Isaías 23:17 - Biblia Dc en Mixe de Quetzaltepec

¹⁷ Ko tëkë'px majk jëmëjt kya'pxëty, jää nëjkx ja Wintsën jatëkok tja'amyetsy ja Tirë kajpn. Jää nëjkx jatëkok ja tyuunk tyajtso'ontä'äky ma ja jyot nyini'kx tooky tyäkyën mëët yë wiinkëtypë kajpn naaxwiinyëtë apëtsëmy.

Biblia Mixe de Quetzaltepec

¹⁷ Ko tëkë'px majk jëmëjt kya'pxëty, jää nëjkx ja Wintsën jatëkok tja'amyetsy ja Tirë kajpn. Jää nëjkx jatëkok ja tyuunk tyajtso'ontä'äky ma ja jyot nyini'kx tooky tyäkyën mëët yë wiinkëtypë kajpn naaxwiinyëtë apëtsëmy.

Isaías 23:17 ပူးပေါင်းရင်းမြစ်များ

Nahúm 3:4

Ets yë'ë poky myëët'ajtëp yë to'oxytyëjkëty mëti'ipë jyot nyini'kx tyo'ktëpën, ja to'oxytyëjk oypyë yaj'ixyën ets tsujpë kyëxë'ëkyën, mëti'ipë nyiwintaj'ajtypyën ja patooy panajxën, mëti'ipë ëxëëk ja naax kajpn të tyaj'ëtë'ëtsyën ko të tpatoy tpanaxy.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

1 Timoteo 3:8

Näyjyëtu'un ja mëpëjkpëtëjk mëti'ipë ja tuunk të yajtuknipëktën jap tsajptëkoty, yë'ë mëti'ipë jyëkyejpy yajwintsë'ëkëty, mëti'ipë ka'ap y'ëëwtëkoy kyajpxtëkoytyën, ka'apë y'uuktën myu'ukëtën ets ka'apë yi'iyë wit meeny tpa'ix tpawoontën.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Hechos 15:14

Tëë ja Simón nimëtyä'äky wi'ix ja Dios të tyaj'ixyën ja oyajtën ma ja ja'ayëtyën mëti'ipë ka'ap jyutiis'atën, ko näjyëtu'un ja Dios të wyin'ixëtë ko kyajpn'ata'anëtë.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Miqueas 1:7

Wa'ats pyu'utakta'aja'any yë y'awinaxëty ets tsyooytyëkoyä'äny yë kyepy'apujxtukyëty mëti'ipë kyënu'kxyja'awëtyëpën. Jä'ä ko yë wit meeny mëti'ipë myëët'ajtëpën yë'ë to'oxytyëjktëjkëty të tnituntë mëti'ipë jyot nyini'kx tyo'ktëpën yajktëpën, yë'ë jatëkok nmo'ojäämpyës yë to'oxytyëjkëty mëti'ipë jyot nyini'kx tyo'ktëpën.

Ezequiel 22:13

Ëjts mëkës yam mijts ntukjoot'anpëky jä'ä ko je'eyë ëyoopëja'ay amëjaaw xyajmëtuny ets mijts mkumeenytyä'äky ets myajja'ay o'kp näjyëtu'un.

Ezequiel 16:31

Maajaty yë tu'u jyëjpkëxyën ets maajaty y'ëwaatsëtyën, jam ojts xy'oytyuny yë m'awinax yë nyiwintsë'këntyakn ets jam ja mjot mnini'kx xyäjky. Mijts ka'ap ijty mjëtu'unëty tä yë to'oxytyëjkën mëti'ipë jyot nyini'kx yäjkpyën, jä'ä ko mijts ka'ap ijty mjä'ä xynyimeenypyiky.

Ezequiel 16:26

Ojts ja mjot mnini'kx xymyo'oy ja mëjëën mëtëjk, tääpë Egiptë ja'ayëty mëti'ipë mëjatyëty yë ye'etyëjkajtën etsës xyajjoot'anpëjky mëët ko ja mjot mnini'kx xymyooy oypyënëty.

Jeremias 29:10

Jëtu'un yë Wintsën y'ënä'äny: Ko ënety yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Deuteronomio 23:18

Këtii xykyupëktëty ets jap ma ja Wintsën ja tsyajptëjkën pën tkëpätëty ja y'ayajk y'ako'onën ëkë ja wyaantakën mëët ja meeny mëti'ipë ënety jam pyätypyën ma ja jyot nyini'kx tookyën. Jä'ä ko tääpë tu'unën kajpxën y'ëxëëk'ijxyp yë Wintsën.

Isaías 23:15

Jä'ä xëëw yë Tirë kajpn, ka'ap nëjkx pën jyä'ämyetsyë, jëtu'un tëkë'px majk jëmëjt y'itëty, ijxtëm tu'uk yë yajkutujkpë y'ëne'emyën, tëkë'px majk jëmëjt. Ko kya'pxëty, jää nëjkx ja Tirë kajpn tniwä'äky ijxtëm tu'uk ja ëy y'ënä'änyën: ma yajkuuy'iyën ja to'oxytyëjk mëti'ipë jyot nyini'kx tyo'kpy yäjkpyën.

Isaías 23:16

Mijts to'oxytyëjk mëti'ipë ja mjot mnini'kx mto'kpy myäjkpyën, mëti'ipë ijxtëkoy ja'atyëkoy juukyajtpën, këëyë'ëk ja mkow ets xytyukjëtitëty ja kajpn jot, akujk jotkujk kow pëk ets m'ëwëty mya'axëty ets y'ëkyaj'ixëty pën myajja'amyäjtsp.

Ezequiel 16:25

Maajaty yë tu'u jyëjpkëxyën jam ojts xykyojy kanaak yë tsajptëjk ets ja m'oy'ajt mtsuj'ajtën xyaj'awinpijty ëxëëk tuunk, ko ja mjot mnini'kx xyäky ets xymyo'oy oypyënëty, mëti'ipë tu'uye'epyën, xytyooky jëtu'un ja mjot mnini'kx.

Jeremias 25:11

Nëjkxëp ya'atë naax kajpn kyutëkooytyä'äy ets xit ko'ow nëjkx jyajta'ay. Tëkë'px majk jëmëjt jëtu'un ya'atë naax kajpn y'ita'any, yë'ë ënä'ämanëp yë Babilonyë yajkutujkpë.