Isaías 21:17 - Biblia Dc en Mixe de Quetzaltepec

¹⁷ Wäänë jam Quedar jyaak wë'ëma'any ja ti'px mëti'ipë tsiptuunpë ja'ay myëtsiptuuntëpën. Yë Wintsën mëti'ipë Israel ja'ay y'ëwtajtëpën yë'ë jëtu'un ënaanp.

Biblia Mixe de Quetzaltepec

¹⁷ Wäänë jam Quedar jyaak wë'ëma'any ja ti'px mëti'ipë tsiptuunpë ja'ay myëtsiptuuntëpën. Yë Wintsën mëti'ipë Israel ja'ay y'ëwtajtëpën yë'ë jëtu'un ënaanp.

Isaías 21:17 ပူးပေါင်းရင်းမြစ်များ

Salmos 107:39

Ko y'ooktë ets nyiwäänëtë ko ëxëëk yajtun yaj'ënëëmëtë, ëkë ko jyotmaypyaatë ets pyëkëtë y'ixëtë.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Isaías 31:2

E yë'ë nän tyukjajtyp wi'ix ja ëyo'on jotmay tpëjkta'akëtyën, ko tii tnikäjpxy ka'ap ok y'ayuk tukxi'iky. Yë'ë ëxëëk tyajjata'any tyajkëpäta'any ja mëti'ipë tuuntëkoopy kajpxtëkoopyën ets mëti'ipë ëxëëk ëtëtsp ënaanpën.

Isaías 34:16

Jap pa'ixtë ma ja Wintsën ja nyokyën ma winë jaaypyety myiinta'ayën, nitu'uk ya'atë jëyujk kyatëkoy'ata'any, tu'kyä'äy tu'kto'oxy jap myina'antë kuja'ay jä'ä ko jëtu'un yë Wintsën të tuknipëjktaakë ets tëë tyajtu'ukmujkta'ay tu'k nasxäjë.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Jeremias 44:29

Ëjts maas nxëëwatyën Wintsën, ya'atë ijxpäjtën nëjkx nmo'otë: ko ënety ja ëyo'on tyunyë jyätyë mëti'ipës të nikäjpxyën ets koos ënety ntëytyuntë ja ja'ayëty ma ya'atë naax kajpnën.

Jeremias 49:28

Ma ja Wintsën tnikäjpxyën wi'ix jyata'antën ja Quedar ja'ayëty ets Hasor ja'ayëty, mëti'ipë ja Nabucodonosor, Babilonyë yajkutujkpë ojts ka'ap yajmëta'akëtën. Nëjkx nitëkëtë yë Quedar kajpn, yajkutëkoytyë tääpë kajpn, xëëwpëtsëmtsyowpë yajpaatyën.

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.