Isaías 23:1 - Biblia Dc en Mixe de Quetzaltepec

¹ Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Biblia Mixe de Quetzaltepec

¹ Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Isaías 23:1 ပူးပေါင်းရင်းမြစ်များ

Génesis 10:4

Yë y'u'unk y'ëna'k yë Javán jä'ä ojts txëëwatë Elisá, Tarsis, Quitim ets Rodanim.

Jeremias 47:4

Nyixëëw ënety jëtu'un të tpaaty ets filistejë ja'ayëty kyutëkoytyëty; ja Tirë ja'ayëty, Sidónja'ayëty nëjkxëp yajpëjkëtë ja jyä'äy mëti'ipë ënety mëët të tkäjpxy'atën ko nyäpyutëkëja'anëtë.

Jeremias 25:22

tu'kë'ëyë yë yajkutujkpëtëjk mëti'ipë jam ënä'ämtëpën Tirë ets Sidón, yajkutujkpëtëjk mëti'ipë jam yajpatëpën ma ja Mejyën Naax'akujkpyë,

Isaías 2:16

mëti'ipë jëtu'un näjya'awëtëpën tä ja kepy nëëwinye'epyë jampë Tarsis, tä ja kepy nëëwinye'epyë oyjyätyëtypë.

Jeremias 2:10

Nëjkxtë jam mejy awinaxy ets ixtë tuntë; käxtë oypyënëty, yajxon t'ixëty tunëty pën tëë jam muum jëtu'unpë tyunyë jyätyë.

Isaías 23:12

Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

Daniel 11:30

Yë tsyiptuunpëtëjk yë'ë nëjkx wyinkuwa'akëty yë ja'ayëty mëti'ipë tso'ontëpën maatsow yë xëëw kyëtä'äkyën, kepytyëjk nëëwinye'epyëjoty nëjkx nyiminyë ets mëët yë tsë'ëkë nëjkx tyäty kyä'äktë. Ënet nëjkx ja yajkutujkpë anëkëjxytsyowpë tukjoot'anpëky ja käjpxytyu'unën wa'atspë, yë'ë nëjkx tkajpxpäjtën'aty ko ënety ja ja'ayëty të kyamëjwa'kpetyë mëti'ipë myëjpëjktaktëpën ja käjpxytyu'unën.

Ezequiel 26:1

Ma tyu'uk anyën yë po'o mëmajktu'uk jëmëjtpë, jää ojts yë Wintsën xymyëkäjpxyës ets xy'ënëmaayës:

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Isaías 24:10

Ja naax kajpn ma ijty ka'ap jyotkujk'atyën, axit ako'owë tyam yajpatnë, ka'ap ma ja tëjknë ma ja'ay tsyëënëtyën.

Isaías 15:8

Aak y'amëtoowtëp ja'ay ja näypyutëkë jampaat Moab, ma tsëpa'anën; aak jëëy aak yaxtëp ja'ayëty jampaat Eglaim ets Beer-elim.

Salmos 48:7

Jëtu'un tä mëkpoj myinyën anajnytsyow, mëti'ipë yajma'typën yë kepy nëëwinye'epyë jampë yajpaatën Tarsis.

2 Crónicas 9:21

jä'ä ko ja yajkutujkpë jyä'äyëty xëmë ënety jam nyëjkxtë Tarsis mëët ja Hiram ja tyuunpëtëjk ets jam tyajtsoontë pu'ts pujxn, poop pujxn, oy tyaa, joonëty jëyujkëty, mikëty ets patutkëty.

1 Reyes 5:1

Ko ja Hiram, jampë y'ëne'emyën Tirë, tnija'awëy ko jä'ä ja Salomón të tyëjkënë yajkutujkpë, ja David ja myaank ets tkutëkë ja tyeety; ënät tkejxy ja kyutënääpyë jam ma ja Salomón, jä'ä ko Hiram oy ijty mëët nyäjyawëty yë David.

Josue 19:29

Jam tsyoony ja tsëpa'an Sidón ets nyajxë'ëky jam Ramá, jyä'ty ma ja Tirë kajpnën napotsypë, ets nyijkxy ma txëëwatyën Hosá, jyä'ty jam ma ja Mejyën Naax'akujkpyë, mëët ja Mahaleb, Aczib,

Lucas 10:13

Miitsëty, Corazín ja'ayëty mon tuk myajpaatë ets miits Betsaida ja'ayëty mon tuk myajpaatë. Jä'ä ko jeexyë mëj'ajtën të yajtuny jam Tirë ets Sidón ijxtëm të yajtunyën ma miitsëtyën, wintiixyëp jeexyë ja u'kxywyit tmë'u'unyäänyëtë kuyjaamjoty, jëtu'unts jeexyë të tyajknikëxë'ëktë ko të jyootwinpitë.

Isaías 23:6

ets nëjkx y'ëna'antë: Nëjkxtë jam Tarsis. Jë'ëtë ya'axtë jam, miitsëty ninu'un mtsëënëtën jam mejy ëkë'ëm.

Ezequiel 26:2

Jëtu'un yë Tirë kajpn të y'ënä'äny, yë'ë y'antijpy yë Jerusalén kajpn: Ix tää ënät të mya'ta'ay ja nyitëjk'aaw ja kajpn ma ijty tëëyëp ja ja'ay y'ajuy y'atooktën, tyam ëjtsës xytyukka'ap; etsës nkumeenytya'akëty ets yë'ë wä'än axit ako'owë tjajta'ay.

Ezequiel 27:6

ja kepy mëti'ipë myajtuka'pën ets nëëwiinkëjxy mye'ey yë'ë ja nuez kepy mëti'ipë Basán tso'onpën; yë mniwop'ajtyp yë'ë ciprés kepy jampë Chipre tsyoonyën ets yë'ë mëët të yaj'awojpmuky yë elefantë y'apajk.

Ezequiel 27:30

Nëjkxëp y'ëwë'ëktë ets mijts myajnijë'ë myajniya'axëty. Nëjkxëp naaxway nyätyukupëkëtë ets nëjkx jyaamyäts nyaaxyätstë.

Jonás 1:3

E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënety tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.