Isaías 21:11 - Biblia Dc en Mixe de Quetzaltepec

¹¹ Ma yaj'akäjpxyën wi'ix ja Edom ja'ayëty jyata'an kyëpäta'antën: Mëkës yë ja'ay tu'uk xymyëkäjpxy ets xy'ënëëmës: Ëkmëtow këwent'ajtpë, ¿jënaak yaxp tyam tsu'um?

Biblia Mixe de Quetzaltepec

¹¹ Ma yaj'akäjpxyën wi'ix ja Edom ja'ayëty jyata'an kyëpäta'antën: Mëkës yë ja'ay tu'uk xymyëkäjpxy ets xy'ënëëmës: Ëkmëtow këwent'ajtpë, ¿jënaak yaxp tyam tsu'um?

Isaías 21:11 ပူးပေါင်းရင်းမြစ်များ

Génesis 25:14

Oknëm näjyëtu'un myëxu'unk'ajtë Mismá, Dumá, Masá,

Amós 1:6

Jëtu'un yë Wintsën y'ënä'äny: Yë Gaza ja'ayëty mëj këjää nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty naax kajpn të tmatstë ets ojts tukmëtooktë yë Edom ja'ayëty tä tu'uk ja'ay yajtookyën mëti'ipë ëyoop mëtuunpën.

Joel 3:19

Xit ko'ow yë Egiptë jyata'any e yë Edom anë'ëk tëëtsë'ëk y'awinpita'any, jä'ä ko ojts ëxëëk tuntë Judá ja'ayëty ets jam kyajpnjotmëty ojts tyaj'ooktë ja'ay mëti'ipë ka'ap tii poky tmëëtëtyën.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Isaías 21:6

Jä'ä ko tëëjës yë Wintsën xy'ënëëmë: Nëjkx pëjkta'ak tu'uk këwent'ajtpë mëti'ipë nyikajpxëpën tii tyim'ijxypyën.

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

1 Crónicas 1:30

Mismá, Dumá, Masá, Hadad, Temá,

Deuteronomio 2:5

Ets këtii nëkoo xykyë'ënitontëty, jä'ä ko yë'ëjëty ka'apës nitu'knu'unën yë nyaax nkë'ëyakanëtë. Tääpë Seir kopk, yë'ë jyä'ä'ajtëp yë Esaú yë y'u'unk y'ok. Ëjts yë kë'ëm të nmo'otë.

Génesis 32:3

Ënet yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Cantares 3:3

Tëës njayajtëy mëti'ipë këwent'ajtëpën yë naax kajpn: ¿Këtii të xy'ixtë yë ye'etyëjk mëti'ipës yë njuukyajtën tsyojkën'ajtypyënë?

Isaías 21:12

Ets ja këwent'ajtpë y'ëtsoy: Tää xyiinyëjanë ets tää kyootsëjanë. Pën tii myajtëwantëp jyëkyejpy xyajtëwtëty, mmintëp jatëkok.

Jeremias 6:17

Yë Wintsën ojts yë këwent'ajtpë tpëjktä'äky ets t'ënëmaay yë naax kajpn: Mëtowtëp ko ja pujxnxuxn yajtukxu'uxëty mëti'ipë nyikäjpxypën ko kutsë'ëkëpë myiny kyëtä'äky. E ja naax kajpn je'eyë y'ëtsooy: Tii tääpë, ka'ap yam yë'ë yajmëtowa'any.

Génesis 32:4

Ya'atë aaw ayuk tyuknikäjx: Jëtu'un xy'ënëëmëty yë n'ajtyës Esaú: Yë m'uty Jacob yë'ëjës xytyukmëkäjxëp ya'atë aaw ayuk ets m'ënë'ëmxëty: Jamës të n'ity të ntsëënë ma Labán yë jyëën tyëjkën, jënu'un ya'atë xëëw jëmëjt të nyäxyën.

Josue 15:52

Ja kajpnëty mëti'ipë yajtijtëpën Arab, Dumá, Esán,

Ezequiel 25:12

Ëjts, Wintsën, jëtu'unës n'ëna'any: Edom tëë tuunwinpity ijxtëm ojts tyunyën yë Judá, paaty ja nëë poky të tsëëmë'ëky.

Ezequiel 33:7

Mijts ye'etyëjk, jëtu'un të mpëjktä'äky ma Israel kajpnën tä tu'uk këwent'ajtpën. Mijts m'ëxajëp yë n'aaw n'ayukës ets xytyuknijawëty yë naax kajpn.