Isaías 22:11 - Biblia Dc en Mixe de Quetzaltepec

¹¹ Poty itkujky ojts xypyotstë ja nëë apëjkën ma xyajnipäta'antën ja nëë, je'eyëp ko ka'ap ojts xynyijawëtë pën ënety jëtu'un tëëyëp të tuknipëjktaakë.

Biblia Mixe de Quetzaltepec

¹¹ Poty itkujky ojts xypyotstë ja nëë apëjkën ma xyajnipäta'antën ja nëë, je'eyëp ko ka'ap ojts xynyijawëtë pën ënäty jëtu'un tëëyëp të tuknipëjktaakë.

Isaías 22:11 ပူးပေါင်းရင်းမြစ်များ

2 Reyes 20:20

Ja nyikäjpxy nyimëtyä'äky ja Ezequías ets tëkokyë mëti'ipë tyuunën kyajpxën, wi'ix ojts ja nëëtu'u tpëjktä'äkyën ets tyaja'tyën ja nëë kajpnjoty, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë ojts y'ënä'ämtën Judá.

2 Reyes 25:4

Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

2 Crónicas 6:6

e ëjts ojtsës nwin'ixy yë Jerusalén ets jam yajmëjjawëty yë nxëëwës ets nwin'ijyxës yë ntuunpës David ets yë'ë tu'uwinye'eyëty yë naax nkajpnës.

Nehemías 3:16

Yë Nehemías, Azbuc yë myaank, mëti'ipë jam ënä'ämpën Bet-sur, ojts tkoj'oyë ja potsy mëti'ipë ojts tjëjpwa'ktu'utyën yë Salum, jampaat tyajajty ma ja David nyaaxtëjkëyën, tyajnajxë'ky jam ma ja nëë nyikoompetyën ets jyä'ty ma y'itën yë tsiptuunpëtëjkëty.

Isaías 17:7

Jä'ä xëëw ja ja'ay nëjkx tja'amyetsy ja Wa'ats Dios mëti'ipë Israel y'ëwtajtypyën, ja Dios mëti'ipë të yyajkojyën.

Isaías 22:10

ojts xy'ixtë mëti'ipë ënety oyëjaanpën ets ojts xyajta'tspëktën mëti'ipë ënety ta'tspëkaanpën.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Isaías 7:3

Ënet t'ënëmaay yë Wintsën ja Jeséas: Nëjkx timtyämyë mëët yë mmaank mëti'ipë xyëëwajtypyën Sear-jasub ets nëjkx mnäpyäätyë mëët yë Ahaz jam ma ja nëë nyipetyën, jam anëkëjxmtsow,

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Jeremias 39:4

Ko yë Sedequías yajkutujkpë ets tsyiptuunpëtëjk t'ijxtë tii tuunëp jajtëp, ënätyë pyëtsëëmtë kajpnjoty, koots ojts kyä'äktë, jamtsow nyajxtë ma ja pëjykyamjotmën mëti'ipë yajkutujkpë jyä'ä'ajtypyën, ma ja tëjk'aawën mëti'ipë potsy akujk yajpatpën ets tpëjktë ja tu'u mëti'ipë nëjkxpën ma Jordán joyjyotën.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.