Isaías 22:1 - Biblia Dc en Mixe de Quetzaltepec

¹ Ma yaj'akäjpxyën wi'ix jyata'any kyëpäta'anyën ja mëj joyjyot ma yajwinkëma'ayën winë: ¿Tiitën tuunëp jajtëp, wi'ix ko ja'ay aak tëjkëjxy pyäjta'atë?

Biblia Mixe de Quetzaltepec

¹ Ma yaj'akäjpxyën wi'ix jyata'any kyëpäta'anyën ja mëj joyjyot ma yajwinkëma'ayën winë: ¿Tiitën tuunëp jajtëp, wi'ix ko ja'ay aak tëjkëjxy pyäjta'atë?

Isaías 22:1 ပူးပေါင်းရင်းမြစ်များ

Génesis 21:17

Dios ënätyë ojts tmëtoy ko ja Agar ja y'u'unk jyi'iy yä'äxy. Ënet tu'uk ja tsajpjotmëtë kukäjpxy ojts kyäjpxy tsajpjotm, yë Agar yajmëkajpx ets yaj'ënëmaay: ¿Tii mjajtëp Agar? Këtii mtsë'ëkë mjawë, Dios të tmëtoy ja jyi'iyën yaxën yë m'u'unk maay.

2 Samuel 14:5

¿Tii jotmayxyë mëët'ajtyp? jëtu'un ja yajkutujkpë yajtëëwë. Tääts y'ëtsooy ja to'oxytyëjk: Wintsën, ëjts ëyo'on jotmayës të npaaty, tëëjës yë niye'etyëjk y'ooky,

2 Reyes 6:28

¿Ëkë tiitën mjajtëp mkëpäjtëp? Tä ja to'oxytyëjk y'ëtsooy: Ya'atës to'oxytyëjk të xy'ënëëmë etsës yë nmaank nkë'ëyakëty ets ntsu'utstëtyës, e komjëpom yë'ëjëk ëëts ja myaank ntsu'tsëtëp.

Salmos 114:5

¿Tiitën të mjaty të mkëpetyë mijts mëjmejy ko nëkooyë të mkäk të mpujnë? ¿Tiitën të mjaty të mkëpetyë mijts Jordán mëjnëë, ko të m'ixtëkënëjkxy?

Salmos 125:2

Jëtu'un tä kopk na'ëwtitën yë Jerusalén kajpn, jëtu'un yë Wintsën na'ëwtity yë nyaax kyajpn tyimtso'ontä'äky tyam ets kë'ëyxyëëw kë'ëyjyëmëjt jëtu'un y'ity.

Proverbios 29:18

Ma ka'ap jyam'atyën ja ëëwij kajpxwijën mëti'ipë yë Dios jyä'ä'ajtypyën, ka'ap jam ni pën nyäjyä'äkyukëty ets ni pën jam tii oy tkatuny. Yë naax kajpn jotkujk yajpaaty ko ja'ay tuntë mëti'ipë Dios y'ënä'ämën'ajtypyën.

Isaías 13:1

Ma yajnikäjpxy yajnimëtyä'äkyën wi'ix ja Babilonyë ja'ay nëjkx jyatën kyëpätën, mëti'ipë ja Jeséas, ja Amós ja myaank, ojts ja Wintsën tyuk'ëne'emyën ets nikajpx nimëtya'akëty.

Isaías 15:3

Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Isaías 22:5

Jä'ä ko yë Wintsën mëti'ipë maaytyääyëpën winë, tëë tuknipëjktaakë ko tyajmina'any yë ëyo'on, ma y'ooka'an tyëkoya'antën yë ja'ayëty ets ma mon tuk ja xëëw po'o yajpaata'anyën jam mëj joyjyotm ma yajwinkëma'ayën winë. Tëë ja mëjpotsy tjitë mëti'ipë kajpn nyapots'ajtypyën, jampaat kopkëjxm yajmëtoownë ko ja'ay jyë'ëtë ya'axtë.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

Jeremias 21:13

Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Jeremias 32:32

tëë tyajma'atë ja njot nwinma'anyës ko yi'iyë tyuuntëp kyajpxtëp ëxëëkpë tëkatsypë, yë Israel ja'ayëty ets Judá ja'ayëty, yajkutujkpëtëjk, kopktëjkëty, teetytyëjkëty, käjpxynyajxpëtëjkëty ets tu'kë'ëyë Judá ja'ayëty ets Jerusalén ja'ayëty.

Jeremias 48:38

Ma ja tëjk kopkën ets në'ëjoty tu'ujoty jam Moab, aak jëëy aak yaxtëp yë ja'ayëty, jä'ä ko yë Moab piw nuuk të ntuunta'ayës jëtu'un tä ja'ay tu'ts tukpu'ujën mëti'ipë ka'ap y'ëktuunën. Ëjts Wintsën, ëjts ënaanp.

Joel 3:12

Nänyipëjktaakëtë naax kajpnëty ets nëjkxtë jam Josafat, jä'ä ko jam ja Wintsën ja paye'eyën tuna'any ma tëkokyë naax kajpnën mëti'ipë nämyëwinkon'ajtëtëpën.

Joel 3:14

Tam ja'ay jyätyë ma ja joyjotmën ma jam yajnijawëja'anyën wi'ix tu'uktu'uk ja nipaye'eyën y'ita'any. Tëë wyinkony ja Dios ja xyëëw.

Miqueas 3:6

Miitsëty ka'ap xy'ëkmëët'atanëtë ja tsuu kuma'ay koots ets ka'ap nëjkx m'ëk'maayënëtë wi'ix tii xy'akajpxtëtyën. Nëjkxëp ja xëëw jää jyäjy tyi'kxy ma tääpë käjpxynyajxpëtëjkëtyën ets ko xyiiny'atëty nëjkxëp jää kyootsë,

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Mateo 10:27

Mëti'ipë akootstuuy ntukmëmëtyaktëpën, nikajpx nimëtya'aktë xëëny ma jyäjy tyi'kxyën; mëti'ipë ame'tsyë ntukmëmëtyaktëpën, tukyaax tukjokëtë jam tëjkëjxm.

Romanos 3:2

Tuunp mëk ets kanaakpëky. Mëtu'kpëky ko jam ojts ja Dios ja y'aaw y'ayuk najtskäxë ma jutiis ja'ayëtyën.

Deuteronomio 22:8

Ko pën tu'uk yë tyëjk tkojëty, jam tëjknëkëjxm nëjkxëp yë pya'a tnapojts'ëwtijtë, këtiipë jam pën y'awa'knaxëty ets pën pyokytyëkëty ma ja ja'ayëtyën mëti'ipë ënety tääpë ja jëën tëjk tyuktsëna'ayëtëpën.

Jueces 18:23

Ko yë Dan jyä'äy tmëtoowtë ja'ay jyänty ya'ax jyänty joktë, ënät tniwinpijtë ja Micaías ets tyajtëëwtë: ¿Tiitën mjajtëp? ¿Wi'ix ko myä'äxy mjoky?

1 Samuel 11:5

E ja Saúl, tsajpkaa ënety ojts të tyajjë'kxy ko jam jyä'äjty kajpnjotm, ënät tyajtëëy: ¿Tii ja'ay jajtëtëp? ¿Wi'ix ko jyë'ëtë ya'axtë? Ënet yajtukmëmëtyäky ja amay jotmay mëti'ipë ënety të tnikajpxtën ja ja'ayëty jampë tsyoontën Jabés.

1 Samuel 3:1

Ja Samuel janty'oy ijty ja Wintsën tmëtuny jam ma kyë'ë'am'atyën ja Eli. Jä'ä jëmëjt ka'ap ënety nëkooyë pën ja Wintsën tuknijawë ja y'aaw y'ayuk ets ka'ap nëkooyë pën wyinkuma'ay ëkë t'ixy tnijawë kuma'ayjoty mëti'ipë ja Wintsën tyunäämpyën.