Isaías 23:12 - Biblia Dc en Mixe de Quetzaltepec

¹² Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

Biblia Mixe de Quetzaltepec

¹² Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

Isaías 23:12 ပူးပေါင်းရင်းမြစ်များ

Génesis 10:4

Yë y'u'unk y'ëna'k yë Javán jä'ä ojts txëëwatë Elisá, Tarsis, Quitim ets Rodanim.

Génesis 49:13

Yë Zabulón jam nëjkx y'ity tsyëënë ma mëjnëë nyäxyën, ma nëjkx yë kepytyëjk nëëwimye'epyën jya'tën ets tsyoontën. Jampaat yë tsyëpa'an nyaxa'any ma Sidón yë nyaax kyajpn wyi'imyën.

Isaías 23:7

Ya'atë kajpn jëtu'un ijty tëëyëp yajnikajpxp ko tääyëm yë'ë, ko yaa ijty ja'ay y'ätstë xyoonta'aktë. Ya'atë kajpn nëjkxp ijty oymyaajëty ets ma tuknipëjktaakën wyë'ëma'any, jam ijty wyi'imy.

Isaías 37:22

Ya'atë jëtu'un aaw'ajtp ayuk'ajtp ma ojts ja Wintsën tnikäjpxy nimëtyä'äkyën wi'ix ja Asiria yajkutujkpë jyata'any kyëpäta'anyën: Yë Sión kajpn, jëtu'un yë'ë tä tu'uk yë to'oxy ëna'kën, je'eyë mtukxi'ikyë mijts Senaquerib. Je'eyë kyëpajk tyajyu'kxy tä jeexyë wyinma'any tyajjëtityën ko mijts mtso'onë ma jam të mjaja'tyën.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Jeremias 2:10

Nëjkxtë jam mejy awinaxy ets ixtë tuntë; käxtë oypyënëty, yajxon t'ixëty tunëty pën tëë jam muum jëtu'unpë tyunyë jyätyë.

Jeremias 46:11

Mijts Egiptë kajpn, nëjkx tsooy ixta'a jam Galaad. E oy jënu'un mjatsooypyätëty, ka'ap mtso'oka'any, jä'ä ko mijts ni tii tsooy mkayajtso'oka'anyë.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Lamentaciones 4:15

Jëwa'aktë, jëwa'aktë, jëtu'un yaj'ënëëmëtë ja'ayëty; këtii xywinkuwa'akëtë tääpë ja'ayëty, ëxëëk yë'ëjëty. Yë'ë mëti'ipë tëë tyuuntëkoytyën, mëti'ipë käktëpën, jëtu'un y'ëna'antë mëti'ipë wiink tios y'ëwtajtëpën, ka'ap tjëkyepy yaa tsyëënëtëty.

Ezequiel 27:6

ja kepy mëti'ipë myajtuka'pën ets nëëwiinkëjxy mye'ey yë'ë ja nuez kepy mëti'ipë Basán tso'onpën; yë mniwop'ajtyp yë'ë ciprés kepy jampë Chipre tsyoonyën ets yë'ë mëët të yaj'awojpmuky yë elefantë y'apajk.

Daniel 11:30

Yë tsyiptuunpëtëjk yë'ë nëjkx wyinkuwa'akëty yë ja'ayëty mëti'ipë tso'ontëpën maatsow yë xëëw kyëtä'äkyën, kepytyëjk nëëwinye'epyëjoty nëjkx nyiminyë ets mëët yë tsë'ëkë nëjkx tyäty kyä'äktë. Ënet nëjkx ja yajkutujkpë anëkëjxytsyowpë tukjoot'anpëky ja käjpxytyu'unën wa'atspë, yë'ë nëjkx tkajpxpäjtën'aty ko ënety ja ja'ayëty të kyamëjwa'kpetyë mëti'ipë myëjpëjktaktëpën ja käjpxytyu'unën.

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Apocalipsis 18:22

Nijëna'a mkajpnjotm kya'ëkyajmëtoownëty ja xuxpë koopë, ni ma tii tka'ëktuunëtëty, nimaa kya'ëkyajmëtoownëty ja jëjtsën tu'unën.