Isaías 21:9 - Biblia Dc en Mixe de Quetzaltepec

⁹ Koos të n'ijxpaaty tu'uk kepy wintëkäämpë të myiny mëti'ipë nimäjtsk kwaay pajëtujtëpën, ja mëti'ipë jam kyëwaaykyijxy ënyääytyëpën tu'uk të kyäjpxy ets të y'ënä'äny: Tëë ja yajnitëkë, tëë ja yajnitëkë ja Babilonyë kajpn, ka'ap të myëtä'äky. Tëë tyukpu'ujëtyä'äy mëti'ipë ijty y'ëwtajtëpën.

Biblia Mixe de Quetzaltepec

⁹ Koos të n'ijxpaaty tu'uk kepy wintëkäämpë të myiny mëti'ipë nimäjtsk kwaay pajëtujtëpën, ja mëti'ipë jam kyëwaaykyijxy ënyääytyëpën tu'uk të kyäjpxy ets të y'ënä'äny: Tëë ja yajnitëkë, tëë ja yajnitëkë ja Babilonyë kajpn, ka'ap të myëtä'äky. Tëë tyukpu'ujëtyä'äy mëti'ipë ijty y'ëwtajtëpën.

Isaías 21:9 ပူးပေါင်းရင်းမြစ်များ

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

Apocalipsis 14:8

Tääts ja mëmäjtskpë ja tsajpjotmëtë kukäjpxy pyamiinë mëti'ipë ënaanpën: Tëënëm, tëënëm ja mëj kajpn Babilonyë kyuka'anaxy, mëti'ipë tu'kë'ëyë ja naaxwiinyëtë ja'ay të twin'ëënyën ets të tuktuny ja ëxëëk tuunk.

Jeremias 51:8

Ajotkumonë yë Babilonyë kajpn të y'ëkëtykyuka'anaxy ets xit ko'ow të jyajta'ay. Nijë'ë niya'axtë tääpë kajpn. Mëmintë yë nyi'aay nyitsooy yë tsyëtyut ets yaj'ixëty pën tsokp.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Isaías 13:19

E ja Babilonyë ja'ayëty mëti'ipë kumeenyëtyën, ja naax kajpn ma yajpaatyën winë mëti'ipë oyëtyën ets tsowëtyën, ma ja Caldeo ja'ayëty tpaatën ja jyotkujk'ajtënëty, o'ktëy nëjkx jyatë kyëpätë jëtu'un tä ja Sodomë ja'ayëty ets Gomorra ja'ayëty jyajtën kyëpäjtën koos nyajkutëkooy ja kajpn.

Apocalipsis 18:21

Ënet tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Jeremias 51:52

E yë Wintsën jëtu'un y'ënä'äny: Miimp ja xëëw jëmëjt maas ntëytyuna'anyën ja Babilonyë ja'ay y'awinaxëty, maajaty yë y'it nyaaxwiinyëtë tmëët'atën, jam'ataanp ja ëjën tu'kën ko ënety të tsyëtyut të wyintëkoytyë.

Jeremias 51:47

E jëtu'un y'ixëty, minaanp ja xëëw jëmëjt maas ja Babilonyë ja'ay nyajkutëkoya'antën ja y'awinaxëty. Ëxëëk nëjkx ja naax kajpn jyäty kyëpety ets nëjkxëp yë o'kpë jam may yajpaaty.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 50:42

Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Jeremias 50:38

Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Jeremias 50:29

Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Isaías 14:4

ya'atë nëjkx xy'ixy ets jëtu'un xynyëxi'ik xytyukxi'ikëty ja Babilonyë ja'ay mëti'ipë ënä'ämp yajkutujkpën: Ixtë wi'ix o'ktëy ja ënä'ämpë yajkutujkpë jyäty kyëpetyën. Ix wi'ix të jyajnë ja mëti'ipë ijty nämyëjja'aw näjyääntyjya'awëyëpën.

Isaías 2:18

ets nëjkx tyajkutëkooytyä'äy ja awinax.

Isaías 21:7

Kanaak yaj'ixy yë kepy wintëkäämpë myintë, kwaay pajëtujtëtëp nimäjtskjaty, yaj'ijxp näjyëtu'un tä ja'ay kwaay tuk'u'unyën, tä ja'ay jëyujk jëku'ux tuk'u'unyën.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Isaías 47:9

Mäjtsk ja ëyo'on jotmay mëti'ipë mniminanëpën, ets tu'kxëëyë tyuna'any jyata'anyë: Ku'ooky mwë'ëma'any ets u'unktuk, oy mjatuny mjaakäjpxy ets oy jënu'un yu'utsykyäjpxy xyjyanijawë ets xyjyatukjaty.

Isaías 48:14

Tu'ukmujkta'atë ets xymyëtoow'itëty mëti'ipës yam nikajpxäämpyën: ¿pën ma miitsëtyën të tnikäjpxy, mëti'ipë tunan jatanëpën: ko ja ja'ay mëti'ipës të nwin'ixyën yë'ë jëtu'un tyunäämpy ja Babilonyë kajpn ets ja caldeo ja'ayëty tääjës të nmay të ntajyën?