Isaías 22:4 - Biblia Dc en Mixe de Quetzaltepec

⁴ Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Biblia Mixe de Quetzaltepec

⁴ Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Isaías 22:4 ပူးပေါင်းရင်းမြစ်များ

Ester 4:1

Ko ja Mardoqueo tnija'awëy tëkokyë mëti'ipë ënety të tyuny të jyätyën, ënät ojts tkëëty ja wyit ets tyajnikëxë'ëky jëtu'un ko ënety myony tyuky, tääts tuktëjkëy ja wit mëti'ipë kuumpën u'kxpën, ojts nyätyukupëkyë kuyjaam ets kajpnjoty tyëjkëy najxpë tëjkëpë, mëk jyänty yäxy jyänty jyojky mëët ja monyëtukyë.

Salmos 77:2

Koos ëjts mon tuk nyajpaaty, yë Wintsën yë'ëjës pojën n'ixtääpy ets ninu'unës nkapo'kxy, nxajë'kpyës yë nkë'ë xëëny koots ets njanty Tyios mëkäjpxyës. Yë njot n'anëmës ninu'un kyajjotkujk'aty.

Isaías 15:3

Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Isaías 33:7

Mëtoow'it wi'ix ya'axtën jyoktën ja jotmëkja'aytyëjk jap tu'u akë'p ets wi'ix jyë'ëtën ya'axtën ja ja'ayëty mëti'ipë aaw ayuk myënëjkxtëpën ets jeexyë ja tsip yajkajpx'oyë.

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Jeremias 31:15

Jëtu'un yë Wintsën y'ënä'äny: Jam tu'uk mëto'owën të tsyoony Ramá, ja'ay jam jëëpy yaxp mon tuk. Yë Raquel jam nyiyäxyp yë y'u'unk y'ëna'k ets ka'ap të tsoky pën yaj'ëmonëtëty, jä'ä ko tëë ja y'u'unk y'ëna'k y'o'kta'ay.

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Jeremias 8:18

Ka'ap ma nyitsooy yë npëjkën n'ijxënës, jëtu'unyës njawë n'aaw njot myëkë.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Jeremias 9:18

Jëtu'un, wä'än tsojkyë tmintë ets wä'än xynyiyaxëmë; wä'än yë nwiinnëë'ajtëm tka'ay ets wä'än xyajnëëwin'oko'omëmë.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Ezequiel 21:11

paaty të yajjëjpme'ey ets yajnajtstijëty. Tëë yajjëjpme'ey yajëjpwitsy ets tyajtunëty yë yaja'ay o'kpë.

Ezequiel 27:31

Mëët ko ënety o'ktëy mjaty mkëpety nëjkxëp nyäkyutë'kxn kä'pta'ajëtë, nëjkxëp tuktëkëtë wit tujkxy monpë tukpë ets nëjkx jyë'ëtë ya'axtë mëët ja pëjkën ato'onën.

Miqueas 1:8

Paatyës nya'axa'any mon tuk; tekywya'atsës njëtita'any, koos nya'axëty jëtu'un yajmëtowa'any wax yowë yaxp ëkë jëtu'un tä yë pakëtsey yä'äxyën.

Mateo 2:18

Yajmëtoow jam Ramá ko ja ja'ay jyë'ëtë ya'axtë; Raquel ja y'u'unk y'ëna'k nyiyäxyp, ets ka'ap tkupëjky ets pën yajjotkujkëtëty, jä'ä ko tëë ënety ja y'u'unk y'ëna'k y'o'kta'atë.

Mateo 26:75

ets ja Pedro tja'amyejtsy ko ja Jesús ënety të y'ënë'ëmxëty: Naamka'anëm ënety ja këtseynyë'aaw yaaxë'ëky, ko mijts m'ëna'ana'any tëkëëk ok ko ka'apës xy'ixy'äty. Ënet ja Pedro jap pyëtsiimy ets tyëjkëy jëëpyë yaxpë.

Lucas 1:2

jëtu'un ijxtëm ojts xytyuk'ëwa'anëmën ja mëti'ipë y'ijxtën nyija'awëtyën wi'ix tsyo'onë'ky tsyo'ontäkyën mëti'ipë tuunën jajtën, mëti'ipë ojts yajtuknipëktën tkajpxwa'kxtëty ja Dios ja y'aaw y'ayuk.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,