp ja kajpn mëti'ipë mëj'äämpy näyajnajxëpën,