Isaías 22:17 - Biblia Dc en Mixe de Quetzaltepec

¹⁷ Jëkäm yë Wintsën mnajtsjëpipëja'anyë, jëtu'un tä tu'uk mëkja'ay t'ixjëpipyën yë myëku'uk. Amëjaaw matsa'anyë ets mwinxita'anyë, jëtu'un tä ja'ay wit twinxityën mëti'ipë pixk mëëtën.

Biblia Mixe de Quetzaltepec

¹⁷ Jëkäm yë Wintsën mnajtsjëpipëja'anyë, jëtu'un tä tu'uk mëkja'ay t'ixjëpipyën yë myëku'uk. Amëjaaw matsa'anyë ets mwinxita'anyë, jëtu'un tä ja'ay wit twinxityën mëti'ipë pixk mëëtën.

Isaías 22:17 ပူးပေါင်းရင်းမြစ်များ

Ester 7:8

Ko ja yajkutujkpë wyimpijty ets jap tyëjkëy tëkoty ma ënety jap të kyäy të y'uuktën, tää t'ijxy ko jam ja Amán tyimnäkyëxjujpënë ma ja Ester ja pyuuyën. Ënet ja yajkutujkpë yujk'ënany: Mijts Amán, ¿wi'ixën mwinma'any xytyimpëjktaknë ko jam jëtu'unyë mtimnyäkyëxjujpënë ma yajkutujkpë Ester pyuuyën; ëkë m'ënaanpën ënät näjyëtu'un xymyëët'atanë ja nkutëjkës ëjts nwintuuy maas yë nkë'ëmtëjkënë? Tim je'eyë jëtu'un ja yajkutujkpë Asuero y'ënäny, ënätyë ja tyuunpëtëjk tyëjkëtyë jap tëkoty ets tmajtsë'ktë ja Amán. Tääts ja wit tukwinkupä'änëtyë ets tu'uk y'ënäny mëti'ipë xyëëwajtypyën Harboná: Jam ma Amán tyëjkën, tam tu'uk o'ktakn. Jä'ä kyëjxmëty majkmajkts xajpk ja kujkm. Yë'ë ojts yë Amán tukni'oytyunë yë Mardoqueo ets jam y'ookëty, yë Mardoqueo mëti'ipë ojts ja nija'awën tyäkyën ma mijtsën yajkutujkpë ets ojts myajtso'okyë. Tä ja yajkutujkpë ni'ënä'ämëy ets y'ënäny: Nëjkx jam yo'ktëytyë.

Job 9:24

Yë naaxwiinyëtë, yë'ë ëxëëkja'aytyëjk tyukmëwë'ëmpy, yë yajkutujkpë ni'ikyë twinkumats tjotkumatsë. Pën ka'ap Tyiosëty, ¿pën?

Isaías 22:16

¿Mijts tii jotmayën yaa mjatyimjëkyejpy, ëkë pën të nmo'oy kuttujkën ets xy'oytyunëty yaa yë m'o'kpë jut, ets xytyajëty ja m'o'kpë jut jam kopkëjxm, ets jam tsaakëjxm mnanyi''ixëtëty ma mnaaxtëkëtyën?

Isaías 22:18

Jëtu'un myajwinkëpipa'anyë tä ja'ay piikë tyajkëpipyën, jëkäm myajka'aja'anyë, ma naaxwiinyëtë jyëjpkëxyën. Jam nëjkx m'ooky ets jam nëjkx wya'ak'o'oyëtya'atë yë kepy wintëkäämpë mëti'ipë ijty ja mëj'ajt oyajtën mtukpatëpën, je'eyë nëjkx myajtsëtyuunë jam ma ja mwintsën ja kyëmoontëjkën.

Jeremias 10:18

Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Jeremias 14:3

Ja kume'enyjyä'äytyëjkëty jyakäjxtëp ja tyuunpë nëëwijtspë; tääts jam nyëjkxtë ma nëë nyipetyën, je'eyëp ko ka'ap ja nëë tpaatë, tukwa'ats jatëkok tmëwinpitë ja nyëë apëjkënëty, ëxëëk nyäyjyawëtë ets tsëtyuuntëp.