Isaías 23:9 - Biblia Dc en Mixe de Quetzaltepec

⁹ Yë Wintsën mëti'ipë maaytyääyëpën winë yë'ë të tyajkutuky ets tyaj'amoonta'aja'any ja ja'ay mëti'ipë näjya'awëyëpën amëj akëjxm ets o'ktëy tyajjata'any ja ja'ay mëti'ipë mëj'äämpy ijtpën.

Biblia Mixe de Quetzaltepec

⁹ Yë Wintsën mëti'ipë maaytyääyëpën winë yë'ë të tyajkutuky ets tyaj'amoonta'aja'any ja ja'ay mëti'ipë näjya'awëyëpën amëj akëjxm ets o'ktëy tyajjata'any ja ja'ay mëti'ipë mëj'äämpy ijtpën.

Isaías 23:9 ပူးပေါင်းရင်းမြစ်များ

Job 12:21

Yë'ë yajkutujkpy ets wintsëntëjkëty ka'ap pën y'ëkwinkutsë'kënëtëty ets jëtu'unyë myoonkëtak tyujkëtaknëtëty mëti'ipë ënety amëk jotmëk näjya'awëtëpën.

Salmos 107:40

Dios ëxëëk t'ixy yë ja'ay mëti'ipë jyiiky myëku'uk tyiytyuunpyën, ets jëtu'unyë tyajkunëjkx tyajkuye'eyë të'ëts'itjotm.

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.

Isaías 10:33

Ixtë ja Wintsën mëti'ipë maaytyääyëpën winë, ixtë wi'ix tyajkëtayën mëjëtypë kepy; awäx tukwäxë yë kepy jyajta'ay ets jëtu'un nyaaxkëtakta'ay.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Isaías 14:24

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un ijxtëmës të ntuknipëjktaakën, jëtu'un tyuna'any jyata'anyë; jëtu'un tääjës të nyaj'oyën, jëtu'un y'atëwa'any.

Isaías 14:26

Ya'atës të ntuknipëjktaakë ma tëkokyë yë naaxwiinyëtën. Ja nkë'ë n'aawës ëxëëkës jam nyaj'ëtë'ëtsa'any ma ja naax kajpnën.

Isaías 14:27

Yë Wintsën mëti'ipë maaytyääyëpën winë, tëë tuknipëjktaakë, ni pën tkajëkyepy y'ëtukëtëty. Yë ëyo'on mëti'ipë yajkëta'akäämpyën, ka'ap tjëkyepy pën t'akajpxtukëty.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Isaías 23:10

Mijts Tarsis ja'ayëty, tim naaxtuntë je'eyë, jä'ä ko miitsëty ka'ap jëtu'un ja kuttujkën xy'ëkmëët'atanë tä ijty tëëyëpën.

Isaías 32:13

Äpny ets aay ujts jam yonaanp maas yë nkajpnën ma tu'kë'ëyë ja jëën tëjkën mëti'ipë yi'iyë tsojkën'atë ja äjtsën pujtën.

Isaías 5:13

Paatykyëjxm, mëët yë'ë ko ja naax kajpn ka'ap jyä'äkyukë, ni'amukë mnëjkxta'aja'antë wiink naax wiink kajpn tsumy matsy. Tëkokyë ja ja'ayëty mëët ja kyutuunk yuu'o'kta'aja'antë.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Jeremias 13:9

etsës xy'ënëmaay: Timjëtu'un yë Judá ja'ayëty ets Jerusalén ja'ayëty nyajjata'antës.

Jeremias 51:62

E ko xykyajpxta'ajëty, tääts m'ëna'anëty: Wintsën mijts jëtu'un të m'ëna'any ko ya'atë naax kajpn xyajkutëkoyä'äny, ka'ap nëjkx yaa pën jyuuky'äty yë ja'ay ets jëyujk, aanë'ëk tëëtsë'ëk xyaj'awinpita'any.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Abdías 1:2

Mutsk kajpn yam mpëjkta'aka'any ma wiinkëtypë naax kajpnën ets ka'ap nëjkx pën mtsokyë.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Hechos 4:28

Jëtu'un winë të tuntë ijxtëm ënety mijts të xytyuknipëjktaakën tyunëtëty jyatëtëty.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Efesios 3:11

Jëtu'un ja Dios të tuny winë ma ja Kristë Jesusën ijxtëm tëëyëp tuknipëjktaakën.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.