Isaías 23:15 - Biblia Dc en Mixe de Quetzaltepec

¹⁵ Jä'ä xëëw yë Tirë kajpn, ka'ap nëjkx pën jyä'ämyetsyë, jëtu'un tëkë'px majk jëmëjt y'itëty, ijxtëm tu'uk yë yajkutujkpë y'ëne'emyën, tëkë'px majk jëmëjt. Ko kya'pxëty, jää nëjkx ja Tirë kajpn tniwä'äky ijxtëm tu'uk ja ëy y'ënä'änyën: ma yajkuuy'iyën ja to'oxytyëjk mëti'ipë jyot nyini'kx tyo'kpy yäjkpyën.

Biblia Mixe de Quetzaltepec

¹⁵ Jä'ä xëëw yë Tirë kajpn, ka'ap nëjkx pën jyä'ämyetsyë, jëtu'un tëkë'px majk jëmëjt y'itëty, ijxtëm tu'uk yë yajkutujkpë y'ëne'emyën, tëkë'px majk jëmëjt. Ko kya'pxëty, jää nëjkx ja Tirë kajpn tniwä'äky ijxtëm tu'uk ja ëy y'ënä'änyën: ma yajkuuy'iyën ja to'oxytyëjk mëti'ipë jyot nyini'kx tyo'kpy yäjkpyën.

Isaías 23:15 ပူးပေါင်းရင်းမြစ်များ

Jeremias 25:22

tu'kë'ëyë yë yajkutujkpëtëjk mëti'ipë jam ënä'ämtëpën Tirë ets Sidón, yajkutujkpëtëjk mëti'ipë jam yajpatëpën ma ja Mejyën Naax'akujkpyë,

Apocalipsis 17:10

Tëë kyutëkoy nimëkoxk ets tu'uk tyam y'ëne'emy ets ja tu'uk ka'anëm myiny. Ko myinëty, ka'ap jeky y'ita'any.

Oseas 2:15

Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Daniel 8:21

Yë tsajppax yë'ë y'antijpy yë Grecië yajkutujkpë, e yë wyaj mëjpë kyëxë'ëkyën wyimpoktuuy yë'ë yë yajkutujkpë mëti'ipë ënä'ämaanpën.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Ezequiel 29:11

Ka'ap nëjkx jam nyaxtë ja'ay ets jëyujk. Wëxtyikxy jëmëjt jëtu'un y'itëty ni pën jam kyatsëënëty.

Ezequiel 27:25

Kanaak ijty yë kepy nëëwinye'epyë nyäxy tyëkë, tyajminy kanaakjëjp yë juy tooky ma mijtsën. Jëtu'un ijty mijts tä tu'uk yë kepy nëëwinye'epyë nëëwinkëjxypyë yajpaatyën, ujts mëët yë juy tooky

Jeremias 29:10

Jëtu'un yë Wintsën y'ënä'äny: Ko ënety yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Isaías 23:16

Mijts to'oxytyëjk mëti'ipë ja mjot mnini'kx mto'kpy myäjkpyën, mëti'ipë ijxtëkoy ja'atyëkoy juukyajtpën, këëyë'ëk ja mkow ets xytyukjëtitëty ja kajpn jot, akujk jotkujk kow pëk ets m'ëwëty mya'axëty ets y'ëkyaj'ixëty pën myajja'amyäjtsp.

Isaías 23:17

Ko tëkë'px majk jëmëjt kya'pxëty, jää nëjkx ja Wintsën jatëkok tja'amyetsy ja Tirë kajpn. Jää nëjkx jatëkok ja tyuunk tyajtso'ontä'äky ma ja jyot nyini'kx tooky tyäkyën mëët yë wiinkëtypë kajpn naaxwiinyëtë apëtsëmy.

Ezequiel 16:35

Paaty mijts kujenytyo'oxy, mëtoow'it wi'ix yam n'ënëëmëja'anyën: